قبل ما أكتب الموضوع أو المصيبة لي محيرتني وما تخليني أنام أحب أتمنالكم ختام كريم لهاد الشهر العظيم والله يبلغنا وياكم المغفرة التوبة الهداية وجنة الفردوس يا رب
رح جرب إختصر قصتي لأنها كتير طويلة ......أنا تعرفت على شاب بلد غير بلدي وجنسيته غير جنسيتي {فلسطيني} أول ما حكا معي طلبني للزواج لأنه حبني من أول نظرة أنا بالأول ما وافقت ...غريبة شوي بس مع الوقت وبعد اهتمامو فيني وأهم شي حاجتي لأستقر وجيب ولاد ويكون عندي زوج أراعيه كان ولازال حلمي الوحيد المهم وربي يشهد إني استخرت من أول مرة خرجت معاه مشان أشوفه وكتير أحترمت حبو لشغلو وحبو للإستقرار وللأولاد لي أنا أموت عليهم ....وافقت عليه بعد ما كلمت أهلي ...بس كان مجرد كلام وبهاد الفترة حسيت إنه شوي متغير كأنه خايف وماكان يخليني أشوف تليفونته وفي مرة طلب مني أغير رقمي لأجيب نفس شركة الإتصالات لي عنده وطلب مني ما أرد على أي اتصال وعملت متل ما بدو ....مر الوقت وفليلة وإحنا نحكي مع بعض خبرني إنه في وحدة خدت رقمي وطلب منب ما جاوبها بهديك الحظة كانت هي عم تتصل فيني جاوبتها وكانت وحدة أجنبية وقالتلي إنه خطيبك صديقي وإنها بتحبو وحكتلي عن كل تفاصيل علاقتهم قلتلها أنا خلص طمني أنا ما عاد بدي رجال خاين بس هي حكتلي إنه هو كتير بيحبك وإنه صرخ عليها وقالها إنه لو خسرت خطيبتي بسببك ما رح أسامحك....أنا والله العظيم ساعتها ما بتعرفو كيف كانت حالتي شفت الدنيا وأحلامي صارت سراب ومع هيك تشجعت وحكيت معو وقلتلو خلص يا إبن الحلال إحنا ما لبعض وترجاني مش لسامحه إنه ما خليه وإنه هو ما استغلها وكان بيعرفها قبل ما يعرفني وإنه كان بحاجتها ببلاد الغربة كصديقة بس ما صدقته وسيبته.......بعد أسبوع حكى مع رفيقتي مشان تحكي معي- لأنه كنت غيرت رقمي من تعبي من تليفوناتها ورسايلها وتهديداتها إلي ولخطيبي-وما كان بدي إحكي معو بس من جواتي كان بدي أسامحو بعد ما أربيه ويا رتني ما عملت هيك .....بعض إصرار طويل وبعد ما بكى لأسامحه صدقتو و سامحتو وكأنه ما صا ر شي بعد غيبة شهرين رجعنا متل أول وأحسن هلأ الشي مر الوقت 7 شهور وعم نجري بمعاملات الزواج يعني زواجنا بعد شي شهرين تقريبا.......مشكلتي هلأ إنه هاي الأجنبية لساتها عم تبعتلو رسايل على الإميل لأنه غير رقمو وأنا عندي كل إميلاتو والفسبوك والسكايب تبعو وكل يومين بفتح الإميل بلقاها بعتتلو إميل عنوانو إسمي وعم تدعي عليه وإنه قديش هي وتقت فيه رح تكون زوجتو يعني أنا هي عدابو يعني عم تتوعدلو بالعداب معي لأنها ما رح تسامحو

