خواتي انا تعبت من زوجي لا يقدرني ولا شي انا اشتغل من الساعه 8 الصبح الى 5 المسى وبس يوم واحد اجازة وهو اغلب الشهر اجازةفوق كل ذي انا احط راتبي كل عنده قاعده اساعده لكن ما في احساس ودايما يتسلف فلوس علشان يشتري اشياء كماليات احنا مب محتاجين لهاومنها خذ قرض تقاعد علشان تلفزيون وساعه ب 100 دينار ولعبه 200 دينار ولعبه ثانيه ب100 دينار وشرا لي ذهب عقب ما باع ذهبي القبلي علشان يسدد الفيزا كارد ويوم سدد الفيزا كارد تخيلوا راح وشرا لي ساعه ب50 دينار بلفيزا كارد وذهبي كنت بايعته ببلاش وبخسارةوكلما تصير سالفه بسيطه يقولي فنشي من شغلك وكم مرة فنشت ومرة فنشت وباع سيارته حق اخته ببلاش وللحين اقساطها ندفع فعطاها وقال لها كملي اقساطها وعطته 50 دينار مقابل لها وخذ تلفوني وتلفونه الي بالاقساط ماصار لهم 3 اشهر وراح باعهم بخسارة فادحه بخسارة 200 دينار والاقساط للحين ندفعهم وبدون علمه راحت اخته وباعت السيارة على شخص ثاني بدون علمه وبالمقابل اخته حصلت مبلغ 500 دينار على السيارة ويقولي زوجي انا بعته لانه المكينه خرابه يعني ( المكينه مب ممكن تتعدل ؟؟؟؟؟)وياما يخوني وكل مرة يقول خلاص ويرجع ثاني وياما يحاول يضربني في وقت غضبه بنات اللحين الديون ما تتصورون شكثرها كلها على كماليات لدرجه من اسبوعين من الشهر تخلص الفلوس وبعدين يقول لي شنو الحل ويروح يتسلف وبعدين يقول لي شلون نتخلص من الديون فكري لنا فكرة واروح افكر واذبح عمري وافكر واطلع حل لكن ما في فايدة يرجع يتسلف حق اشياء غير مهمه واليوم اتصلت وقال لي انا باروح السعوديه مع صديقي وقلت له تحتاج تصريح وانته ما خذيت من شغلك ويقولي لا صديقي طلع لي تصريح ! وقلت ما عندنا فلوس يقول ما علي راح اتسلف من عند امي ومتى ما قدر راح اعطيها وقلت له كم قال 50 دينار قلت له واااايد وتم يعصب علي ويقول اني ابي مشاكل ويقول انا مب طفل عندج علشان تتحكمين فيني وقلت هذاي الشي مب ضروري فلا تتسلف واذا ودك اخذ 20 دينار راح تكفي يقول انا ابي اتشترى تقولين عشرين قلت شنو تبي يقول مادري راح اشوف الاشياء الزينه والرخيصة وراح اشتريها وقال مالج شغل فيني الي ابي اسويه باسويه ويقول لي لا تدخلين بحياتي وقلت له انا بعد لا تتدخل بحياتي من الغضب وسكرت التلفون بوجههوعلى طول اتصل فيني ومارديت عليه وبعد فترة اتصلت فيه والا يقول لي من بكرة ما تروحين شغل وتكتبين رسالة استقالتج وقلت له ماراح اكتب ولا شي ويقول مب على كيفيج وقلت انا وحدة مب مستقيله ويقول لي غصبا عليج وسكر التلفون بنات تعبنت معاه خمس سنين على هاذي الحال كلما صار شي يقول لي استقيلي وانا الخبله مطلعه له سيارة جديدة بأسمي وغير السيارة الثانيه الي بأسمي من راح يدفع اقساطهم اذا استقلت غير انا بارووح فيها قضايا ومشاكل مع البنوك ؟؟وراتبه ما يبقى منه غير 60 دينار صرف اليد بنات انا تعبت من وعوده وتصرفاته انا اقصر على نفسي علشان اساعده وهو ولا همه يبي يشتري وبسعلى الي اسويه اشتغل في الدوام وارجع اشتغل في البيت وكله ما تسوين شي ومن اول ما ارجع من الدوام غسلي ثياب ترى وايد وخمي الحجرة وغسلي الحمام وكأنه حياتي شغل في شغل وقبل كم مرة يقول لي عن صديقه, مرته ما تحط معاه من راتبه قلت له لها الحريه اذا تحب ولا لا ويقول اصلن غصبا عن المراة تعطي راتبها حق زوجها عيل شله مشتغله لو انا منه ما خليها تشتغل

وفوق ذي اذا ابي ازور احد يقولج لا لا لا لا لا لا عندج شغل في البيت سويه واذا راحت ازور امي مرة في الاسبوع وساعات مرة في الشهر واذا احد عزمني على شي ما يخليني ويقول لج من كم يوم رحتي بيت امج خلاص بس وايد تبين تطلعين وصديقاتي ما دري عنهم ولا سويت الواجب معاهم كله منه وكل يلموني الناس يعتقدون انا جذي ماا يدرون عنه

بناااااااااااااااااااااااااااا ت انا مليت مقدر اتحمل ذي كله وقولوا ليش شنو اسوي انا للحين في الدوام وما ودي ارجع الغرفه الي معيشني فيها في بيت اهله وكان وعده انه راح يسكني بروحي لكن ماشفت شي



الحين يبني افنش والله يستر اش راح يسوي فيني في البيت وادري راح ياخذ ذهبي من الكبت وعلى اشياء عزيزة علي ومثل ماسوا خذ الجوازات وحط عند امه من زمان ولا براضي يجيبهم وادري راح يروني الشمس في الليل والقمر في النهار راح يبهدلنيبليز ما ابي اروح البيت ومابي استقيل
هاذي القصه من قبل يومين


والي صار بعد ما رجعت:

انا رحت البيت وقالي شفيج تأخرتي قلت له الزحمه وقال لي من بكرة ماكو شغل سكت عنه وردد علي انج ماراح تروحين واذا رحتي راح اجيك الشغل واسحبك من شعرك والي يصير خله يصير
وقلت له انا ما راح استقيل من راح يدفع قسط السيارتين الي على راسي قال باتصرف وقلت له شلون وانا ابتسم وكان ذاك الوقت بيدي فحمه قاعده اشعلها حق البخور الحمد لله وجان يجي يمسكني من ملابسي ويصارخ على وجهي ويرميني على السرير ويطيح ضرب فيني على وجهي ويرفس فيني علشان ادافع عن نفسي الفحمه كانت بيدي واخذها واكويه بيده وجان يبتعد شوي ويقول بعد تكويني جان يجون اهله كلهم ورد يبي يضربني وحاولو يفكونه عني وقلت لهم عن سوالفه كلها من الالف الى الياء ومنها عن خياناته وشكثر صبرت عليه وقال لي كلام وسخ ماتتصورونه وتم يقول لهم بأنه من سبب الجان اللي فيني اعاشر نفسي وقاعد يرويهم حركات بيده شاسوي له من حركات جنسيه جدام امه واخته بايع كل شي هاذي المجنون مب ريال يتكلم عن حياتي الجنسيه معاه ويقول اني مقصرة انا لاني مقصره ولا شي مايتم شي ماسويه له وقال اذا اطلعت من البيت راح اطلقها واجيب وحده ثانيه والله في خلال اسبوع واجيب منها اعيال يترسون البيت وولدج اخذيه معاج والذهب مالج فيه اي شي انا شريته بأسمي والسيارة الي بأسمك اخذيها وتم يهددني بالطلاق والزواج علي ومنها الذهب حريمتي منه قلت له انا مب محتاجه ذهب وتم يقول لهم اني اعرف صبيان واطلع معاهم واسوي بلاوي معاهم وكلام وكلام وبعدين رجع لي مرة ثانيه يبي يتفاهم ونوصل حق حل جدام اهله الموجودين في الغرفه لكن انا ما عبرته ورد يسب ويشتم فيني وبعدين كان راسي يدور فريحت شوي وبعدين قلت له احنا ما نصلح حق بعض ويقول لي تبين شنو الطلاق قلت ابي اروح بيت امي وقال اذا طلعتي راح طلقج فلم اهتم وطلعت وهو جالس في الصاله مع اهله وجان يقول شفوا راح تطلع وجان يلق طلقتين وبيتهم يحاولون يمسكوني ويقول ها اطلق الثالثه وتموا اهله يقولون له لا لا يصارخون عليه يتوقع راح افتكر اذا كم طلقه يقولها وانا كنت ابيها منه وطلعت وقبل لا اطلع ما رضى يعطيني السيارة الثانيه الي عنده يقول لي انا دافع فيها مقدم تبين اخذيها في المحكمه وولدي ما عطاني اياه وقالي تبين نروح مركز الشرطه قلت له تون الناس لا تستعجل ويقول راح اروايهم الحرق الي بيدي وقلت له ما تقدر تضرني لانه انا كنت ادافع عن نفسي ومب معقوله بجي بحرقك بدون سبب

وعلى العموم انا طلعت ورحت بيت امي على طول

ورفيجتي انصحتني اني اروح القضاء العسكري لانها تعرف نسوان كانت مشكلتهم مثلي واشتكوا وبهدلوا ازواجهم ومنها السجن كم شهر ويصرف نفقه عليها وعلى الابن ويوفر لها مسكن وغيره

شنو اسوي خلاص مقدر؟
ولدي واحشني من ثلاث ايام ماشفته ولا سمعت صوته
والي سواه زوجي فيني قدام الولد

لاحووول ولاقووه الا بالله

جعل يدينه الكسر ان شاء الله

اختي لاتتركين وظيفتك هي اللي بتبقى لك

وحقك لااازم تاخذينه في المحكمه لان الامور وصلت لطلاااق

الله يفتحها بوجهك يااارب وولدك حاولي تاخذينه حراااام يكون بعيد عنك اتصلي على ام زوجك او اخته وقولي لها انك تبين تكلمينه

الله يفرج همك يااارب...

__________________
لااله الا انت سبحانك اني كنت من الظالمين

ما ادري شقول غير الله يفك ضيقتك


هذا مو رجال

__________________
[/IMG]

انا بس قريت القصه خلال كم دقيـقه اقسم بالله حسيت بضيق وشوي بنفجر ~


ســـــــــــؤال / !!!!

انتي كيف تحملتيه كل هالسنين هالـوقح !!!! هو وقح بس ؟! وقح وحقير وقليل أدب !!!!

يضرب ويهين وخاااااااااااااين ويقذف ويتبلى عليك وقاسي القلب !!

بالله هذا وش ترتجين منه ؟!

مابي احلف بس مليون بالميـه انه احسن قرار اخذتيـه بحياتك انك طلعتي من بيته ...

::

لاتتحسفيـن .. والله ثم والله انه اشكال زوجك .. ( اشبـاه الرجال ) حساااااااااافه بوجههم لو نص مرأه !

مو عاد وحده تشتغل وتصرف عليه وحافظه بيته وعياله ؟!

خسـاره بوجهه انه اب ! اصلا هالأسـ،م ارقى من انه يطلق عليه بس الحمد لله على كل حال ~

ياااااااقلبي اول شي تسـوينه

وظيفتك ثم وظيفتك ثم وظيفتك .. اشوف انك محظوظه لأنك اكثر من مره تركتي شغلك ولقيتي بداله ونـادرا ماتصير بهالزمن لأن الواحد من يلاقي وظيفه يمسكها بسنووووونه ~

ثاني شي / لاااااااااتسكتين عن حقك ابـدا ~ لو خيط وابره بعد تاخذينهم منه ..~

وشوفيلك محامي كويس وشاطر يقوم بقضيتك واثبتي الطلاق واهله شاهـدين على هالشي ..

وغير كذا خلي المحامي يسعالك بقضية ولدك الي هي الأهم .. اهم من المال والحلال ~

بالذات انه ولد وبأذن الله يكون معاك ~ مو مع ابـوه

::

السـالفه يبيلها صبر صبر ثم الـ صبـر..

لو هو قرر انه يرجعلك !!!!! وانتي تبينه وماودك تتركينه لأي سبب من الأسباب :

بشــــــــــرـروط ::

اول شرط / يسدد جميع ديـونه .. ويصفي كل الي عليه ~

ثانـي شي / تشرطين الوظيفه لأنه الي زي زوجك ماينضمن له ابـدا وظيفتك بهالزمن هي سلاحك بالذات مع زوج مايخاف الله ~

ثالث شي / بيت مستقل لك لوحدك ~

مع التعهد الخطي بعدم الضرب ابـدا بأي شي باليد او بغيرهـ ~

رابع شي وهو الأهـم / تعرضون حالتكم على مختص بالأستشارات الأسريه .. وتعيـدون بناء هذي الأسره ..

لأنها والله اعلم مااااااااااااتنفع بوجود هذا الزوج وبنفس صفاته ~ راح يضيعون الأبناء وتكثر المشاكل مع مرور الوقت فاااا لازم وضـروري / وجـود اخصائي اجتماعي يتدخل بحالتكم ..

::

والله اني منغثــــــــــــه وهذي هي قصـه قريتها مو عاد عشت معاه مثلك .. الله يصبرررررررررك الله يصبرك ~

اختي الحي على الله بالدعاااااااااااء وتصدقي والزمي الأستغفار ~ ادري هذا كلام نقرا كثير ~

بس يمكن يمر علينا ومانطبقه بس والله ثم والله انه هو السبب في تفريج الهموم سبحان الله ~

::

__________________
{ احبــــ ـــكم بلا استثنـاء ~

حبيبتي مشكلتي اصدق تذكرتيني اقري موضوعي القديم راح تنقهرين

اختي انا رحت حق المجلس الاعلى للمرأه وقالوا تقدرين تروحين والمحكمه وتقدمين بلاغ حضانه مستعجله للولد وقالت الولد راح يكون عندج بكل تأكيد

وارفعي عليه بلاغ بأنه ماخذ سيارتج الي انتي تدفعين اقساطها
والمجلس راح يوفرون لي محامي وكل شي وراح يوفرون استشاره لي

وامي تحاول معاي اني اعطيه فرصه لكن مليت وانا اعطيه فرص ويكفيني ضرب وسب في كرامتي ويكفي الم ومذله

والله حبيبتي رفع الدفايه علشان يضربني وادري يبيني استقيل وبعدين بيقول لحقي امج وقلبي وجهج
وقالوا لي روحي القضاء العكسري راح يبهدلونه لج وينجبر يصرف نفقه عليج وعلى ولده ومنها يوفر لج شقه

قاعد يحلف اذا طلعت راح يتزوج علي وحده غير عزباله راح اهتم ويهددني بالطلاق كأني راح اروح تحت ارجوله وارتجاه

وظيفتك أنتبهي لو ينشق نصفين لاتتركينها
الله لايكثر من أمثاله

__________________
أشتقت لكم جداً 💔

الله يعينك ويصبرك وهذا اسمحي لي مآيستااااهل من يضيع حياته معه بس المشكله بينكم ولد ومو زين له يتشتت وهو بهالعمر بس هونيهااااا وتهوون الدنيــآ هذي عجايب في عجايب ومـآفيهاا احد مرتااااااااح ....


الله يعينك ويعييني ويكتب لنا اللي فيه الخير .....

__________________
ابي أكبر خط التوووقيع

صوريه فيديو بدون ما يحس وهو كيف يحكي معك ويضربك ويصرخ وأسلوب معك وفرجيه لل قاض شوفي اشلون راح ينحرم من إبنو بعد،،،، الله أكبر عليه مو معقول هذا أبعد ببعيد من أن يكون رجال... وعفوا اش فيها لو نطق طالق ثلاث مرات حتى لو مليون مرة تعتبر طلقى واحدة إلى أن تنقضي العدة،، قلة عقل ودين وسايق فيها الدين ،،، الله يعينك أختي الله يبعد عنك