اليس من حقي زوج احبه ويحبني افهمه ويفهمني ....
والله ماني عارفه من وين ابدأ.. وايش اقول
لكل نفس طاقة و درجة تحمل ...
سأسرد لكم ماحصل معي ولكم الحكم .. انا لا اجمل صورتي امامكم فأنتم لا تعرفونني ولا احد يعرف احد هناء .. اتكلم لكم بكل صدق والله على ما اقول شهيد .. ولا يهمني بالأعتراف بالخطاء ولو اعرف خطاي ما همني الي يصير واعتبر مايحصل ردة فعل ..
انا شخصيتي ضعيفه اسكت كثير على الي يخطي علي واتحمل كثييييييير حتى انفجر فجأه..
لا ارد ابد على من يخطي علي امام الناس واخذ منه موقف ..
لا احب المشاكل احب الهدوء والاستقرار في كل شي..
رغم المشاكل الي صارت بيني وبين زوجي.. الا انه اهلي في كل مره يجبروني على الرجوع اليه .. وارجع عشان خاطر ابوي وامي..
وكل مره تحصل مشكله بيني وبين زوجي .. امي تسئ معاملتها لي تحاول تحصل مشكله بيني وبينها عشان تهيني بزوجي واهله وتقول انت الغلط وهم الصح انتي تستاهلين وانقلعي لبيتك هذا بيتي انا ...
سكت ومارديت . رغم انهم على يقين تام انه زوجي واهله غلطانين. ..!!!
تتضايق كثير لما تشوف ابوي متعاطف معي و تلزمه بالشده معي
وكل مره نفس الشي رغم انه زوجي الي يوديني بيت اهلي ويقولي انتي معاد تلزميني اذا تأدبتي علميني اجي آخذك ..
انا بشر ياعالم عندي احساس مشاعر صمتي وسكوتي لا يعني اني ماحس..
امي تحرض اخواتي علي لما يطلعون يتمشون او اي مكان تقولهم لا يعلموني عشان مااروح معاهم .. تطلع تروح و ماتبيني اروح معها او حتى بناتي يروحون .... حتى الأكل تشيله عشان لا أكل وأبوي يجبر الخدامه تحط لي الاكل و تجيبه لين غرفتي ..
وامي طبعاً تعصب وتقول انت الي خربتها و دلعتها...وووو
وعادي تسبني قدام خالاتي وتحط اللوم كله علي ...
تضرب بناتي وتخلي خواتي يضربونهن وتقول لبناتي يله روحن بيتكم يله مانبيكم ولا تجلسون عندنا بالبيت ..
بناتي يجون لمي منهارات بالبكاء ويقولون ماما يله نروح للشقه ..
انا صرت ما اطلع من غرفتي نهائي عشان لا اتمشكل معها ولما ينام البيت كله انزل ادور لي اكل ..
وقبل اسبوعين تقريبا كان الوالد طالع من البيت 3 ايام و جدتي طالعه البيت مافيه احد غيري انا وخواتي و امي ..
وطلعو من البيت رايحين المول وبناتي يبكون يبغون يروحون ورفضت امي وبدت تقولي كلام مثل السم وتدعي علي ..
خذيت بناتي ورحت غرفتي على طول .. بعد مارجعو من مشوارهم نزلو بناتي يركضون عندهم فجأة سمعت بناتي يبكون بقوه نزلت اركض مرعوبه عليهم سألت وش فيهم ماحد يرد علي
سألت باني شفيكم قالو ماما هاوشتنا وتقول يله انقلعي امك..
انا هنا عصبت وقلت لهم شوفو محد له دخل بناتي ولا يتكلم عليهن بشي.. مالكم دخل انا امهم وانا المسؤله عنهن ..
فجأه ثارت امي بوجهي وتكلمت علي وقالت تستاهلين كل الي يصير لك وانت الغلط واهل زوجك الف نعم وانتي الكلبه .. و و و
واخذت الجزمه تبي تضربني وانا جامده بمكاني وقامو خواتي يهدونها وقامت تدفع خواتي تبي تضربني وتقول والله لا اذبحها .
