السلام عليكم ورحمة الله،
اتمناكم بأفضل حال

سؤالي
هل فقدان اﻷمان والثقة
تستحق أن نفكر بالطلاق لأجلها ؟
حتى لو كان بينهم أطفال .

لا
تخليني اكون حذرة وخطواتي محسوبة، بس!
لكن طلاق لا
الأمان والثقة ماهو شي ضروري بالنسبة لي ، اعيش مع انسان ما احس معه بالأمان ولا الثقة لكن قادرة اتكيف، لان هالاشياء بالنسبة لي مستحيلة مع الرجل ، واللي كانت عايشه هالشي واثقة مليون بالمئة بزوجها صدمتها اكيد كانت كبيرة
الزواج متعه وزينه ، لكن راحه وأمان انسي!!

يختلف الامان من وحدة لوحدة
اقصد معنى الامان عندها
ماذا فقدتي من الامان ؟!
لانو يكون من وجهة نظرك انك فقدتيه
وقد يكون لا يعني عند غيرك فقدان للامان
الله يسخر لك زوجك ويسخرك له

كلامك منطقي بحالات معينة
فعلا اللي قادرة تتكيف وتمشي أمورها
ما يحق لها تشتت بزورتها

بالنسبة لي نعم...

صدقتي ،
اللي أقصده إن يكون الزوج لا مسؤولية !
ومتزوج السفر مثلا زي زوجي
آخر موقف قصم ظهري
وخلاني افكر بالطلاق رغم المشكلة الكبيرة إني حملت والله المستعان
طبعا تعرفين فترة الوحام وخوفي الخاص كونه بكريه
وخوفي احتاج مستشفى بغير اوقات المراجعة
فقلت له أجل سفرك أنا اخاف احتاج مستشفى
واخواني موظفين بالاجازة يعني صعب اعتمد عليهم
لكنه استخف بطلبي و زعل وهجرني !
وبعدها سافر ،
هذا غير موقفي معاه وقت مرضي لما سويت عملية تصحيح نظر
المشكلة هو اللي يبغى أطفال وكنت طول الفترة اللي راحت أجاهد معاه ما ابغى احملل
ووضحت له اسبابي و أولها سفره الدائم
قال لي بس أحملي وأنا ما حفارقك
لكن ما صدق معايا

جزاك الله خير

هل السفر هذا من اجل العمل ام من اجل الترفيه
اذا كان من اجل العمل فهذا عمله وانا اشوف لا توجد مشكله
اما اذا كان من اجل الترفيه فعذرا فانه لا يستحقك

ايوا من أجل الترفيه

والله نفسيتي تعبت ما كملت 23 سنة
لكن أحس نفسي كبرت مية سنة قدام من التفكير

يعني لو صبرت حأعيش متذبذبة لا أنا مع أهلي
ومسؤولين عني
ولا زوجي اللي قادر يستوعب أن زوجته تحتاجه
على اﻷقل لو أروح عند أهلي ما حفكر بكيف أوصل المستشفى
لو تعبت ما افكر بيوم إني حكون وحيدة

لكن ذحين اش اقولهم زوجي مو فاضيلي اتحملوني واتكفلوا فيني
أنا وبزورته !

وبدون تردد اذا كنتي واثقه من مشاعرج.

الانفصال حل للشعور بالأمان..