00بسم الله الرحمن الرحيم00
إخواني وأخواتي الأعزاء000السلام عليكم ورحمة الله وبركاته000

لدي طفل عمره 3سنوات ذبحني بعدة أمور أرجو من لديه خبرة في ذالك توجيهي إلى الصواب000
منهــــــــــــــــــا مايلي:
1/إذا طلب أي شي لازم اعطيه إياه وإلا يبي يفزع الدنيا بالصياح0والمشكله إذا صرت عند أحدغريب ما أدري كيف أتصرف0

2/إذا شاف شي مع أحد لازم يبغى زيه وإلا يبي يبكي إلى أن أعطيه زيه والمصيبه كانه أكل ويبي زيه لو هو توه أكل نفسه0

3/إذا شاف أبوه لابس ويبي يطلع بيطلع معه وإلا يبي يزعل ويصيح ويجين تصير الحره فيني00ولا ينسى القضيه إذا جا أبوه تذكر وجلس يهاوش أبوه وأنا ما أبغى كذا يصير هو السالفة وأبغاه يتعود على احترام أبوه0وكل التصرفات هذه مع ان أبوه مخلي له البيت {{صالة ألعاب}} من كثر ألعابه ومعروف أول طفل وكيف يصير مع أهله00جربت معه كل الوسائل لكن ما نفع {جربت,الحرمان,والحبس,والتهييب بشي حار,والضرب }لكن ماشفت منه تغير وكل ماله بزياده خاصة العناد0
4/حبه لأغراض المطبخ حب عجيب 00رغم إني خصصت له أشياء ماأحتاجها لكن يجين أحياناًإذا صرت فيه ويطلع شي غير المخصص له بياخذه وبعدين إذا رفضت الله يستر بس يروح يصيح وبعدين يجي يهاوش ولا بياخذه0

5/مايبغى أشيل أي طفل ثاني ألعبه أوإذا كان يصيح أخذه إلى أن تأتي أمه مثل أطفال خواتي00مع العلم إني الحين مقبلة على حمل وماأدري وش يبي يصير إذاحملت وجبت طفل ثاني000والناس يقولون يتحسن أذا جبتي له أخو0


أرجوا من ذوي الخبرة توجيهي إلى التعامل الصحيح معه,,,وإعطاء بعض الحلول00
وشكراً000000
انا بانتظار الرد000وفق الله الجميع لكل خير 00

والله يا اختي الله يعين وبس في هذا السن تكون هذي تصرفاتهم وانا زيك ادور على حل

اخواتي المشكله فينا احنا
الاطفال اذكياء
و عرفو يستغلو هالطيبه ا لي فينا
اخواتي
المثل يقول ابنك على ما تربيه
و هذا شي عادي ان يقوم الطفل باستغلال وا لديه
اذا رايت طفلك في حاله عناده
اتركيه لوحده لا تتوسلي اليه ان يسكت
و حاوريه بعدها،،،، 3 سنوات يفهم كل ي
و بالاقناع و الهدوء لا تحاولي غير الكلام
جربتها مع ابنائي الاربعه و نجحت
ابني قبل ما اطلع من البيت افهمه
اذا صرت حباب و شاطر و قعدت بالعبانه اشتريلك حلاوه
اذا سويت هالشي ما الك اي شي
مره على مره يفهم
بس يحتاج لها قوه اعصاب
و زوجك و اهلك لازم يساعدوكي باتباع نفس الطريقه معهم
الله يرزقك بالذريه الصالحه اللهم ا مين

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

حبيبتي...

الله يكون بعونك وبعوني وعون الي عندها ولد شيطون وشقي


راح اخبرك عن تربيتي لولدين قبل اخوهم الحين


كانت كثير مختلفه .... كانت فيها حزم كثير لا اسمح للغط والدلع بعيد جدا عنهم


بسسس مدري اشصار فيني مع اخوهم ما اقدر ارفض له طلب وابوه يدلعه كثير وانا واخوانه اثنينهم يدلعونه


حتى نشا مثل الظروف الي قلتي عنها تماما يبغي كل شي له ويضرب الاطفال وانا ادري اني انا السبب وابوه



بعطيكي عدة نصائح

اذا بكى واطال بكائه فلا تلتفتي له ابدا صحيح ان بعض الاطفال طويلين بال في البكي بس حتى لو صدع راسك من البكا

خليه لين يشبع ويوقف لحاله...



بالنسبه لتعلقه في ابوه... كلميه اذا هو رايق وخصوصا وقت النوم علميه على احترام ابوه قولي له باسلوب مبسط

لحتى يقتنع...


بس الضر ب يؤذي الى زيادة في عناده ويزيد في شقاوته لا تضربيه ابد لانه بيصير عصبي زياده..

