السلام عليكم

كيف حالكم جميعا00

والله مالي الا الله ثم انتم على طول جيتو في بالي


مشكلتي هي امي الله يطول بعمرها

انا اهلي مررررة متطورين ومبين علينا وعلى اخواني واخواتي ووالديني

ويارب لك الحمد تزوجت برجل اقل مني مستوى واهله اقل مني لكن موفرق شاسع وكبير بس يعتبر فرق بسيط

المهم دايما امي تعمل مقارنة بين اهل زوجات اخواني وبين زوجي واهله

وان كلهم متطورين وعصريين الا هل زوجي

وهالشي مرة يضايقني لدرجة صرت مثلها وبدا زوجي يحس يعني امي أثرت علي

لدرجة لما اقولها سالفة صارت تضحك وتقول زوجك مرة شعبي وصرتي مثله شعبية

واهل زوجك ماعندهم دوق ولاتطور يفشلون!!!!

دايم اقولها احمدي ربك كنتي عايشة بهم والسبب عدم زواجي ولما ربي فرجها شوفي كلامك

تزعل وتتضايق وتقول انا ماقلت شي غلط!
المشكلة بديت اتأثر وبديت اتضايق حتى اواني المطبخ حقة بيتي امي تتهزا فيها تقول مرة شعبية وقديمة

اقولها اكيد يماه قديمة لأن امه كبيرة بالسن وهي اللي اختارتاها فشي طبيعي انها ماراح يكون موديلها جديد

مع الا يام كرهت الاثاث ومطبخي امي الله يحنن قلبها ويهديها ويطول بعمرها كرهتني فيهم

لدرجة اشترت لي شوية صحون تقول كلي فيها انت وزوجك بدل اللي عندك الواحد مايقدر ياكل فيها!!

قلت يماه اكيد بيزعل الرجال اني ماستخدمت صحونه تتندم وتقول سوي اللي تبغين


تعبت وتأثرت بكلام امي وطول الوقت افكر كيف اشتري اغراض جديدة واستبدلها بللي عندي

كرهتني بأهله والله00 دايم تتهزا بتصرفاتهم وملابسهم وحركاتهم

مع انه والله موهاك الفرق بينا وبينهم بس امي من النوع اللي يهتم بالمظاهر كثييييييييير

واهله مايهتمون كثير بالمظاهر


تصدقون بديت احس اني صرت استحقر اهله استغفر الله امي مرة مضايقتني كيف احل المشكلة

لدرجة صارت تزعل علي لما ارد عليها علاقتي كثير متغيرة معاها والسبب هالموضوع!!


الله يجزاكم خير كيف احل المشكلة؟ وكيف اضبط علاقتي مع امي

لما تسألني عن اي شي ماقولها لأني خايفة اتكلم وتتهزا فيني وتزعل تقول ليه ماتقولين لي

ونقلبها نكد!


علاقتي قبل الزواج مع امي افضل بكثير من الان!

وهالشي مزعجني امي اغلى ماعندي بهالدنيا

__________________
اللهم لك الحمد والشكر
"ولئن شكرتم لأزيدنكم"

اول شيء الله يخليلك أمك يارب
ثاني شيء ودي انبهك على شيء يمكن انتي ما حسيتي انه قوي

اقتباس:

لدرجة صرت مثلها وبدا زوجي يحس

ترى هالنقطة مهمه مره وخطرة
وقت ما الزوجه تحتقر زوجها صدقيني بيكره البيت اللي جمعهم وكل شيء يربطهم

الحل
لازم تكلمين امك في هذا الموضوع هذا واحد
ثاني شيء انتي عندك طريقه وانا اذكرها زين
لدرجة ان بنات المنتدى صارو يسمونها بطريقة شوبارد
طنش
مو هذي طريقتك أول
اذا ما فاد مع امك الكلام الواضح والتفاهم
مالك الا الطنش

والله يقرب بينك وبين زوجك اكثر واكثر
والله يرزقك محبة امك ورضاها والذرية الصالحه يارب

و عليكم السلام ورحمة الله

يا شوبارد ,,



لازم يالغالية ما تبيني هذا الشيء لزوجك الكريم أبدا

لأن هذا سيؤثر على نفسيته ,, و قد يخلخل العلاقة بينكما

فالرجل لا يحب ان يشعر ان زوجته تحتقر أصله او عاداته او أهله او تصرفاتهم

و بعدين يالغالية قولي لأمك المظاهر ليست كل شيء

فالأهم هو القالب

و الجوهر

و الكثير من البسطاء ( ان صحت تسميتهم)

يكونوا أشد طيبة و أحسن خلقا من غيرهم

قولي لوالدتك يالغالية ان هذه أمور شكلية يمكن تتغير في يوم و ليلة

ممكن تغيري كل شيء في بيتك لكن بالتدريج و بأسلوب عفوي

لكي لا يؤثر هذا على علاقتك بزوجك و أهله

بالعكس

لا يجوز ان تكون في قلوبنا مثقال ذرة من كبر

و في النهاية التطور ترى و الله بالأخلاق

مو بهذه الأمور


بعدين انت لست الأولى و لا الأخيرة التي تتزوج من رجل من طبقة اقل ( رغم أنني لا أحب الطبقية و ان كانت واقع )

أعرف الكثيرات ممن تزوجن من هم أقل منهن

و حياتهن على أفضل ما يرام

فكما قلت هذه الأمور لا تحتاجين حتى ان تفكري بها

لأنها قابلة للتغيير

لذا أنصحك بأن تتبعي اسلوب اللين ثم اللين مع الوالدة

و قولي لها يمة ترى زوجي مثل ولدك

و عادي ترى انا فرحانة ببساطته

انت قولي لها هذا و حاولي ألا تظهري انك متأثرة بكلامها

و قولي لها سأغير كل شيء في البيت

لكن كل شيء بالدبلوماسية


بوركت يالغالية

__________________
اللهم تقبل دعاء

اخوي محمد00 الله يجزاك خير ويقبل دعاءك

بصراحة مرة زوجي حس لكن ضبطت الموضوع على طول وقدرت افهمه بشكل ثاني

__________________
اللهم لك الحمد والشكر
"ولئن شكرتم لأزيدنكم"

الله يصلح امج و تحملي بزوجج دام انسان يخاف الله و يحبج ليش الفروق و الكلام اللى يغث و انتي حاولي ما تردين على امج و لا تنسين الرسول صلى و عليه و سلم كان ينام على حصير و هو اشرف الخلق

الله يخليكم حق بعض و يهدي امج

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي

شورباد يالغاليه

امممممممممم

احساسي يقول ان امك تغار كانت متعلقه فيك ومتعوده عليك وفجأه اعرستي وخليتيها

يعني شئ طبيعي

بس تبين نصيحتي طننننننشي ودايم امدحي في اهل رجلك ورجلك قدام امك وقدام اهلك

علشان تعرف امك انهم عندك بالدنيا

وانتبهي رجلك يحس بشئ ترا انتي الخسرااانه

الله يوفقك وييسر امورك

__________________

الوفية لوالديها 000 الله يوفقك كلامك رااااااااااائع الله يسعد قلبك

__________________
اللهم لك الحمد والشكر
"ولئن شكرتم لأزيدنكم"

ام الحسين000الله يجزاك الجنة

__________________
اللهم لك الحمد والشكر
"ولئن شكرتم لأزيدنكم"

هلا والله بشوبارد .... وش اخبارك ...



اختي تعيش مثل وضعك


متزوجه من ناس أقل منا .... مو قل فلوس ... لا الحمد لله هم بنعمه لكن ما هنا ذوق ابد ابد



اول ما انخطبت اختي ما اقنعوها يوم جوا يشوفونها ... لكن سبحان الله صار من نصيبها واخذته



واذكر يوم الزاج كلن مستغرب منهم ... لان كان لبسهم مره عادي .... لكن اختي بحياتها الخاصه هي وزوجها مره مبسوووووووووووووطه وكم مره امي تجيب الطاري وتقول انهم ... وانهم ....



اختي قد دقت علي ذاك اليوم وقامت تفضفض لي انه امي جرحتها يوم قالت عن حمولتها


وانا على طول تداركت الموضوع وقلت لامي ... لكن بعد كذا ما قالت شي يمكن تقول قدامنا لكن قدامها ما اذكر انها قالته



انتي دايم قولي لامك انا مبسوطة معه ولا يهني انهم كشخه والا لا ....



اعرف لك بنت خالتي اخذه واحد مناسبين امراء وناس هاي مره .... والله انها تعبت معهم .... تقول تعبت وانا اجاريهم ....



اهم شي يا شوبارد انك مرتاحه معه ... وخلي وحده من اخواتك تحاول تكلم امك بطريقة تحسسها انك متضايقة مره من كلامها ....


اهم شي الاخلاق ... والا هذي شكليات ما تهش ولا تنش ...


آسفة على الاطالة


تقبلي مروري مـالك عالـمي

جينز000ساعات اقول مثل كلامك بس ماعتقد امي اعرف طبعها



مالك 000


هم والله عادييين بس اهلي اللي مرة ماشاء الله فهمتي!!

اهلي مرررررررررررة بزيادة

وزوجي والله انه متحضر اكثر من اخواني بس اهله غيييييييييييييير


ومشكورة على كلامك

__________________
اللهم لك الحمد والشكر
"ولئن شكرتم لأزيدنكم"