مارأيكم بزواج شاب عمره 19 سنه - منتدى عالم الأسرة والمجتمع

15-08-2006, 01:31 AM

روح الغالي

كبار شخصيات المنتدى

تاريخ التسجيل: Aug 2005

المشاركات: 9,203

مارأيكم بزواج شاب عمره 19 سنه

السلام عليكم

اخواني واخواتي الأعزاء

بأدخل بالموضوع على طول

ولد اختي بسم الله عليه يدرس في امريكا بعثه هذي اول سنه له

ومن كم يوم جا من السفر

اليوم يأخذ رأيي ويقولي ياخالتي أبويا مُصر انه يزوجني واني اخذ البنت وهي كمان تبعث معاي

وانا متردد ماني مستعد للزواج ماني حاط براسي هذا الشي انا دحين همني الدراسه وبس

وبعدين كم يكون عمرها يعني انا ابغا وحده عاقله مو تطفشني وكل شوي تقول طلقني ولا تجلس تبكي

ولا تبدأ الغيره ولايش هذي معاك ولايش هذي تدرس جنبك

يقولي ياخالتي هناك غصب عني البنات يعني الدكتور يأشر على كم واحدمن البنات والشباب ويقول انتوا عندكم البحث هذا يعني غصب عني اجتمع مع بنات وكل مره كذا ... هل هي تتحمل

المشكله زوج اختي يقول انه خايف على الولد من الحرام والإيدز والزنا وماودي انه يغلط مثل ماأنا غلطت في شبابي

وقاله اذا ماتبغا تتزوج تحلف بالقرأن انك ماتقرب الحرام .

انا مع ولد اختي مثل الأصحاب يعني عارفه اخباره وحركاته و و و

ولد اختي عاااااااااااااااااااااااااااقل جدا جدا بسم الله عليه يخاف ربي يحافظ على الصلاة بالمسجد في كل فرض حتى في امريكا واكبر دليل كل شهر تبعث مديره السكن عنده اخباره كامل ايش اكل ايش صرف فين راح متى رجع

متى نام يعني متابعه كامله واصحابه كثير محترمين حتى الأجانب اللي عرفهم

طبعا اكيد عارفين ان المباحث ايضا متابعتهم هذا غير منظمين البعثات متابعينهم يعني اي تدهور في الدراسه او في الأخلاق يرجعوهم وكثير رجعوا من الشباب الله يهديهم.

ادري اني طولت عليكم

بس ايش رايكم في انه يتزوج

وما رأيكم بأنه يحلف على القرآن

ولد اختي مررررررررره قلقان وشايل هم

وانا في السياره معاه يقول زي كذا تكون زوجتي زي هذا اليوم زوجتي معايا

حسيت انهم دخلوا براسه شي هو كان مأجله

وربي يسعدكم جميعا ويفرج همكم وينولكم مرادكم ويريح بالكم ويسخرلكم

اختكم في الله

__________________

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

15-08-2006, 01:37 AM

كبريائي

موقوف

تاريخ التسجيل: Jul 2006

المشاركات: 3,157

اذا يبغى ياتزوج .. خلوووه ...

واذا مايبغى لاتجبرووه عشان بكرة النهار لاتصير مشاكل بينه وبين زوجته وتوصل لاقدر الله للطلاق لانه اتزوج بدون

اقتناع ...

ياقلبي من حلف بالله صدقووه .. وانتي قلتي البعثات بتابعهم داائما واي غلطة يرجعوون يعني باذن الله مايحصل الا

كل خيييير ...

نصيحتي لاتجبروووه عشان لاتندموووووا ... وكمان لاتورطوا بنت الناااااااااس ...

بالتوفييييييق حبيبتي ...

ان شاء الله مايشوووف شر

15-08-2006, 01:42 AM

عـبـورهـ

عضو نشيط جدا

تاريخ التسجيل: Sep 2005

المشاركات: 628

لا والف لا

الزواج في هذا السن ما ينفع ابدا حتى لو كان الولد عاقل

الحين لو صار عمره 26 قال ابوي جبرني انا بدور على وحده انا اختارها

ابعدوه عن العذاب من الحين

ودام هو يخاف ربه و محافظ على صلاته فما عليه خوف في الغربه

الله يوفق الجميع

15-08-2006, 01:43 AM

ضايعه فالدنيا

عضو متألق

تاريخ التسجيل: Apr 2006

المشاركات: 1,603

شوفي حبيبتي..

دام هو قال مؤجل الموضوع والحين همـــه الدراسه.. فلا تجبرونه عشان اذا صار اي شي كله بلومكم..

__________________

..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..

15-08-2006, 01:56 AM

مهمومه2

عضو نشيط

تاريخ التسجيل: Apr 2006

المشاركات: 134

الصراحه ولد اختك عقله اكبر من ابوه ماشاء الله وازن الموضوع عدل وعارف شنو اضرار الزواج في هذه المرحله

وطريقة حلفه بالقرآن غلط غلط غلط تحسسونه بعدم الثقه و اذا اراد الله ان يضله ماراح تفيد زوجه ولا غيرها
وان هداه الله لن يضله شيء

كلمي زوج اختك يعدل عن قراره

15-08-2006, 02:03 AM

شخصية مجهولة

عضو متألق

تاريخ التسجيل: Aug 2005

المشاركات: 1,180

شوفتي اختي اول شي ..
خليه يستخير الله
فما خاب من استخار الله سبحانه وتعالى..

وتاني شي انا تزوجت زوجي وكان عمره 19 سنة والحمد لله كل شي طبيعي
مع انه كان جاي للدراسة هنا وما كان حاطت براسه موضوع الزواج ابدا
لكن الغربة ومصايبها تخلي الغفلان يفتح عيونه

عشان كذا نوينا الستر
ووالده خايف عليه لانو يعرف شو اللي ممكن يصير معاه لانو جرب
والحمد لله ربنا رزقه بابن عاقل جدا
بس بردو خليه يستخير الله
لانو الزواج متل ما الكل عارف فيه رزق وبرقة ان شاء الله

والله يقدم اللي فيه الخير

__________________

الصمت هوا الذي سيحررنا

15-08-2006, 02:12 AM

روح الغالي

كبار شخصيات المنتدى

تاريخ التسجيل: Aug 2005

المشاركات: 9,203

اختي الحبيبه كبريائي

كلامك سليم فعلا مانقدر نجبره ولانقدر نظلم بنت الناس

مشكوره على مرورك ربي يسعدك ويفرج همك وينولك مرادك ويريح بالك ويسخرلك الزوج الصالح

اختي الحبيبه عبوره

مشكوره على مرورك هذي وجهة نظر اختي وياما ناس نعرفهم كذا حصلهم

تزوجوا بدري وبعد فتره يقول مو هذي اللي ابغاها ويطلقوا بعد كم طفل

وجهة نظرك سديده ربي يسعدك ويفرج همك وينولك مرادك ويريح بالك

اختي الحبيبه ضايعه في الدنيا.<<<<<<. بسم الله عليك

المشكله هو طيوب وحنون يعني لو رصوا عليه شوي يوافق يضغط على نفسه على حساب غيره

بس كلامك سليم وان شاء الله خير

ربي يسعدك ويفرج همك وينولك مرادك ويريح بالك ويسخرلك

اختي الحبيبه المهمومه<<<<<<<<<<<الله يفرج همك

( اذا اراد الله ان يضله ماراح تفيد زوجه ولا غيرها وان هداه الله لن يضله شيء)

كلامك رااااااائع بأرسلها لزوج اختي واختي وان شاء الله يخفوا شوي على الولد

ربي يسعدك ويفرجهمك وينولك مرادك ويريح بالك

تصدقوا ولد اختي يقول (على قد ماكنت مشتاق اني اجي ياليتني ماجيت عشان مايفتحوا الموضوع)

مشكورين حبيباتي على مروركم وان شاء الله خير

ربي يحفظ الجميع من كل مكروه

اختكم في الله

__________________

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

15-08-2006, 02:18 AM

روح الغالي

كبار شخصيات المنتدى

تاريخ التسجيل: Aug 2005

المشاركات: 9,203

اختي الحبيبه شخصيه مجهوله<<<<<<<<<بسم الله عليكم انت وزوجك

فعلا يبغالي اذكره بصلاة الإستخاره الله يكتب له الخيره

وان شاء الله خير

ربي يسعدك ويفرج همك وينولك مرادك ويريح بالك

انا سألته انت راغب بالزواج حابب تتزوج وتستقر مع زوجه تشاركك غربتك ؟

رد (الوقت غير مناسب دحين ابغا امشي بدراستي شوي على الأقل كم سنه وبعدين اتزوج)

(اذا فكرت اني ابغا اتزوج بأكلمكم واقولكم جهزوا العروس)<<<<<<<<<<<على باله جالسه تنتظر اشارته

وان شاء الله خير

__________________

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

15-08-2006, 02:26 AM

مــريم

موقوف

تاريخ التسجيل: Feb 2006

المشاركات: 14,194

هههههههههههه
ضحكني تعليقك الأخير..

عزيزتي..
الأب بصراحة ماينلام..
هو خايف على اينه من الانحراف.. مثل ماصار له..
وخصوصا إنه توه شاب ويدرس بالغربة..
ومعاه بنات من جميع الاشكال والأجناس..
لكن..
في نفس الوقت هو صغير جدا على الزواج..
حرام..
توه ماطلع من البيضة....خخخخ
فأنا من رايي دامه واثق من نفسه إنه ماراح يغلط بإذن الله..
فمافي مانع إنه يحلف على القرآن..
على الأقل أبوه يتطمن عليه وهو بعيد..
والله يبعده عن الحرام.. ويبعد الحرام عنه..

بالتوفيق..

15-08-2006, 02:48 AM

#10

روح الغالي

كبار شخصيات المنتدى

تاريخ التسجيل: Aug 2005

المشاركات: 9,203

اختي الحبيه بحرينيه ولكن

الله يدوم عليك الضحك والوناسه ولايكدر خاطرك شي

يعني حبيبتي هذا رأيك انه عادي يحلف بالقرآن

لأن ابوه قاله ياتقول ايه ابغا اتزوج ياتحلف على القرآن

ياناس انا ماشفت مثل زوج اختي معقول لهدرجه

طيب ممكن انه يلعب هنا وهنا ويجيه ايدز <<<بسم الله عليه الرحمن الرحيم وعلى كل شبابنا

موشرط هناك في الغربه

وان شاء الله خير

الله يهدي شبابنا وبناتنا عن الحرام

اللهم ادخلهم بدرعك الحصين واسترهم بسترك الواقي اللهم اكفيهم شر شياطين الجن والأنس

مشكوره يابحرينيه على مرورك

ربي يسعدك ويفرج همك وينولك مرادك ويريح بالك

اختك في الله

__________________

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه