زوجتي مره اخرى .. اتعبتني ..
http://www.66n.com/forums/showthread.php?t=136636
هذا رابط مشكلتي ...
وهي باختصار سوء معاملة زوجتي لي واحس انها صايرة امرأة غريبة جداً ... بعد طول تفكير قررت اوديها لشيخ يقرى عليها ...
وفعلاً وديتها للشيخ وقرى عليها طبعاً هي وقت القراءة حست بكتمة وضيق في التنفس بعد ما خلص الشيخ قراءة قالي زوجتك معاها "" سحر بسيط " وعلى فكرة تراه شيخ مشهور ومحل ثقة.
وهي لاحظت انها تأثرت ببعض الآيات .. طبعاً الشيخ وصف لنا عسل وزيت ومويه... وانا اخفيت عنها هذا الشي قلت لها فيك شوية تعب بس.
وقالي لازم المواظبة على العلاج وعطانا موعد بعد شهر ...
المشكلة الآن اني ما ني قادر اتحمل عصبيتها .. قسم بالله كرامتي تشتكي ... رجولتي تشتكي .. مات كل شي حلو فيني ... أصبحت كائن آخر.. ماني قادر اتحمل خلااااص.
ياااالله والله احس الدنيا كأنها غرفة وحدة ضيقة صدر لا توصف اعوذ بالله ...
الآن جالس اتحمل واضغط على نفسي عشان تأخذ العلاج وتتواصل بالجلسات عند الشيخ . لكن انااااااا حاسس اني ظالم نفسي ظلم رهيب . على طول الخط وانا متضايق ومتحمل عشانها..
مصيبتي اني احبها لكن احيان كثيرة احس ان حبي مو في محله واحيان اقول هي ما هي طبيعية .. وانا مو طبعي الهروب خاصة اذا احد محتاجني... فما بالكم اذا كانت زوجتي..
لقد أذنت الآن لدمعتي ان تنزل ...
نصحكم ودعائكم ...