السلام عليكم و رحمة الله و بركاته

ادخل في الموضوع على طول... ابا تفاعلكم معاي قبل ما يرد زوجي من الدوام لانه يريد الرد مني اول ما يوصل البيت...

انا صار لي 10 شهور معرسه... و سنه مالكه....

اول ما عرست طلعت بيت بروحي.. كانت حجتي جدام ريلي ان اخوانه كبار..

لكن في الأساس كانت اخته هي مشكلتي... (انا بشرح لكم هالمشكله عشان بعدين تقدرون تعطوني رايكم في اللي انا خايفه منه)..

هي وايد تغار مني اونه انا خذت اخوها منها... (كانت دلوعته)... مع انها كانت مالكه والحين معرسه

كانت تغار يوم يطلعني و ما يطلعها.. تغار يوم يشتري لي هدايا.. لدرجة انه صار يوم يشتري لي هديه لازم يشتري لها شي..

واول مره طلعنا مع بعض ما شرا لي شي على طول فكر فيها وشرا لها هديه.. وانا طلعت من المولد بلا حمص...

وبعد في فترة الملكه كنت بروح بيتهم وهو اللي يا ياخذني من البيت واخته هذي كانت معاه.. تخيلوا يوم ييت بركب السيارة ما رظت تيلس ورا وانا ايلس

عدال ريلي .. جان تقول اونه يلسي ورا.. انا بمزاح قلت لها قومي انتي يلسي ورا لانج الاصغر ... هني ادخل السيد زوجي وقال لي روحي يلسي ورا

انا هني مت من القهر معقوله يفظل ان اخته تيلس عداله على زوجته ... ومن غبائي رحت ويلست ورا.. كنت توني مكمله اسبوع ونص من الملكه...

مع الزمن اكتشفت ان في بيتهم عادي يشوفون افلام فيها قلة ادب والكل يالس ولا يفرون القناة ولا شي جنه لقطه عاديه من الفلم...

طبعا الصدمه ان اخته عادي عندها تتكلم معاه بكلام انا كنت استحي اقوله له... والله انها تتكلم معاه عن الملابس الداخليه ومن تتشتريها..

واكثر شي يقهرني فيها انها يوم تسلم على زوجي ماتسلم مثل باقي الخوات .. لازم تحظنه وتبوسه على رقبته هذي العاده ماتركتها حتى وهي معرسه ...

بس هي الحين شوي متحسنه يعني ما صارت وايد تسويي هالحركات غير سالفة السلام لين الحين تسويها وريلي عيبنه الوضع وما يرضا يكلمها




الحين انيي للمشكله الاساسيه ...................

العقد مال الشقه مالتنا ينتي اخر شهر 7 كان المفروض والمخطط مالنا ان نطلع اول 7...

بس اليوم نزل قرار في دوام ريلي انهم يرفعون بدل السكن مالنا .. لكن ما نعرف متى بيطبقون القرار

بس الأكيد انه خلال شهرين...

زوجي يقترح على ان نروح نقعد في بيت اهله مدة شهرين... طبعا انا ما عندي مانع بالعكس انا احب اكون عند امه..

لكن المشكله في اخته هذي اللي قلت لكم عنها ... صح انها معرسه بس بحكم شغل زوجها هو اسبوع عندها واسبوع دوام..

يعني في الاسبوع اللي زوجها يكون مب موجود هي تروح بيت اهلها...

وانا وااااااااااااااايد خايفه من المشاكل لاني ما استحمل حركاتها بالمره .... اسلوبها ينفرز وتخلي الواحد يكرها حتى لو هو ما يعرف يكره

وانا لازم اقرر اذا انا موافقه نروح عندهم ولا لأ خلال 3 ساعات...

ابا رايكم باسرع وقت ..... ساعدوني

اترياكم ...

اختكم العفة...

مشكلتك مثل مشكلة صديقة مقربة مني ..

وانا فعلاً استغرب من الأخوات من هذي النوعية .. يعني اخت زوج صديقتي كانت تلبس خليع جدام اخوها وعادي تتدلع عليه وتجلس تترقص له وشوي وتقعد في حضنة وفي المقابل كانت تطنش زوجتة (صديقتي) كانت تغير منها .. غريبة احس فيهم شذوذ .. يعني انا بعد امووووت على اخواني بس احترم نفسي واحترمهم وهالكلام عيب .. والله لآحط زوجاتهم في عيوني مو عشانهم بس عشان اخواني لأنهم غاليين ..

المهم ،، بقولك شنو سوت صديقتي .. صديقتي عاشت في شقة منعزلة في نفس البيت .. عانت كثير بس بعدين صارت سطحية وكانت تحاول تتفادي هالأخت .. حاولي تكوني دبلوماسية معاها حتى لا تزعلين زوجك واهلة .. وفي الأسبوع اللي في بتكون معاكم في البيت حاولي على طول تسوين برنامج حق زوجك وتشغليه بكل طريقة .. يعني بطريقة حلوة .. عزايم وسهرات او جلسات رومانسية مع بعض .. وإن شاء الله الشهرين راح يعدون على خير ..


تحياتي ،،

اشكر لج مشاركتج اختي ام كريم ...

بس تعرفين شو المشكله اختي ام كريم ...

زوجي بيتوتي ... اذا اباه يطلعني اونه جو رومنسي لازم اذل نفسي واتم احن لين يوديني يعني اذا طلعنا بتكون طلعه وحده في الاسبوع ....

بلييييييييز ساعدوني 16 لين الحين قارين الموضوع ومحد رد علي غير ام كريم

قولوا لي اي فكره اي طريقه يمكن تنفع ..

اختي لاانصحك ان تسكني مع اهله


لان سيحدث مشاكل وقد تتطدخل والدتك زوجك

وربما تصبح عداوه طول عمرك

خليك بعيد ه وعزيزه

واطلبي من اهلك يدفعون لك حق الشهرين ااجار

والله يسعدك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

تبوسة على رقبتة ؟؟؟؟؟؟؟؟؟؟؟؟؟؟؟؟؟

ما هذا ؟؟؟؟؟؟؟

ولىىىى


لا لا تسكنى معهم

على رقبتة ؟؟؟؟

ولىىىىىىىى

أختي لا أنصحك بالسكنى مع أهل زوجك ..خلك عزيزة وانت بعيده عنهم
ليس لشئ سوى أنك قد وضعت الاحتمالات الأسوء في خيالك ..وهذه ممكن أن تترجم الى أفعال بدون قصد منك ..

أرجو أن يهدي الله الجميع لما يحبه ويرضاه ..

أختك ..أم البنين

__________________

شكرا لكم جميعا علي ردودكم ...

وشكلنا خلاص ما بنروح عندهم .. اتفقت مع زوجي انا نقعد ببيتنا ونجدد كم شهر احسن لنا ...

اشكركم

__________________

بناءا على الرد الأخير للأخت الكريمة al3efah يغلق الموضوع.

تحياتي،،،

__________________
https://soundcloud.com/abo-faisal-9/...5-wa0024-mp3-1