السلام عليكم...

بنات ودي أسألكم سؤال...


أزواجكم يعدلون وينظفون وياكم بيتكم ولا لا؟؟؟؟


يعني غسال ، كناس ، كواي... والله تمللت كله أنا ولا يساعدني في شي..

عسى المواعين يبقون كم يوم ما يلمسهم..

والله تمللت..

الإشراف : تم تعديل العنوان بما يتناسب مع النص ..

انه الصراحه احيانا يساعدني مو دايما....يغسل المواعين، يشيل الثياب عن الحبل وينشر،تكرمون يغسل الحمام وبس.... الحمدالله

__________________

ليس لدي علم حتى الان بالذي سيكون عليه

لكنه من العذوبة بمكان ان يساعد الزوج زوجته

و لنا في رسول الله تعالى صلى الله عليه و سلم اسوة حسنة

خاصة اذا كانت الزوجة مريضة او في النفاس او متعبة


حفظكم الرحمن

__________________
اللهم تقبل دعاء

اي نعم يساعدني ادا كان موجود عندي في بلدي

بس اكثر شي يتذمر ادا خليت الاغراض مقططة ماشلتها
لاني احيانا يعجزني وانا الم وراه اغراضه

بس مانكر احيانا واااايد يساعدني

بس اكره شي لما يجي يعرض علي خدماته في المطبخ يجنني في حوسته

يقلب علي كل المواعين مايخلي ماعون مايطلعه

انا افضل في المطبخ مايدخل خير شر بس وش اسوي ماحب احرجه ولا ابي اعوده انه خلاص مايسوي حاجة

اخليه يحوس لي المطبخ على مضض

بس باقي البيت مو مشكلة عندي

احيانا يلم صحون الطاولة ويرتب السرير واذا محتاجة مساعدة تنظيف النوافذ والمراوح يساعدني

بس صراحة الباقي خمام وكواي وغسال ماحب اخليه يسوي

احب انا اخدمه بعيوني

__________________

في الاحلالالالام

اجل تبون ازواجكم يسبعون ويكنسون اجل ليش ما يحملون عنكم وتجلسون مدللات هع

في الاحلالالالام

قليل جداً

غسيل - كناس - كوي .......... ولا مرة !

لكن مرات قليلة جدا في الجلي لما أكون مشغولة او مرضية

تحضير الطعام لما يكون جايينا ضيوف و انا مش ملحقة الوقت أو لما كون مريضة

__________________
.
.

استودعتك أهلي في سوريا يا من لا تضيع ودائعه

حرام الضليمه شينه يساعد بس بطريقته...الي يقدر عليه ..بس احس اكبر مساعده من الزوج هي..دعواته ..تشجيع البنات في الكرف معي ..صحيح بس حكي بس يرفع شوي من المعنويات تنفع وانتي زهقانه ...مو مثل العلل الازواج الي لا خيره ولا كفايه شره

عبارتهم الشينه ....اجل احنا ليه معرسين وهذا شغلكم..هذا احنا نكرف في الدوام وانتو رقاد في البيت خخخ

الله والكرف بعد كم يوم يجيه انذار من مديره انا غير متعاون

والله فكرهالكاسح المملوح....
اجل تبون ازواجكم يسبعون ويكنسون اجل ليش ما يحملون عنكم وتجلسون مدللات هع

هههههه
ضحكتني خله يحمل عني ويولد وانا مستعده اصير عنده مو خدامه....اكثر من خدامه...لو يبي القمر عطيته هذا لو طلته

__________________
الاخت الفاضلة

الصورة الرمزية مخالفة ولابد من تغييرها

الادارة

اسمحوا لي ان اعلق على الموضوع

نعم انا اساعد زوجتي في المنزل بطريقتي وهي

ان لا اطلب منها اي شيء وهي تعمل اعمال المنزل

لاني ما اعرف اعمل شيء

ولو اني عملت شيء ما بيعجبها اصلا

ولكم تحياتي

__________________
العربي ابو محمد