السلام عليكم ورحمة الله وبركاته

موضوعي

انه انا اتزوجت وانا سنه ثاني جامعه وكنت متفوووووووقه جدا ومتعلقه بدراستي جداجداجدا

المهم ما عدت سنه على زواجي الا وانا مخلفه اول طفل

ما قدرت صراحه اوفق بين المذاكره والبيت وولدي

وانا قسمي يحتاج مذاكره وانا من النوع الي احب ادرس

ما علينا

المهم اعتذرت ترم ورجعت برضوا ما مشي الحال

فقلت افصل نهائي واشتري بيتي وزوجي

بس مررررررره ندمت اصلا زوجي واهلي ما ساعدوني يعني وقت الاختبارات زوجي ما يجيب معاه اكل لازم اطبخ واهلي مااحد ساعدني في ولدي لانه عصبي جداااااااااااااااااااااا

المهم لمن عاتبت زوجي يقولي انتي ما قلتيلي جيب اكل معاك وانا ساعدك وديتك وجبتك

قلتله هذا واجب عليك تودي وتجيب

المهم يقولي هو مو غلطان في شئ ولمن يشوفني افتح جدولي ولا كتبي وابكي يزعل

وانا والله من حسرتي على نفسي

صح هذا المكتوب ليه بس برضوا ابغى احسسه انه هو السبب

اش رايكم في الموضوع بكلللللللللللللللللللللللللللللل صراحه

واااااااااسفه على الاطاله

الاشراف /تم تعديل العنوان

حياتي وايد بنات خلو الدراسه على سبت اشياء فاضيه انتي خليتي الدراسه عشان بيتك عادي بس نصيحتي خلي ولدج يشتد عوده و يدخل الروضه ولا تحملين بعده اصبري احسن و كملي دراستج من اول وجديد و خذي محاضرات صباحية حتى لو الساعات قليله يعني من 7 لين 12 و ردي البيت ستقبلي ولدج و خليه يلعب وانتي طبخي على راحتج او حتى زهبي الغدا من الليل و حطيه بالثلاجه و اكشخي جق زوجك و سخني الاكل و قدميه بكل حب ... اعتقد جذيه ح توازنين بين البيت والدراسه و نصيحه لا تفكرين بالانجاب لين ما خلصين التخرج و انشالله توج صغيره ولاحقه ....

انتي اللي تركتي الدراسه بإرادتك ماحد جبرك على الشيء فحرام تلومي زوجك وتحسسيه انه السبب .

بإمكانك الان ترجعي تكلمي دراستك من اول وجديد بدل اللطم على الخدود ..

انا لا اعتب عليكى ولا عليه اللى حصل حصل وخلاص مش مهم مين الغلطان لكن المهم ان الحل سها ان شاء الله
أول ما تحسى نفسك قادره ترجعى لدراستك قدمى فى الجامعه وارجعى ووقتها اطلبى من جوزك كل المساعدات اللى انتى عايزاها علشان ما يبقاش له حجه بعد كده

__________________

http://www.66n.com/forums/showthread.php?t=194675

أغلب إلي كملوا دراستهم من نسائنا بعد الزواج والأطفال لاقوا مصاعب عديدة ومتفاوته كل على حسب ظروفه...( وأنا منهم )

ونصيحة من مجرب (ورأى صنوفا من النساء الذين ندموا على عدم إكمال دراستهم) لا تتخلين عن دراستك قاومي وإصبري

وتكيفي...إلى التخرج ..

وطريقة زوجك معاك جدا معقولة ..قولي له يجيب غدا وبيجيب مو مقصر بس إنت تبينه يجيب من نفسه مو لازم يجيب من

نفسه لا تصيرين حساسة بزوود ...

والله يسعدكم....ولا تنسين الشهادة الجامعية

برد ع الكل من غير تفصيل

انا خلفت طفل اخر

وصعبه ارجع ادرس مع الطفل الاخر وماراح انقبل غير انتساب واعيد من الاول

وبالنسبه لزوجي

كل الازواج تساعد من غير ما احد يقولها

يفهم انه انا مشغوله وعندي دراسه اخوه الاكبر منه كان يطلب من اهله يطبخوله او يجيب من برى

الشغله ما يبغالها فهلوه

الاخت اغلى قطريه انا كنت مخليه نظامي كذا

اخلص بدري وارجع اطبخ

بس وقت الاختبارات ابغى اتفرغ للمذاكره

ومشكووورين جميعا

مع اني حاستكم كلكم ضدي ومحد فهم قصدي

انا لو مكانك بدل البكاء والقهر والتفكير بطرق تخلي زوجي يندم اخذ موانع حمل واسجل انتساب وابدا انا اطلب من زوجي واحن عليه بكل شي لمساعدتي بدل من اني انتظره هو من نفسه يساعدني والسبب ان كثير ازواج تساعد من نفسها! ..

اذا مادرستي الحين بتظلين ندمانه طول عمرك وانتي تحاولين تحسسين زوجك بالندم لانك تبين ترتاحين من عذاب الضمير انك خليتي دراستك تبغين تقنعين نفسك انه هو السبب مو انتي عشان ترتاحين وهذا الشي مو صحيح لو انتي بغيتي تكملين كان سويتي المستحيل وصرتي تطلبين من زوجك وتنشبين له عشان يساعدك..

