نزلت موضوع اني صدفة شفت حبه كلتاجون ومع ذلك ماكان فيه اي تفاعل على الموضوع

والان اكمل واقول ان حياتي مع هالشخص مليئه بالكذب والغموض والهروب من المنزل الناس من برى تعتقد اني سعيده لاني اطل عليهم في افضل حالاتي عندي اروع اطفال وبيتي من اجمل البيوت هذا ظاهر حياتي وفوق كذا هو خدوم كانه سواق يودي ويجيب ويلبي طلباتي لذلك الناس واولهم اهلي يعتقدون ان حياتي كامله مع شخص كذاب متلاعب مقصر دينيا سبق لقيت حسابات وهميه له لعمل علاقات مع البنات وقلت نزوه ولا تدققين والان كبتاجون وكل الاعراض فيه عمري ماتهنيت معه في سفره يوم ويطفش ويمل ويسوي مشكله ويرجعنا ولا كنت اظن انه مبتلي ومدمن او متعاطي الا الان مو عارفه اباعد التعاطي يسهر برى البيت واشك فيه انه يخوني

طبعا مو قادرة اتخذ هالقرار وايش اقوله من وين ابدأ لانه مايعرف اني عارفه بكل شيء يخبيه عني هل ابدأ معه من الحسابات الي شفتها من سنين يمكن تكون فعلا ماضي ونزوه والا من حبه الكبتاجون

انا تعبت امثل اجامل اتحلى بالصبر وهو واثق من عمره قدامي كانه ملاك والناس تشوفني وتقول متهنيه
خلاص ربي يعلم قد ايش انا متعبه افكر اشيل عفشي واطلع وبعدها ارسل رسالة بكل شيء
انا للاسف كنت مع الشخص الغلط لمدة عشر سنوات وهو حقيقي مايستاهل وحده مثلي لاني النقيض عنه تماما
لكن ااااااه اطفالي هم كاسرين ظهري هم الي بيتعبون من هالقرار بيتركون البيت الي ربوا فيه وغرفهم الي نظموها بانفسهم انا بعد بترك وراي اشياااااااء بنيتها وخططت لها ونفذتها خلال عشر سنوات وظيفتي علاقاتي حتى القروض الي اخذتهغ عاى ظهزي عشان نكون عيله محترمه ونربي عيالنا في اجمل بيئه امور وذكريات غاليه علي لكن نفسي اهم من كل شيء

كان الله في عونك واسأل الله الهداية لابو اطفالك..
اتصلي على مكاتب الاستشارات الاسرية المجانية لعل الله يرشدك من خلالهم للحل الصحيح..
مو شي سهل تعيشين مع مدمن صعب مره الله يكتب اجرك ..
كيفه مع اطفاله طيب؟

جزاك الله خير هو اب رائع جدا رغم بعده وتقصيره يحاول يعوضهم كثيييييير ويادري على اغلاطه بطلعه تمشيه حلويات العاب كريم معهم في هالسوالف

وانا يلبي لي اي مشوار لكن كذاب ولعاب ومراوغ كل هالامور الزينه عشان يغطي على سواد وجهه ويستمر في الغلط

الطلاق صح قرار صعب لكن يتطلب شجاعه وثقة.. بدون تردد ابدا..
بحالتك في تردد.. لان زوجك عنده مميزات كثيره..
اقلها انه موفر لك وللاطفال حياه كريمه ومستقره..

نصيحتي لك شي واحد
لاتفكري ابدا بحركة ترك البيت وارسال رسالة.. هذا تصرف طفولي
اجلسي معه وناقشي امورك بوضوح ونضج ووعي
مره ومرتين وثلاث وعشر.. حتى ماتندمي بعدين..
ابذلي كل طاقتك لتحسين العلاقه حتى ماتلومي نفسك
حاولي وحاولي وحاولي.. ولاتفكري بالهروب وشغل الرسايل..

ودام الموضوع في حبوب فزوجك مبتلي ويستاهل الشفقة..
ادخلي عليه من باب الخوف عليه..
لاتتعاملي معه انه واحد شبهه وعار وماله امان..
عامليه كمريض.. هو فعلا مريض..
قولي له يا ابوفلان انا بساعدك تترك هالمصيبه..
اجتهدي واحتسبي الاجر اقل شي 6 شهور..
لو رفض وقاوم.. هنا تقدري تطلقي بقلب مرتاااااااح..


الله يصلح امورك

زوجك به خصال مميزة وليس كله شر

وكما قال الاعضاء عامليه كمريض قابل للعلاج والتعافي مع مرور الزمن والصبر عليه

ولا ترددي نبرة انا استحق افضل من هذا لان ذلك من وساوس الشيطان والدنيا كما بها السعادة الهناء بها الشقاء والابتلاء

الله يجزاكم خير انا موصوع الاول قلت راح الجأ لاخوه الاكبر وفعلا من النمبر بوك جبت الرقم بصعوبه وتواصلت معه وفهمت منه ان اخوه كذا من زمان وعجزوا عنه يترك ويرجع ويبدوا ماحد يعرف من اهله الا هذا الاخ لكن مر شهر من كلمت الاخ للان ماسوى شيء ارسلت له جمعيات تعالج المدمنين قال بتواصل معهم والى الان ماحرك ساكن
انا ماواجهت زوجي لذلك هو حاس بثقه و بامان وماخذ راحته على الاخر وكان هذا راي مستشارة اسريه اني اخبر اخوه يتصرف وانا كاني مادريت لكن اشوف الكل عايش ولاهي وزوجي مستمر في اغلاطه ولا عليه من احد

يعني اواجهه بكل شيءعرفته

لا واجهيه بالمشكلة الأكبر.. مو كل شي وتنقلب محاسبة ويعند..
اي شخص تقولي له فيك وفيك وفيك.. بينفر ويتمادى..
لكن المشكلة الرئيسية الكبتاجون.. تأكدي وجهزي الدليل وواجهيه..
تعاملي مع المشكلة انك مصدومة.. مو غضبانه..
بيني له انه ممكن يخسر بيته وزوجته واولاده لو ماتاب وتركه..
استغلي فرصة قرب رمضان.. قولي له يستثمر الشهر بتوبه نصوح..
تشاركوا بالعبادات روحوا عمره اطلبي منه كشف صحي دوري..
حتى لو وعدك.. قولي له حقي اتطمن عليك وعلى نفسي..


اذا حليتي هالمشكلة بتنحل باقي المشاكل دايركت..
لانه بينشغل باصلاح نفسه.. الله يهديه..

الله يدلك للخير
لكن احسبيها جيدا لست وحدك عندك اولاد وقدمي مصلحتهم

فيه جانب طيب وفيه خير الحمدلله،،
نصيحتي لك وان شاء الله فيها خير ، اكثري من الدعاء ان الله يعصم قلبه وعقله وجوارحه من البلاوي هذه
تعالي له بالتلميح، (اذا جاء سوي نفسك متأثرة وضايق صدرك وان قال وش فيك
قولي يافلان امي كلمتني قبل شوي تقول انها تعرف حرمه بنتها تطلقت وعندها عيال وزوجها مدمن والعياذ بالله الله يحمينا ويبعد عنا الشر وقولي بعدها مرره امي حزينه على عيالهم نفسيتهم تعبانه من الانفصال وحزينيين كثير بعد مادروا ان ابوهم مدمن ، الله يعينهم ويصبر قلوبهم ..)

ماودي انك تكذبين وتألفين قصص، بس وش نسوي عشان ما تقولينها بشكل مباشر بوجهه ويتجرأ بعدين
الله يهديه ويصلحه