وانتبهي لا تهدديه بشئ حار لانه معروف ان الطفل يقلد الكبار .. وتصير لك مشكله انتي بغنى عنها..


اصبري عليييييه ..واقرأي القران على راسه وهو نايم عسى الله يهديه ويهدي الي عندي... امين

أشكركم على الردود الطيبة اللي تبرد الكبد0000والله يكون بالعون0

شوفي
العناد ماله الا انك تطنشينه وفي البدايه ترا يبي يكون صعب انا ولدي حركاته وي حركات ولدك بس صرت اطنشه

وبالنسبه للباقي لي عوده لاني مستعجله

اعذريني

__________________

ياختي نفس مصيبتي بالضبط
وعندي مولود جديد 10 شهور وماتغير شي طفلي له 6 سنوات
وانا اعاني الان من شقاوته مع اخوه

انا افضل وضع محلل اسري في هذا المنتدى

__________________
سبحان الله وبحمده سبحان الله العظيم

1/انا مع الأخت بهجة الروح اذا بكى لا تلتفتين له واذا صاح يبي يطلع مع ابوه نفس الشئ ولا زم ابوه يكون حازم معه لان الحبل لو فلت لاول ولد خلاص ماراح يقدر على الباقين وتبي تتعبين ويصدع راسك في البدايه بس تحملي وبالنسبه اذا بفيتي تروحين لاحد اقطعي نفسك فتره الا من اهلك عشان ولدك

وبالنسبه للغيره اذا جبت طفلك لا تهتمين فيه كثير يعني رضعيه وحطيه وبس لاتشيلينه وتلعبينه الا اذا نام
وبعدين امدحي فيه انت الرجال وانت الكبير وهو نونو مايفهم اذا كبر يلعب معك ويصير رجال زيك ومن هالكلام


وبالنسبه للعقاب انا جربت الضرب وجربت الزعل والصراخ مانفع معي وش نفع؟؟؟؟
صرت اذا سوا شئ غلط حطيته في غرفه وصكيت الباب عليه بس تكون الغرفه امنه يعني ماعنده شئ خطر
واذا كنت تخافين تحطينه في غرفه خصصي له زاويه في الصاله انه اذا سوا شئ غلط ولا صاح بقوه ولا صارخ ابا احطك في هاذي الزاويه وخليه 3 دقائق على حسب عمره 3سنوات 3 دقائق سنتين دقيقتين وهكذا

الحين ولدي عمره سنتين ونص ومن بعد ماجربت معه هذا العقاب تغير تغير موب طبيعي لدرجه ان الجميع لاحظ هالشئ

الله يكون في عونك والتربيه تبي صبر ومجهود وتعب
ونصيحه اذا ضاق صدرك منه ادعي له لانها تكون من قلب الام وتكونين محتره منه

__________________

اخواتي احكي لكم تجربتي مع الاولاد بشي من التفصيل

انامتغربه بدوله اجنبيه و الام عليها مسوليه في ظل عمل الاب من الصباح حتى المساء
و الملابس و الاشياء الناقصه من واجبات الام بالاظافه لتوصيل الاولاد للمدارس
و في ايام المدارس اخذ
ابني 3 سنوات و الاخر سنه و نص
و الحمد لله مافي اي مشكله يجلسو
احيانا تحصل حركات تمرد اسيطر عليها

النقطه المهمه
التي اود ان اثيرها هنا

ان ابو اثير يستغرب هذا يسالني كيف اسيطر عليهم
يوم السبت من كل اسبوع نذهب للمدرسه العربيه و هي مرسه تعتمد على تبرع الاهالي
انا ادرس الصف الرابع ابتدائي تطوعا
و الاب ياخذ الاثنين معه
مع انه الفتره الي يقضوها من الساعه 11 الى 1.30 الظهر
الا انه يرجع مصدع و يشتكي من عنادهم و من حركتهم الزايده
و انا اقنع فيه يا عيني يا ابو اثير لازم شويه حزم ما يسمع
يقول مساكين خليهم يغيرو جو
اليوم اجاني بعد المدرسه لم استطع الذهاب
قال لي سوني اليوم سينما بالعراقي
فرجه باللهجات الاخرى
كل واحد يجري في مكان و يريدويصرخو و يجري وراهم
و حطيتهم بعربه ا لسوبر ماركت
تنحجنحو شويه و ضاجو
بس الي استغرب له انهم سكتو بعدين

طبعا ما اقدر ابين له اني قلت له و نبهته
سويت الامر كانه هو من استنتج هذا ا الحل

ان شاء الله تكون تجربه مفيده للجميع

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)