وجت وحده من خواتي تبي تضربني وتكلمت علي وانا لا زلت جامده.....!!!
وجت الي بعده والي بعده يقولون انقلعي غرفتك ..
انا انهرت و كنت بضرب اختي ما قدرت بديت اصارخ عليهم كلهم حاولت اكسر البيت جاني شي مو طبيعي. . و و حده من خواتي تقولي خلاص روحي غرفتك ..
رحت غرفتي منهاره .. لفيت عفشي كله ولبست بناتي اتصلت على سواق ابوعشره مالقيت مشغولين اظطريت اترك اغراضي واخذت بناتي وطلعت من بيت اهلي من الباب الخلفي بدون مااحد يحس ..
رحت بيتي على رجولي كنت امشي بالشارع منهاره وابكي ..
طلعت عشان بناتي .. طلعت مايهون علي الي صار مع امي واهلي ..
عندي اتمشكل الف مره مع زوجي بس أمي وابوي وأهلي لا ..
وابكي بنتي بالشارع تهديني تقول ماما خلاص انا اضربهم كلهم.
جيت بيتي ودخلت مالقيت زوجي في البيت ..
بعد ساعتين تقريبا افقدوني من البيت .. لقيت اخوي الصغير يتصل بي وانا ما ارد ويتصل اكثر من 20 مره ويرسل ردي بقولك كلمتين ولا رديت عليه ..
نومت البنات ونمت عندهم عند التلفزيون. . ولما اذن الفجر دخل زوجي البيت و القى نظره علينا بعدين شال بناته ينامون عنده ..
حتى ماقال السلام ..
كملت نومتي عند التلفزيون وقمت الصبح وصلحت الغداء و القهوه والبيت كان معفوس وجلست انظف وارتب واغسل ملابس واقول لنفسي لك أجر وعشان بناتك بس ..
وهو ياكل ويشرب ويلاعب بناته ولا تكلم معي بحرف..
ينظر لي بسخريه واستخفاف يأمر علي بطريقه سخيفه لو هي خدامه مارضت وانا البي له كل مايبي ولا بينت له شي ..
يوم يومين ثلاثه .. وافكر واقول لنفسي عشان بناتك راضيه عشان ربك راضيه وانا مو قادره ابلعه ابد ..
وشي بداخلي يصرخ لالالالا .. قلت راضيه وغصبن عنك هالمره بتراضينه غصب غصب ... لبست وجيت عنده وهو نايم حضنته من راء ولا تكلمت .. لف علي وقال انتي اخطيتي علي كثير انتي اعتذري لي يله اعتذري انا زوجك موعيب تعتذرين ويصرخ اعتذري .. قلت له كوني جيت اراضيك مايعني اني اخطيت عليك يمكن عصبت يمكن رفعت صوتي واعتذر لاكن هذا كله ردة فعل للي سويته قال لا لا اعتذري بسرعه اشوف قلت اسفه قال اقوى قلت اسفه قال اقوى قلت شلون اقوى ...!?
قال انتي تحسين بعيب او غلط لما تعتذرين لازم تعتذرين .......
قال انا رجل وكلمتي مسموعه والي اقوله يمشي ... انا موعاجبني موضوع انك تقطعين امي هاذي وهذا بيتي وابي امي تدخل بيتي قلت امك على العين والرأس وحياها الله بأي وقت وبهلي به وبرحب وبحط الي تبي ..
قال لالا انا ابي كل يوم امي تجي لمي .. قلت له انبغيت كل دقيقه
قال لالا ابيك انتي الي تروحين وتعتذرين لأمي ..
قلت له انا ما اخطيت عشان اعتذر لحد قال غصبن عليك تروحين طال الزمن او قصر ...
