السلام عليكم ورحمة الله وبركاته



اخواني واخواتي حابة انكم تساعدوني مساعدة بسيطة وهي اعطائي نصيحة لمشكلة صغيرة عندي
وهي اهمال زوجي


طبعا رح تتساءلوا اهماله في ايش انا اقولكم
مثلا

صارلي قرابة 21 يوم راجعة لبيتي بعد ماخلصت نفاس يعني رح اكمل الشهر
ومن اول ماجيت وانا اقوله ابغى اجيب اغراض للبيت وهو كل يوم بكرة
ابغى اجيب اكلات خفيفة للفطور.. منظفات.. واشياء كثيرة ناقصة البيت
حتى ملابسه صارلها من قبل ماارجع لبيتي وهو الى الحين مااخذها للكوي وهو كل يوم يأجل
طبعا احنا ساكنين في بيت فوق بيت اهله واحنا ناكل سوا فعشان كذا هو متوكل

لدرجة اني صارلي كم يوم ماغسلت اليوم راحت امه شرتلي تايد ومعطر الملابس وعطتني اياهم
قلتلها لا تجيبين ماابغاه يتعود وخليه لما تقضى الملابس النظيفة عنده ومايلقى شي يلبسه خليه يحس بالمسؤلية

كتبي حقت الجامعة ناقصني كم كتاب واختباراتي بعد ثلاث ايام والى الحين ماجابها


بأختصـــــــــــــــــــــار زوجي صاير مهمل بشكل مو طبيعي

ساعدوني

عفواً تم تعديل بسيط على العنوان
الإشراف

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

حاولي تعرفي ليش هو مهمل

ابسئل
هو زمان كذا ولا بس هالفتره؟؟؟

لا مو من زمان
كان يطنش كم يوم بعدين نروح نجيب اللي ناقصنا بس الحين زودها

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

طيب لك احد الامرين

اما تخلي اهل زوجك يتكفلوا بالاغراض اللي ناقصتكم مثل حالتي تماما في البدايه كنت اتعب مع زوجي بعدين قلت لهم وانتو طالعين تشتروا الاغراض مروا علي واخذ بطاقه زوجي وطيران للماركت

او تطنشي وماتشتغلي في البيت لين هو يحس انو في نقص وبعد كذا هو بنفسك بيقول لك يالله قومي

طنشت ومااشتغلت بالبيت
ولما يقولي ليه ماتشتغلي اقوله ماعندي اغراض انظف فيها
يقولي خلاص بكرة اخذك
بعدين صار يسمعني كلام عالبيت فماتحملت وقمت نظفته
احاول اني اطنش زي ماهو يطنش بس ماني قادرة
وبالنسبه لاهل زوجي اذا قلتلهم يجيبوا بس انا ماابغاه يتعود
لان اغراضي الشخصية من حيجيبلي اياها
كتب الجامعه من حيجيبها
خاصة ان زوجي هو الولد الوحيد لامه يعني مافي شباب بالبيت

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

هذا طبعه وماتقدري تغيريه تقريبا طبعه مثل طبع زوجي مايحب يجيب اي شي

انتي اخذي البطاقه وروحي معهم السوبر ماركت واخذي اللي تحتاجينه في عربه خاصه بيكي وحاولي تاخذي كميه تكفي شهر كامل وكمان اطلبي من اهلك او اهل زوجك انك تروحي المكتبه عشان تاخذي لك الكتب وحاولي انك تحسسيه انك مو محتاجه له وان اهلك راح يوفروا لك كل شي

ااااااااااااااااااااااه لو كان بيت اهلي قريب كان سويت كل اللي تقوليه بس بيتهم بعيد
والحين بنتي توها صغيرةماكملتشهرين مااقدر اطلعها بهالبرد بس احاول اطنش البيت ومارح اقوله ابي شي وبشوف وش يصير معاه
مشكوره اختي طفشتك معي

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

والله يااختي سبحان الله ذكرتيني بزوجي....
اهمااااااااااااااااااال موطبيعي ابدا ...
يعني لمااحتاج اي شي لازم اطلبه قبل بفترررررررررررة طويله ... وتخيلي لما بالموووت يوديني السوبر ماركت يقعد يردد شهر لاتطلبين شي ... طيب الخبز والبيض واللحم والدجاج و.... و..... و.... كيف اخليهم لفترة شهر ؟؟؟
المستشفى والله يروح المرض ويجي وهو ماودانا .......... تعبت والله .
وكل كلمه والثانيه يقول اطلبي سواق اهلي ... واهله يقولون لي عوديه على المسؤليه لاتشيلين كل شي على راسك ...

طيب انا مااقدر اصبررررررررررر...مااقدر اخللي البيت ... وماتحمل كل يوم اطلب من مطعم حرام انقهر على فلوسه ويكسر خاطري مع انه يقول عادي اطلبوا من المطعم وطبعا هو استحاله يروح يجيب لنا لازم انا اطلب ..

المهم انا مع الايام ولما بدوا عيالي يكبروا تعبت من كثرة المشاكل على هالموضوع ... فاعتمدت على نفسي تماما ... لاني ابي اريح راسي ...

انتي عشان لسه في البدايه حاسه انها مشكله لكن مع الايام بتضطري لان في اشياء ماتتاجل ابدا ....

وعليكم السلام ورحمة الله وبركاته

أختي نصيحة لوجه الله لاتعوديه أحد يشتري اغراضك ويلبي طلباتك غيره

لانه بعدها بيتعود ويتكل ويصير عنده أوقات فراغ لنفسه وبعدها بتندمي

إلا إذا كان مشغول فعندها لابأس تخففي عنه.



عندي لك حل أتمنى تطبقيه ولاااازم تطبقيه:

روحي له الليلة بدون زعل ولاضيق ولاتكشيرة ولاتشتكيه لأهله وتزيني وتغنجي وبسطيه على الأخر أكيد فهمتيني وبعدين

قولي له : خير ياحبيبي أحس فيه شيء شاغلك عني واحساسي مايكذب لأني أنا وأنت جسد واحد وأحس فيك

ولأني مو متعودة منك أنك تهملنا أبدا ......دائما ماشاء الله عليك ماتقصر وماتخلي شيء قاصر علينا

خير حبيبي فضفض لي فيه شيء مضايقك؟؟؟ عسى مافي قصور مني؟؟ إذا مقصرة عليك خبرني وإذا أحد مضايقك فضفض لي وبتلاقيني الصدر الحنون اللي ينسيك همومك

وبعدها شوفي رده وتعالي خبرينا وبشرينا

__________________

اسمعي كلام الحبيبة ام جومانة الله يحفظها
لا تعووديييه ابدا ادا مافي شي يمنعه و مو مشغول
ادن لازم يتحمل المسئولية اسأليني
امي سوت نفس غلطت .. ملت من ابي و اتحملت هي مسؤليتنا
ابتدت باغراض البيت و انتهت بكلللل شي حتى مدارسنا و مواعيد مستشفياتنا كانت هي المسؤلة عنها
25 سنة و هي متحملة كل شي على راسها
فلاااا تعوديه ابد... ادا ماجاب شي لا تطبخي ...لو قال وين الغدا قولي له البيت فاضي
مافي ادوات تنظيف ادن لا تغسلي ملابسه .. و اكيد بالنهاية بيتعلم الدرس
انتي مسؤلياتك تنحصر داخل البيت
وهو برى
الله يوفقكم ياارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله