مساء الخير*

زوجي وما ادراكم ما زوجي سنتين زواج والا الحين ما فهمته ولا راح افهمه*
شخصيته غامضة وغريبة *شاكه ان فيه مرض نفسي والمشكلة الاكبر من كذا ان امه تقول ان شخصيته كذا من يوم كان عمره 10*
ماني قادرة اتخيل كيف اعيش باقي عمره معاه
زوجي عمره 27 لمن تزوجني كان اعزب ما سبق له الزواج اما انا كنت مطلقة بدون اطفال*
علاقاته مع اقاربه وامه واخواته من امه والناس كلها معدومة ما عنده اي علاقة في الخارج ولا يحب يحتك في الناس عصبي ملامحه دائما مكشرة وعصبية طول عرض جسمه رياضي وضخم المهم مظهره يفجع لدرجة يوم ندخل مكان عام احس ان الناس تتجنبه حتى يوم نشتري شي من محل اشوف البايع ما يلف ولا يدور معاه يحاول يخلص البيعة بسرعة
عربجي درجة اولى اذا كنا. في السيارة وواحد لف عليه بالغلط او صدمه*
ما عنده الا ضرب بعدين ضربه ما يرحم بس ربي راحمنا محد مات على يده
ومرة كنا في محل عبايات وعرض عليا الرجال موديل جديد مزكرش وكذا.انا ما عطيته وجه بس زوجي جالس يصيح هذه بنت الاصول الشريفة العفيفة تعرض عليها الموديل ذا وطاح فيه ضرب*
وربي صرت ما ابغى اطلع مكان من كثر ما هو فاضحني *وربي صرت ما اقدر احط عيني في الناس من كثر ما انا مكسوفة منه
ومواقف كثيرة ما تخلص*
اما عن علاقتي معاه معدومة ما يحب يتكلم معي ولا يتناقش معي دائما اذا حصل نقاش بيننا ينهي النقاش بكلمة وحدة وربي كانه قرفان مني واذا فكيت سالفة معاه رده يكون ايوة طيب اها يعطيني ع قد عقلي

زوجي مسوي نادي رياضي صغيرة في الشقة حاط فيها عدة رياضة سير ودراجة وحديد واكثر يومه هناك*
اكله قليل ما ياكل الا فاكهة وخضار واذا سويت له دسم ياكل لقمة لقمتين ويقوم*
ما قد سمعت منه كلمة حلوة زي ما قلت اصلا ما يتكلم معي وكاني جدار في البيت
ما يطلع من البيت الا لدوامه زي ما قلت ما عنده اي علاقات في الخارج*

الحين بذكر لكم ايجابياته هي الي مصبرتني عليه
محافط على الصلاة في المسجد من يوم ما تزوجته ما قد فوت صلاة*
ما يهجر القران دائما يتصدق على عمال النظافة سورة البقرة دائما يشغلها في البيت*
والي مستغربة منه انه في كل صلاة لازم يتكشخ ويطلع للمسجد وكانه عريس*
من ناحية الدين مرة ملتزم حتى بنتي دائما يقرا عليها اذكار ويحصنها*
رغم ان الي يشوف شكله من برا يقول هذا حق مخدرات عند ندب في عينه واملط مو ملتحي*

رغم تصرفاته السيئة مع الناس كلها بس معاية العكس تماما ولا عمره مد يده عليا ولا رفع صوته ولا سبني حتى اذا ان عصبت ورفعت صوتي يقول الله يهديكي بس ويعطيني ظهره ويمشي*

يحب بنتي ودائما يلعب معاها ويشيلها معاه وين ما يروح ويدلعها ويشتريلها العاب*
ما قيد ردني في طلب يعطيني مصروف واذا طلبت منه شيء يقول طيب طبعا يقولها من دون نفس ومكشر زي ما تعودت منه بس ما يردني في الاخير

رغم اني حاسه انه ما يحبني ويكرهني من دون سبب الا انه في الجماع ما يقوم من السرير الا وهو مشبعني مداعبات وكل شيء بس وهو ساكت ومكشر برضه

معليش لو كان كلامي مو واضح ومتلخبط*
ياليت لو احد عنده خبرة يحلل شخصيته ولا يقولي ايش الحل معاه كيف اعدله واملكه واغيره لان والله هو فيه خير بس ماني عارفة ايش اسوي معاه

ماشاء الله تبارك الرحمن .. اللي استنتجته ان عنده عقده من مظهره الجسماني
يمكن يكره نظرة الناس له وهالشي مسوي له عقده والدليل النادي اللي مسويه لنفسه في البيت والظاهر انه يسعى لتغيير بنيته الجسمانيه ..