وااله العظيم أنا كتير تعبت وما خبي عليكو شي أنا كتير خايفة منها وأنا لي بدي إبني عالم لإلي أنا وحبيبي بدون مشاكل ولا خصام والحمد لله متفاهمين على كل شي وهو كتير طيب وأهلو كتير دراويش وطيبين وبيحبني كتير كتير ودايما بيحكيلي إنه هو عمرو ما غلط وأول ما غلط إجت على راسو من فضلكم دبروني شو أعمل
كتير كتير أسفه لأنه وأنا عم إقرا هلأ شفت إنه الموضوع بدو ساعة جمب الشاشة ...............وكتير بتشكر الناس لي رح تحس فينس وتجاوبني بكل صراحة
جزاكم الله كل خير

حتى خطيبك درويش مو بس اهله لانه بكل براءه قال لك بتتصل عليك بنت ولا تردي عليها بغض النظر عن طبيعة علاقتهم السابقه
وانتي درويشه عشان كذا رجعتيله ولانك للحين تتاثري بكلامها وهي هذا الي تبيه فركزي بالمهم بحياتك الجاي احلى ^_^
اما البنت سويلها بلوك من تفكيرك قبل حسابات زوجك و خلاص
و مبروك الزواج ياعسل

تاكدي ان ربي ماكتب امرك مع الانسان الا وهو خير لك

بغض النظر عن اختلاف المجتمع بيننا
بس التخريب بكل مكان
انسى البنت وفكري بحياه زوجيه سعيده

والف مبروووووك الله يسعدكم

شكرا جزيلا على إيجابتكم ويا ريت أي واحد يدخل يقرأ موضوعي يعطيني رأيه لأني حايرة وعمري ما قدرت أشكي وأفضفض لحدا عنه غيركم
جزاكم الله كل خير

بليز ساعدوني انصحوني أنا كتير تعبت أي واحد يقرأ يكتب أي شي يفكر فيه أو حتى يدعيلي

جزاكم الله كل خير

وفقك الله اخيه. God bless You Sis

حبيبتي لا تخافي منها ولا شي مجرد تهديد وكلام فاضي
لو بدها تعمل شي كانت عملت من زمان بس هي من قهرها بتهدد لأنها ما بتقدر تعمل شي

عيشي حياتك وانسي انها موجودة بما أنكم متفاهمين وبتحبوا بعض ما في شي راح يأثر عليكوا إن شاء الله
ولا تنسي إن الله سبحانه موجود استعيني فيه وفوضي أمرك له ولا تخافي من أي مخلوق

قال الرسول عليه الصلاة والسلام : اعْلَمْ أَنَّ الأمة لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ

__________________
كل نعمــة دون [ الجنــة ] .. فانيـــة
وكل بلاء دون [ النّـــار ] .. عافيــة

اختي الاميل الي بترسل لخطيبك منه الرسايل اعملي الوا تعطيل وخلاص وانتبهي لزوجك والفلسطيني ميزته انوووا طيب وحنون انتبهي الوا ولحياتوا وحاولي تخليه يركز على شغله وعلى اسرته وخلااااااااااص
زوااااااااااااج سعيد ان شاء الله ........

انتي تاعبه حالك ع الفاضي

متل ماحكولك هي الاجنبيه لو بايدها شي كان ساوتو من زمان

بس هلأ لما حست انو راح من بين ايديها مالقت سلاح تحاربك فيه الاالحكي والتهديد ع الفاضضي

واياك تخليها تحس لحظه انك تاثرتي بكلمها وضعفتي
هيك رح تحس انها انتصصرت وبدات تخرب عليكيم علاقتكم

وبعدين خطيبك لو مابيحبك ما اعطاكي باسوورد ايميلاتو وحساباتو الخاصه

هاد اكبر دليلل بيعشقك ومابدو يخسرك ابدا

فنصيحتي ياقلبي
انك تنسي شي اسمو فيس بوك وايميل لخطيبك وتحذفيهم نهائيا
وتركزي ع حياتك المستقبليه وتهتمي بخطيبك اكتر

الله يسعدكم ويوفقكم

تحياتي

الله يسعدكم يارب