قلت وبعدين انت ماتمل مشاكل ... قال لا ما امل اذا مليتي انتي امل .. ازعلي يله ياله روحي ازعلي ليش تقومينن عشان تغثينن كان خليتيني اكمل نومتي..
طلعت من الغرفه شوي لاني احس اني اختنقت ..
ورحت عن التلفزيون وحاولت امسك اعصابي ولا ابكي ..
و رجعت نمت وقمت ولا كأن شي صار اسوي غداء وقهوه وعشاء واهتم بالبيت وتنظيفه غير البنات و الوحام ذابحني امش خطوتين واستفرغ و انتم بكرامه..
جاء الدوام وصرت اخذ بنتي الصغيره معي على الحضانه
طبعاً هذا غير قلق الصبح ويبدأ فوق راسي يله يله..
وانا اكون مجهزه كل شي والفطور وهو يفطر ويشبع ويقوم ويقول مولازم تفطرون وان لا زم اكل الصبح عشان الوحام والبنات حرام يقومون جوعانين .. ولا همه قمة الأنانية. ..!
اروح الدوام يتاخر علي بالطلعه يطلع من دوامه ويروح للاستراحة ومته ماشبع جاء والله اناالي اسكر الباب لان اخر من يروح انا ..
صرت اعتبره مريض وله نوع خاص من المعامله والافكار وانه شخص مستحيل الرضا وانا البي له رغباته ورضاه لجل اعيش بسلام...
طبعاً لما يسافر وهو كثير السفر يجبرني على الجلوس بالشقه وكنت ارفض واروح بيت اهلي ..
هالمره قال بسافر واجلسو بالبيت.. قلت انشالله. . بدأ يكرر علي قلت طيب جب مقاضي للبيت جاب مقاضي وقال مافيه قعده بالبيت !!!
قلت ليش قال بس خلي اخوك ينام عندك قلت عنده جامعه ومايقدر فجأة صرخ بوجهي ليش ليش تكسرين كلمتي ليش لما اقولك خلي اخوك يجي تقولين لا .. قلت له مايبي كيفه قال سالتيه قلت ايه مره قلت له وعيا ...
والصراحة امي الي كانت ترفض ينام عندي بالبيت وتقول مابق الا تشتتين اخوك عشان مصلحتك..
طبعاً من طلعت من بيت اهلي ولا أحد اتصل او سأل مايدرون انا حيه او ميته
اليوم زوجي بيسافر وفتحت الواتس لقيت ابوي مرسل صور بناتي في قروب خواتي وكاتب شعر انه مشتاق و و و
المغرب طق الباب اخوي الصغير ودخل سلم وقال بأخذ البنات مشتاقين لبستهن وراحن معاه زوجي قاى لأخوي انه مسافر الحين وطلع و طلع اخوي..
.............
قبل لايطلع يقول ليش ماتودعيني قلت له تروح وتجي بالسلامه.. ويناظر لي بسخريه ويطلع..
علما اني طلبت من اكل من بر قبل كم ليلة ورفض وقال مافيه قلت انا تعبانه وجوعانين قال يله بس وسكر التلفون. . طلبت منه حلاق احلق بنتي قال بعدين وكل شي يرفض ويحقق ويحاول يكون السيد وذو الكلمه المسموعه ..
مليت منه اكرهه وقايله لأهلي هالشي احاول اتقبله واقول ربي يزين اموري انشاالله بس مافيه امل اسوي فيه خير ماينفع..
انانفسيتي تعبانه .. واتقبل النقد ولاكن مو حده مثلا اقولها زوجي ظالم ايش اسوي تقول لانك انتي ظالمته وهي ماعندها دليل ولاشي بكذا تتكلام وتنمق كلامها لتجعل من نفسها الرأي السديد. .
(مستجدات الرد31)
http://66n.com/forums/showpost.php?p...0&postcount=31
(مستجدات الرد50)
http://66n.com/forums/showpost.php?p...1&postcount=50