واذا تقدرين تجيبين شغاله لو بالساعات تجي تنظف البيت وتروح جيبي وتفرغي لدراستك حتى لو كانت انتساب بالعكس هي انسب شي لك الحين مع وجود الاطفال وبصراحه غلطتك تحملين على طول كان صبرتي لين تتخرجين حتى لو زوجك طلب منك ممكن تماطلين..

لا تتصاعبين الموضوع اربع سنين تمر بلمح البصر وياما ناس عادت وكملت وغيرت انا نفسي درست ثلاث سنين في تخصص ثم اكتشفت اني ماقدر اكمل فيه وغيرته وبديت بتخصص جديد وقعدت فيه اربع سنين ومرت سريعه الحمدلله والحين متخرجة وموظفة لا تماطلين روحي سجلي بكر والعمر قدامك طويل باذن الله..

__________________

عزيزتي..

أدرك الألم الذي تعانينه .. خاصةً أنكِ تحبين الدراسة وكنتِ متفوقة فيها.

ولكن..

لماذا تريدين أن تحسسي زوجكِ بأنه هو السبب؟!!!!!

يبدو لي أنه أساء تقدير الأمر ليس أكثر ولكنه لم يكن متعمداً أن يثقل عليكِ .. وليس كل الناس عندهم نفس تلك الفهلوة الموجودة عند أخيه الأكبر.



عزيزتي..

إذا تمكنتِ من إكمال دراستكِ فبالتأكيد سيكون هذا شيئاً رائعاً .. حتى لو كان ذلك بالانتساب .. وإن كنتُ شخصياً لا أحب فكرة الانتساب ولا أعتقد أن تلبي طموح محبي الدراسة والمتفوقين .. ولكن ربما يكون هذا هو الحل الأمثل بالنسبة لوضعكِ كأم لطفلين صغيرين .. فإن كان كذلك فهذا أمر جيد وإلا فأرى أن تحتسبي وتنسي الموضوع إذا تعذر الأمر كلياً .. وهذا الحل يتضمن بالطبع أن تكفي عن لوم زوجكِ وتحميله ذنب ما حصل.

__________________


اللهم طِيبَ الأثر .. وحُسْنَ الرحيل.

الحل سهل يالغالية
[size="4"]

ارجعي كملي دراستك لو انتساب وابدي من جديد لان بتظلين طول عمرك ندمانة

اعتقد انك كنتي متوقعه ان زوجك يساعدك ويمكن ماساعدك بالشكل اللي انتي تبغيه لكن كان نوعا ما متعاون على الاقل ماطلب منك ترك الدراسة بطريقة مباشرة ويحاول يلف ويدور عليها لحد انتي ماتركتيها


المطلوب الان منك

تسجلين من جديد وفترة الامتحانات روحي عند اهلك وتفرغي للدراسة وهو يدبر نفسه هالفترة اصلا بينبسط انه بيكون عزوبي ويرتاح من السؤولية شوي وكلها اسبوعين وانتي راجعة للبيت انشاء الله يكون حل وفر عليك الجهد ويساعدك

وكثير والله من صحباتي ايام الجامعة كانو يسوون نفس الشي مع ان عندهم اكثر من طفل بس مشاء الله يبون يتفرغون للدراسة والتفوق اكثر

اتمنى ربي يفرجها عليك وهالزمن اذا انتي ماكسرتي الصخر وعاونتي نفسك محد معاونك وهالموضوع بيخليك طول عمرك حاقدةعلى زوجك ويخرب علاقتك فيه

شدي حيلك وربي ييسرلك كل امورك[/size]

السلام عليكم ...

اختي حاولي ان تحلي المشكلة ... بدل تضييع الوقت في البحث عن المتسبب فيها .. لنه لا يجدي بشيء ..

الأخوات لم يقصرن بالحلول ...اصبري الى ان يكبر ولدك واكملي دراستك ..

او الحقيه بحضانة ...

الحلول موجودة وتخيري نمها بدل عن البحث عن شخص لالقاء اللائمة عليه ... وقد تجدين في النهاية انك الملامة الرئيسة والوحيدة ..

الانسان هو الذي يتحمل نتيجة قراراته ...ولا يحملها الآخرين ...

وقد تكوني اختي قد اعتدتي على ان تؤخذ قراراتك لك ... مما صعب عليك التعامل مع نتيجة اول قرار تتخذيه بنفسك ..

اعتبريه التدريب الأول لك في عالم اتخاذ القرارات ...



والحمدلله انها مشكلة لها حل ...


ومن الان فصاعدا تذكري ان درسك الأول ..

أنا مسؤولة عن قراري وانا اتحمل نتيجته ..



وعلشان اخفف عنك ..

انا كنت زيك ... اول ما اطيح بمشكلة أدور عن المتسبب .. اي احد اعلق عليه اللوم الا انا ..

وفي النهاية لا أجد غير نفسي لألومها


وصدقيني ان هذا الأسلوب سيفقدك الكثير من العلاقات والصداقات فتخلصي منها بسرعة ..

وخصوصا زوجك لأنه راس مالك وتاج راسك ... والله يخليه لك ولولدك..


وفقك الله لما يجب ويرضى واراك الحق حقا ورزقك اتباعه واراك الباطل باطلا ورزقك اجتنابه ..

انه ولي ذلك والقادر عليه