السلاااام عليكم

انا زوجي متين يعني وزنه 102 وطووله 169 ... وكل ما اكلمه بخصوص الريجيم يوعدني بس ما يقاوم الاكل اذا اسوي له اكل خاص بالريجيم يقوم ياكل عليه مكسرات او يروح بيت اهله وياكل عندهم واذا طلع ياخذ له اكل ...

كلمته يسجل في نادي رياضي بس يوعدني المشكله انه يبي يضعف بس ما ياخذ خطوه للأمام يبي يضعف من غير حركه ..

عمل نفسه يصوم كم يوم بس من يفطر في الليل ينسى نفسه لو ما صام احسن!!

كيف اقنعه واخليه يتشجع يعمل ريجيم .... انصحووووني ؟؟!!

__________________

	ادعوا لي ان الله يرزقني بالذرية الصالحة

عزيزتي اولا تشجعي انتي معاه...الرجيم ما يكون بالحرمان من الاكل بل بتحديد كمية الاكل المناسبة

1- خصصوا مع بعض ساعة واحدة يوميا للمشي...
2- احضري له كتيبات او برامج عن اضرار السمنة...ولا تحنين عليه وايد ...
3- ممكن انج توعدينه بمفاجأة كل ما خسر كيلو او كيلوين...
4- حاولي تتفقين معاه ان وجبة العشاء تكون خفيفة..
5- خليه يشرب ماء وااايد قبل الطعام...
6- عطيه تفاح وخيار او سلطة قبل الاكل علشان يشبع بسرعه وما يكثر من الطعام..

وان شاء الله تنجح الخطة بس انتبهي لا تبينين له انج متضايقة من هالشي خلي الخطة تكون كلعبه او تغيير روتين

والله يوفقج وتبشريننا بالنتيجة الايجابية .

اختج ---- لمني بشوق

__________________

هذا الكلام جميل جدا لكن قبل ذلك لابد ان يكون لدى الزوج قناعة كاملة بضرورة تخفيف وزنه والتخلص من الوزن الزائد قبل البدء بهذه الخطوات.

يعطيكم العاافية على النصائح

__________________

	ادعوا لي ان الله يرزقني بالذرية الصالحة

أعرف شخص سمين ماشاء الله عليه ويتعب من المشي والوقوف ولذلك كلها نصف ساعة في السوق هو وأهله ومايتحمل يرجعهم للبيت ..أعانهم الله

__________________
سبحان الله وبحمده سبحان الله العظيم

حاولي تصوري لي كيف راح يكون لو نقصت الدهون الزائده في جسده .ز


صوري له :

اناقته في لبسه كيف راح تختلف ..


اختيار للملابس كيف راح يصير اسهل ( بمليون مره من الحين .ز

صوري له :

كيف راح يكون منظره ( في عينيك وفي عين نفسه وفي عين الناس ..

صوري له :

كيف الناس راح ينظروا له نظره رجل قوي : لانه اثار التغير تظهر عليه ..

وفي نظرك قبل ..


وفي نظر نفسه قبل الكل ..

...

صوري له :

كيف راح يكون اخف في الحركة والمشي والطلوع والنزول والنوم وحتى ( العلاقة الزوجية الخاصه ..


..

صوري له :


ما تعرفيه من اماله وطموحه في تخفيف وزنه ..

وانتي ادرى به من غيرك ..


...


وعند تخفيف الوزن ( من تجربتي الشخصيه ..

لا تتسرعي في النتائج ..

لانه كما يقال ( مايذهب سريعا يعود سريعا ...

..

ثمان كاسات من الماء يوميا ( موزعة عل طول اليوم ............ فعاله جدا وحتى لغير صاحب الوزن الزائد ..

..

ليس الحرمان من الاكل ..

ولا حتى اكل الريحيم ( لانه غالبا يكون مكلف ماديا ..

خلي الاكل طبيعي زي ماهو ..

لكن :


ابتعدي عن المقلي ..

نوعي في الاكل ..

ادخل الخضار والفواكه في جدول الاكل ..

نقصي الكميات ( الرز وغيره ) بطريقة تدريجية ( ولا تجوعيه ابدا ..


اخيرا :

المشي




ثم




المشي




ثم



المشي ..



..


والله يحفظكم ويرعاكم

__________________

الله يعينك اختي اناامر بنفس معاناتك بس الفرق في الوزن زوجي اطول شوي واسمن شوي

وللاسف اصيب بالسكر الله يبعدك عنك وعن جميع المسلمين


المهم للحين وانا وهو ومد وجزر وريجيم ولخبطه الله يستر بس لازم يكون مقتنع والا بيروح تعبك وبيتجنب يجلس معك ويمكن حتى ما ياكل معك والسبب كلامك عن الريجيم وللاسف انا مريت بهذي لمرحله


بس تعرفين وش الحل

الحين بديت موال جديد وهواني انا ابي انحف وابغاه يساعدني وتحمس ووعدني نمشي ويساعدني لاني سمنت شوي وقلت له اذا ما ساعدتني بسمن لين اصير زيك وهو طبعا خاف ....

وفي احتمال يشترك بدايت يعني نحاول الله يعينه ويعين زوجك



علميني وش يصير عليك
تحياتي
دلوعه زوجي

يبغالها صبر هذي!
عموما المشي! لانه غصب راح يمشي معاك!
ايضا خلي الموية قدام عيونه ليل نهار!
والأمر الثالث استمري في الأكل في الخاص بالريجيم!
والأمر الرابع اختاري له ملابس ضيقة عليه شوي! يمكن يتحسر على نفسه!
واخيرا اهديه له كتاب مذكرات سمين سابق لتركي الدخيل!
ممتع وكوميدي وفي نفس الوقت أتوقع فيه تأثير ايجابي عليه
بالتوفيق