والتكشير أكيد طبع فيه والا كان شفتي تعامله مع أقاربه مختلف .. يعني اذا كام مع خواته مزوح ويسولف ومعك العكس هنا ممكن تشكين انه مايحبك .. بي طالما طبعه كذا مع الكل فهو شخصيته كذا ..

لا تنتظرين منه شي بادري انتي بالسوالف ولا تيأسين أو تحسين بعدم تقبل منه لك طنشي بس سولفي وسولفي وسولفي وخلال هالسوالف ( امدحي جسمه ) لك هيبه رزه كشخه كثيرين يتمنون يصيرون نفس جسمك الرياضي .. ومن هالحكي انتي ادرى بمفاتيح زوجك ..

ياشيخه حفاظه ع الصلاة وروحته للمسجد كأنه رايح عرس .. هذي لحاااااالها تخليك تحطينه علئ راسك لو عيوب الدنيا كلها فيه ..

الله يسعدك ويوفقك ويآلف بين ارواحكم انتي وبعلش ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

ما اتوقع عنده عقدة من منظره
يمكن مسوي نادي في البيت عشان زي ما قلت ما يحب يختلط بالناس
بس جسمه ما شاء الله تبارك الله ما قد شفت مثله حتى في الافلام مقسم ومشدود ورياضي حتى لمن نروح السوق تشتغل عندي الغيرة من نظرة البنات

السلام عليكم ,,

أختي الكريمة ,,

ماذا حدث له عندما كان عُمُرهُ عشرُ سنوات ؟ وتغيرت شخصيته !!

__________________

ما صار شي بس على كلام امه تقول انه من يوم ما كان طفل عمره 3 سنين كذا كان ما يحب يلعب مع الاطفال ويجلس لوحده وما كان يضحك و لا يبتسم يعني حالته غريبة
ويوم صار عمره 9 او 10 صار عدواني يضرب في الاطفال الي قده ويجلس يضحك وينبسط اذا ضربهم
القهر انها ما قالتلي هالكلام الا بعد ما تزوجته ولا كان هجيت منه بس الحمدلله على كل حال

اختي انت ولامرة ابديتي له اعجابك فيه او انه جسمه زي ماقلت جميل
اعطيه الثقة في نفسه وشوفي يمكن يتغير تعامله معك ممكن هو معتقد انك كارهه هذا الامر فيه

أعتقد والله أعلم إن عنده عقدة نقص .. بما انه في سن العاشره كان يضرب الاطفال وينبسسط يعني انه حاسس بعدم تقبلهم له وانه اقل منهم في اشياء معينه ..

والدليل عدوانيته على أي أحد يضايقه في الشارع او المحلات لأنه يحس انهم يستهينون فيه .. هذا تحليلي والله اعلم بس حسب المعطيات اللي في القصه استنتج..

ومع ذلك زوجك فيه خير كثييير ماشاء الله ويحترمك .. غيرك ترفع صوتها ع زوجها ويخليها تعض الارض ثم يقضبها الباب هههههه .. احمدي ربك انتي يرتفع صوتك ويدعيلك ...
هو أكيد تغير بعد ماجتكم الكتكوته .. واصبح اكثر حنيه ومع الايام والاطفال ويكبروا راح يتغير جذرياً لأن الأطفال راح يقربوكم من بعض ويفتحوا أبواب الحوارات بينكم ..

الله يسعدك يارب .. حاولي تتكيفي مع طبع زوجك واستغلي لحظات الصفاء افتحي فيها حوارات متشعبه يعني يكون لها تكمله ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

دام انه طيب معك ويحترمك وش تبين أجل عليك من نفسك مو مع الناس تعامله

الله يسعدكم يا رب بس ما اتوقع نقص وكذا
عادي زيو زي الناس الي تروح نادي وتتمرن
وياما مدحنا جسمه ولا يرد ولا يلتفت اصلا
يا نايف على راسي يحترمني وطيب بس تخيل ان زوجتك طيبة معاك وتحترمك بس ما تتكلم معك ولا ترد على كلامك ولا تهتم فيك ولا تسمعك كلام حلو وتتعامل معك ع انك واحد ما عندك سالفة وكلامك كله كلام فاضي بتسكت وتقول اهم شي انها طيبة؟

اختي يضرب ولا مايضرب..

هل صار مرة وقلتي له مثل هالكلام...
يبدو لي ان كثر مازوجك عصبي الا انه بداخله طفل صغير يحتاج لمزيد من الاحتواء..ولكثير من الحنان..
وبه الكثير من الصفات الجيدة..
لا تنسي اهم شئ..الانوثة ثم الانوثة..

__________________