السلام عليكم ورحمة الله وبركاته
انا متزوجة من 4 سنوات عمري 24 وزوجي عمره 31 سنة وماعندنا اطفال
انا عشت حياة مع ابوي ومرت ابوي كلها مشاكل وماعرف الراحة او الاستقرار بالحياة المهم مايحتاج اقول تفاصيل كثيرة
انا تخرجت من الثانوية وكان حلمي ادخل تخصص معين ولكن ابوي رفض وزوجني
المهم تزوجت وكانت بداية حياتي الزوجية ممتازة جدا وكنت سعيده بس بعد فترة تقريبا سنة ونص بدا زوجي يتغير في تصرفاته
صراحة ماشكيت فيه ولكن استغربت التغيرات ولما سالته قالي بصراحة انا ماني مقتنع فيك كزوجة وحبيبة وام اولادي
وتزوجتك مصلحة وابوك يدري وانا ترا مجبر مثلك وادري بكل شي وخرج اذكر كان معزوم , انا استغربت من كلامه وجاني احباط
واهل زوجي مايطوانوني خصوصا امه كانت تشوفني انسانه مو مناسبه لولدها المهم المشكلة مو في ها كله لآني تعودت على تصرفاته وتصرفاتهم
تعايشت معاهم غصب عني
المهم المشكلة مو هنا المشكلة اني احبه بشكل مو طبيعي واغار عليه طيب ليش ؟ هو مايحبني ليش احبه ؟ هل انا مريضه او لهدرجة انسانه ناقصة
احب شخص مايحبني !!
احس احيانا اقول في نفسي ليش صابره وساكته اطلب الطلاق واروح في حالي بس اتراجع عن هالقرار مادري ليش هل هو لاني احبه
او خوف من شي ثاني
فوق المليون مره يجرحني سواء بكلام او بنظرات للبنات او يمدح البنات اللي عنده بالانستقرام او او او
بس اقول في نفسي كل الرجال كذا ومافي حرمة ماتشتكي من زوجها انه يتغزل بالبنات قدامها بس مؤلم الموضوع
والحين بحكم دراسته في امريكا في جامعة مختلطة احيانا يحل الواجبات مع زميلات له او يدرس معاهم او ايا كان
المشكلة انه يسولف معاهم ويطول وياخذ راحته ولما اعاتبه على هالشي يقولي انا بهالشي اسويلي علاقات استفيد منهم يوم اني احتاج
المشكلة الثانية هي مشكلة جنسية واعذروني ودي اعرف شي شخلي شهوتي تقل او تنطفي لحد يقولي زوجك موجود
اكره اقوله انا مشتهيتك مادري ليش افضل يجي من نفسه ولا اروح له لانه احيانا يطنشني او يحرجني
احس احيانا انه اغلب تفكيري في هالموضوع , انا مادري ايش فيني هل انا مريضة دائما اتخيل خيالات باللي نفسي فيه
او اتخيل اشياء مادري كيف هل يعتبر مرض !! حاولت اشغل نفسي بالصلاة والصيام والرسم والرياضة بس مادري ماقدر
ودي انفصل عن زوجي للابد بس وين اروح مابي اروح عند اهل ابوي مارتاح عندهم ابد ولا عندي احد غير زوجي
بس مادري
تم تعديل العنوان ليتناسب مع المضمون