صار لي فترة كلما سنحت لي الفرصة ادخل على الموقع واتصفحه ولكن ولا مرة شاركت فيه
بس اليوم حسيت اني تعبانة نفسيا لدرجة البكاء على الرغم من ان مشكلتي مو جديدة علي صار لي فيها سنة
لكن ما اعرف ليش اليوم بالذات احس اني قنبلة موقوتة بالنسبة للدموع والأحباط
انا متزوجة صار لي سنة وزوجي طيب ويحبني وانا اموت فيه بس الظروف الصعبة اللي نعيشها هي اللي تعذبني وتتعبني وانا مثل كل الحريم بالدنيا ابي يصير مكان خاص فيني وابي اعيش ظروفي انا ما اعيش ظروف احد ثاني واتعذب معاهم اكثر من عذابي .. اليوم اختلفت مع زوجي وتهاوش معاي لاني ابديت ضيقي على ظروفنا لاننا نعيش في غرفة صغيرة وضيقة وحمامنا صغير وضيق وانا الله يعزكم اطبخ بالحمام وهذا الشي يتعبني ويضايقني اكثر خصوصا وانا اعرف ان الوضع مطول الا اذا صارت معجزة من رب العالمين
واللي متعبني اكثر ان البيت اللي احنا فيه هو ورث لاعمام زوجي وعماته واهله ظروفهم صعبة كلهم ما يشتغلون ما عدا بنتهم تشتغل بمصنع ملابس وراتبها حتى مايكفيهم
انا خايفة من المستبقل وما ادري شسوي تكفون ادعوا لي ودوروا لي حل