السلام عليكم و رحمة الله و بركاته

اخواني و اخواتي الأفاضل و الفاضلات ..

ارجو مساعدتكم لي في عدة أمور .. من أجل نفسي و راحتي :
- نسيان ماضي زوجي و مسامحته (من أجل راحتي النفسية) و مع العلم إني قطعت
شوط كبير و الحمد لله .. لكن أبغى انسى نهائي كل شي و ماقدر ..
- التركيز على أهدافي و الإنشغال بها عنه ..
- مساعدتي على فهم شخصية زوجي أكثر و طريقة تفكيره ،.
- نصايح حتى لا أذكر زوجي لا بسوء و لا بخير أمام أي أحد يسألني عنه و أكون كتومة أكثر ..

هناك أسلوب عندي في التعامل ، يحبب الأخرين لي و أعامل به أولادي ..
لكن مع زوجي أغصب نفسي عالتعامل معه بالأسلوب هذا و هو ناجح معه و يجيب نتيجة ..
لكن أبغاه يكون تلقائي بتعاملي معه ..

و ما راح أقدر أتعامل معاه بتلقائية غير لو قدرت أسامح و أنسى و أركز عالمستقبل ..
و احتاج نصايحكم و خاصة انلمتد ، و لماذا نتزوج و ما أستغنى عن نصايح الجميع ..

على عجالة وان شاء الله لي رجعه

ملف زوجك بكل تفاصيله اخذ وقته الكافي وزيادة

انتي الان في مهمة

مهمة واحدة فقط

الا وهي الحصول على الدكتوراة

ركزي عليها واتركي الباقي

حتى لو لاقدر الله شفتيه بعيد الشر "سكران وفي احضان وحدة ثانية"

جمدّي قلبك وركزّي على مهمتك

احصلي على الدكتوراه وارجعي انتي وزوجك وعيالك لارض الوطن سعيدة
في حالة ان الامور مشيت على خير

واحصلي على الدكتوراه وارجعي انتي وعيالك فقط لارض الوطن سعيدة
في حالة ان زوجك عمل اي شي خاطيء

جمدّي قلبك ياأمرأة واتركي عنك اي فكرة غير اكمال الدكتوراه

اعملي مثل امهاتنا لما يكون فيه ضيوف ونعمل خطأ

مو يقولون لنا : خلي الضيوف يروحون وحسابك بعدين؟

اذن قولي لأي شيء : خليني احصل على الدكتوراه وحسابك ( ايها المشتت لي) بعدين

__________________

خلي الضيوف يروحون وحسابك بعدين << أحسبه بس أمي اللي كانت تقولها

الزبدة طبقي سياسة الضيوف وركزي على الدكتوووووووووووووووووووووووووووووراة

زوجك وزوج فلانة لااااااااااااايمكن أن يكونوا كما تتمنين أو تتمنى هذه أو تلك
أحيانا تركيبة الشخص وشخصية يصعب تغييرها بشكل كبير
ماعليك سوى المحاولة والهدوء والدعاء

على طاري الضيوف لامنه قالت أمي خل الضيوف يطلعون وأوريك << أتمنى الضيوف مايطلعون أبد أو إذا طلعوا ياخذوني معهم <<< أمزح أمي مايطيعها قلبها حتى تضرب باعوضة بس سالفة لاطلعوا الضيوف كثير اسمعها وخصوصاً أن أداة العقاب هي الزنوبة لما تعض المرة لسانها وتقول تعال ياللي ماتستحي

__________________
ياصبحِ لاتِقبل !!
عط الليل من وقتك..

__________________

الردود اللي قبل كفت ونفع
واذكرك أن ابناؤك ولله الحمد بين أبوين و عايشين باستقرار و هذي اكبر نعمة
والنعم ان شاء الله ما بيقصر معاهم أن شاء الله
وماليه حياة كاملة

جزاكم الله كل خير ..

يمكن ما كتبت مستجداتي من زمان و لا مستجدات زوجي ..
باختصار سريع :
تحول لانسان اخر بنسبة 80% و لله الحمد

صار عنده هدف بالحياة ، توقف عن اصدار المشاكل المالية له و لنا و يهتم في الحفاظ على عمله
و مرات يشتغل عدد ساعات زيادة .. أي ريال ياخده مني بيرجعه لي بدون مماطلة ..
يناقشني و يحلم في بناء مستقبله معايا و مع الأولاد و يفضفض لي مرات
متعلق جدا و الحمد لله فيا و في الأولاد و يخاف يخسرنا بأي لحظة ..
و لإنه ماعنده شي يربطه بالحياة غيرنا ..

و بيحاول خلال السنوات هذه يثبت لي إنه تغير لشخص اخر
و حتى شخصيته تعدلت بسبب الأشخاص الي صار يمشي معاهم في العمل ،.

بالنسبة لي ، الفترة الماضية ..
كنت انتظر أقل زلة ، و انفصل عنه مباشرة بدون تردد ..

و كنت أقول لنفسي مثل ما قلت يا أخوي لماذا نتزوج ..
( خليني بس ألاقي و احصل على قبول الدكتوراة + اضمن أولادي يكونوا معايا برة +
و نسافر أنا و أولادي ) و يصيييييير خير بعدين ..

و كنت الصراحة كارهته و قافلة على قلبي و كل شي و مو طايقته ،
و هو كان يحاول بأي طريقة يرضيني ، بس أنا كنت ماني مرتاحة معاه و أبغى أسافر و أقرب فرصة
انفصل عنه بس اضمن انه أولادي معايا و اضمن قبولي معاي و إني سافرت .. كنت أبغى انتقم و بس
أبغى أعذبه و بس .. ابغى أرد له الصاع صاعين و بس .. استغل وجوده معانا و ارميه بعدين و بس ..

لكن شفت الإنسان هذا ( فعلاً ) .. بيتغير ..
لدرجة قالي مرة ، لو أولع لك أصابعي العشرة شمع ، ما راح يعجبك شي و لا تشوفي شي
من اللي جالس اعمله عشانك .. و كان صادق فعلا ، لإني ما كنت طايقته و نفس الوقت شي بداخلي
متعلق به تعلق شديد ..

.
.

المهم ..

سافرت من غيره أنا و أولادي و الحمد لله و كنت محتاجة الفرصة هذه بقووووووووة و استناها ..
فرصة اننا نبعد عن بعض فترة طويلة ..

عشان أبغى اختبر نفسي تجاهه ، و عشان اعطي لنفسي فترة علاج من الدمار الي سببه بداخلي ..
و عشان اعتمد على نفسي اعتماد كامل 100% و ما أحس اني ضعيفة أو بحاجة لأحد ..

كنت مجبرة اعيش معاه بالسعودية عشان أولادي .. لكن دحين مافي شي يجبرني ..
ففرصتي اختبر احساسي ، و اختبره هو في صدق مشاعره تجاهنا لما نبعد عنه ..
و أعود نفسي إني اتخلص من مرض الشك الي صابني الوقت هذاك و تعب لي نفسيتي ..
و أوكل امري لله في خفايا الأمور و عليا أنا بالظاهر ..

و صار أي أحد يحاول يشككني بزوجي أو يثير فتن بيني و بينه ، مباشرة صرت أقفل الباب في وجهه
( أبغى أكون زي كذا قوية على طول و اللي ساعدني الصراحة زوجي إنه صاير يحكي لي )

و تخلص من الكذب بشكل كبير الحمد لله ،.
و تأكدت بطرق و أساليب ،.

.
.

بأركز قد ما أقدر على دراستي ..

لما وصلت هنا و بعد فترة من ابتعادنا عنه .. و تأكدت تماما من مشاعره تجاهنا و تجاهي خاصة ..
قررت إني ( أسامح و أنسى ) .. و أعطي فرصة حقيقية و احتسب الأجر عند ربنا مثل أمهاتنا و جداتنا ..
عشان خاطر الأولاد و أبو الأولاد .. 3 سنوات و نص تقريبا أقل شي ( عاقبته فيها بجمودي و قسوتي )

لما رجعت الآن اكلمه بحنان و طيبة و عطف و اهتمام .. ( لكن بذكاء و حرص ) و بدون تشكيك فيه ..
صار يتقرب مني أكثر ، و يفتح لي قلبه أكثر .. و هو معروف إنه جدا جدا كتوم و غامض ..

فكأني عرفت مفاتيحه .. لكن بالصدفة عرفتها ..
و صار بالطريقة هذه يسمع كلامي في أي شي أقوله أو اطلبه منه ..
بدون زعل و لا مشاكل و لا نكد ..

.
.

المشكلة ..
إنه الشيطان يفكرني كل شوي بكل حاجة قديمة ، و بأجاهد نفسي اني انسى و اتعوذ من أبليس
و احاول افتكر كل محاسنه و الأعمال الطيبة الي سواها لي السنوات الأخيرة و قدمها لي بصدق
و بدون أي مصلحة خاصة له ..

هو بيتقرب مني أكثر كل مرة .. لإني مسيطرة على حالي الآن ،.

( أبغى أوقف ابليس عن الوسوسة )

حتى سلفتي تحاول تثير فتن بيني و بين زوجي ..
و قطعت علاقتي بها نهائي بعد ما أعطيتها كلمتين خلتها تعرف حدود تعاملها معاي ..

كم مرة زوجي حذرني منها و ما كنت أسمع له ، لحد ما بنفسي لاحظت فعلا ..
و لما بعدت حال عنها ، ارسلت لي إنه زوجك من زمان يكرهني و يبغاكي تبعدي عني
عشان لا أطلع أسراره ، لكن أنا أخاف الله وما أفضح أي انسان ربي ستر عليه ..
( طبعا هي كذابة ..
لكن هذا أسلوبها في شحنها لي على زوجي أو أهله ، و بعدين تتفرج علي من بعيد )
بكل هدوء و احترام .. انهيت علاقتي بها ، إني ما رديت على رسايلها و تجاهلتها تماما ..

هذا فقط مثال على إني أحاول اتغير قدر المستطاع ..
و ما استغنى عن نصايحكم ..

ماهي الخيارات المتاحة امامك الان؟

بمعنى ماهي الاحتمالات المتاحة او المتوفرة الان في طريقة تعاملك مع زوجك؟

__________________

الخيارات المتاحة أمامي

أركز مثل ما قلت على دراستي و مستقبلي و دراسة الأولاد و استقرارهم النفسي

نفس الوقت ، طالما الشخص هذا بيحاول و يجاهد نفسه لإثبات جدارته أمامي و التكفير عما سبق
ف ليش ما أعطي فرصة و احتسب الأجر عند ربي ؟
لكن أنا ما أعرف أصلا إيش الأجر الي راح أكسبه ؟ بس أقرا كذا دايما يقولوا ..

فأقول كذا ..
علشان لا انتظر من زوجي الأجر و لا أعطي للشيطان فرصة إنه يخليني اتمنن لا سمح الله ..
فاخسر زوجي و اخسر الأجر و أكون قللت من مقدار نفسي ..

هو ماشي في اجراءات أوراقه حتى يجي عندنا ، لكن ما راح يترك وظيفته لإنه لازم يستقيل ..
جلوسه الفترة هذه بعيد عننا .. قربته أكثر مننا ..

فأنا أبغى ( أنهي روح الطير الشريرة ) الي ما تسامح أبدا و لا تغفر لأي شخص يسيئ لها
و تنتقم بقسوة و أقل شي ممكن تعمله الإنسحاب من حياته بهدوء ..

و ابغى ( أظهر روح الطير الطيبة ) اللي أمها ربتها على التسامح و العطاء بلا حدود ..
جالسة أقنع نفسي و أعطي لحالي أي اسباب حتى انسى و اسامح ..
إذا عقلي اقتنع ، وقتها قلبي بيتعالج ..

( البعد عن المكان و عن البلد و عن كل شي يربطني بالسعودية ) ..
عالجني كثيييييييييييير و ريحني كثير مرة .. كنت تعبانة هناك ، كانت الذكريات الأليمة توجعني هناك
فضغطت على حالي لحد ما أضمن قبول الدكتوراة و انهي أوراقي و أولادي معايا
ضغطت على حالي عشانهم هما و كم مرة قلتها له في وجهه ، ترى جالسة معاك عشانهم و بس ..
و كم مرة كنت أشوفهم في حضن أبوهم و قلبي يرتاح لسعادتهم .،
و احمد ربي إني تحملت عشانهم و عشان أشوف السعادة بعيونهم ..

كان يصبر على كلامي و تجريحي و يقول مقدر و حاسس بك ..
و يرجع يحاول يراضيني بأي طريقة .. ( عشان كذا .. ما أبغى اكون ناكرة للمعروف ) ..

3 سنوات و نص .. طلعت فيها حقوقي من عيونه ..
و أحس كفاية لحد كذا .. و أنا كمان تعبت و ابغى أركز خلاص في دراستي ..
و لازم أنسى .. لازم أسامح .. حتى أرتاح و أركز و أقفل باب ابليس ..

وعليكم السلام ورحمة الله وبركاته
اهلين بالعزيزة روح الطير
باعتقادي تغيير ٨٠% للأحسن شي كتير كتير حلو
والرجوع الى الماضي بين فترة وفترة متعب جدا جدا

يا ريت لو تحاولي تعتبريه انو انسان جديد وتتعرفي عليه من اول وجديد وتبني حياة جديدة معو
هالشي بيختصر عليك نصف الطريق
حلو ترجعي روح الطير الطيبة بس بنفس الوقت خليك حريصة بتعاملك مع اي شخص
لانو الطيب الزايد عن اللزوم مرات بيشوف كل الناس حسب طيبته وهالشي ممكن يأذي الشخص الطيب
كرمال هيك اعتمدي الوسطية بكل شي

دعواتي ترافقك 💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

هلا بروح الحبيبه
متى بيجيكم زوجك
والحمدلله فرحت جدا جدا
لانك اخذتي قرار ورحتي
وياما نصحناك تعجلي بالاوراق بس حسيت كان عندك تردد
الحمدلله اوضاعك سليمه
والحمدلله احسك بمرحله جميله بحياتك
مرحله ملكيه ترفعتي فيها من كل التوافهه
منها تركيزك السابق على اهل زوجك انتقادك لهم تحميلهم كل مشاكلكم
والسبب كما يبدو هالسلفه الله يكفينا شر الفتنه
كونك صدتيها وماصدقيتها معناتها جدا تغيرتي ووصلتي مرحله وعي كبيرهً
مو بس زوجك الي تغير انتي بعد تغيرتي للاحسن
سؤالي هل زوجك بيظل معك بالغربه فتره طويله
ولا يروح ويجي
اذا بيقعد معك خليه يتحمل مسئوليه العيال
انشطتهم ويوديهم ويجيبهم ويكون لك سند
طبعا دراسه او عمل بالغربه عاد على حسب مقدرته
يعني لا تشيلي هم هالشي. هو رجال ويتصرف
حب يتغلم حب يشتغل راجع له
ركزي على دراستك انتي وبس
اما اذا بيروح ويجي عليكم
ووظيفته ثابته
خليه يتحمل بعض المصروفات
ويحجز لنفسه ويتحمل مسئوليه نفسه
لكن عامليه بادب وخلق واجبري نفسك على ذلك لخد ماتتعودي وتمشي الحياه
انتي تحبيه روح ولا يمكن تنفصلي منه
مانفصلتي وهو خاين وعاطل
تنفصلي الان
فلا تحطي هالخيار بباللك
لانه اصلا مو ببالك
بس يشحنك على زوجك
تقربي من الله وتعوذي منوابليس
والله يوفقك