اشتقت لضحكة أختي غلاتي - منتدى عالم الأسرة والمجتمع

10-10-2010, 02:41 PM

وردة الحي

عضو دائم

تاريخ التسجيل: Aug 2010

المشاركات: 51

اشتقت لضحكة أختي غلاتي

السلام عليكم ورحمة الله وبركاته

بدخل على الموضوع مباشره تقدم لاختي واحد من قرايبنا من سنتين تقريبا وتمت الموافقه الولد ماعليه كلام

طيب وخلوق ومحترم المهم اختي كان مبين عليها الرضا والقبول ((التام)) بس لسه ما تم عقد القران

على اساس ان اختي ماتبي تطول فترة الملكه فقالت قبل العرس بفتره قصيره احسن

المشكله اختي قبل ثلاث شهور تقريبا كانت تقولي احيانا احس نفسي مب مقتنعه فيه واحيانا اتقبل الوضع

عادي يعني ما اتخيل نفسي زوجه له رديت عليها الرجال طيب وان شاء الله راح يسعدك

بعدين قفلنا الموضوع والحين صارلها كم من يوم تكلمني في نفس الموضوع

تقولي كل ماراحت تنام تفز من نومها تتخيل انها ماراح تتوفق معاه

كلمت انا الوالد والوالده وقلتلهم عن اختي طبعا الوالد تضايق وقال يمكن عشان العرس قرب وهذا ناتج من التوتر

طبعا ابوي فديته من النوع اللي مايغصب علينا الشي يخلينا براحتنا ونفس الشي امي

في الفتره الاخيره اختي انقلبت 180 من انسانه مرحه واجتماعيه الى انسانه مهمومه وكانها عايشه في عالم ثاني كاسره خاطري انا احس انها وافقت عشان ماتخرب علينا فرحتنا

لاني كل ما اكلمها تقولي اهم شي عندي رضا امي وابوي
مواصفات اختي :: جميله جدا ومرحه واجتماعيه وماشاء الله من النوع اللي واجد يتقدمولها

خاطري اختي ترجع زي قبل ولهت وحنيت لضحكتها وفرفشتها وسوالفها شيروا علي اخواني وخواتي

في حل هالمشكله ادري بتعتبروها مشكله تافه بس في نظري مشكله كبيره

للمعلوميه بحكم عاداتنا وتقاليدنا اختي ماتكلمه ولاتشوفه الا لما يجي في العيد مع امه يعني مابدر اي شي منه عشان نقول فيه شي ما ارتاحت منه

التعديل الأخير تم بواسطة وردة الحي ; 10-10-2010 الساعة 02:48 PM

10-10-2010, 03:38 PM

تعاندني

قلم مبدع

تاريخ التسجيل: Sep 2007

المشاركات: 1,055

أختي هل صلت أختك صلاة الاستخارة؟؟؟؟؟؟

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

11-10-2010, 12:00 AM

وردة الحي

عضو دائم

تاريخ التسجيل: Aug 2010

المشاركات: 51

اقتباس:

المشاركة الأصلية كتبت بواسطة تعاندني

أختي هل صلت أختك صلاة الاستخارة؟؟؟؟؟؟

من بداية الموضوع ما صلت استخاره بس قبل فتره صلت استخاره وبعدين صارلها هالشعور

الوالد سأل شيخ قال هذي المنامات من الشيطان يعني الاستخاره ماتكون الا في بدايه الاتيان بالامر والعلم عند الله

11-10-2010, 03:20 PM

عاشقة الغالي

عضو مثالي

تاريخ التسجيل: Aug 2010

المشاركات: 2,726

يمكن هذه المشكلة انو ماسوت استخاره
ماني عارفه ايش اقولك ماعندي غير الدعاء
الله يبعد عنها الهم والعم ويفرح قلبها ويسعدها

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

11-10-2010, 04:33 PM

الشعور المتخبط

عضو نشيط

تاريخ التسجيل: Oct 2010

المشاركات: 121

يمكن توتر وخوف طبيعي
تعرفين حياة جديدة وبتروح لبيت جديد وبتطلع من عند أهلها
يعني شعور صعب ع البنت
أتوقع هذا السبب
وربي يوفقهم إن شاء الله

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه