السلام عليكم ورحمة الله وبركاته ،،

كانت بداية قصتي أو مشكلتي سبق وطرحتها في موضوع آخر لمن أراد معرفة خلفية المشكلة الحالية يقرأ البداية على هذا الرابط:


تزوجت الآن منذ ما يقارب 25 يوم .. من رجل لا أعرف عنه الا ما وصلني عن طريق اهلي .. وبعد الاستخارة والاستشارة وافقت .. ما كان فيه مكالمات ولا اي نوع من الاتصال قبل الزواج .. امتدت فترة الخطوبة 6 شهور .. كنا متفقين ان يكون السكن مستقل .. تأجل الزواج مرتين .. وفي كل مره تزيد عندي حدة القلق والتوتر .. وكان في بالنا انهم يجهزون بيت الزوجية .. وعندما تم تحديد موعد الزفاف .. كنت واهلي ننتظر زوجي ان يعطينا مفتاح المنزل لننقل له اغراضي وجهازي ونقوم بترتيبه ونشوف ايش اللي ناقصه ونكملها .. وكنا متوقعين انه بيجيب المفتاح قبل الزواج باسبوع او على الاقل 3 ايام وكنت مرتبة جدول اعمالي على هالاساس .. وكان يماطل في كل مره .. وكل يوم يقرب للزواج وانا ما نقلت عفشي وما شفت المكان اللي بسكن فيه .. اتوتتتتتتر اكثر واكثر وبديت افقد اعصابي .. وفي النهاية تخيلوا ما جاب المفتاح الا ليلة الزواج الساعه تسع ونص مساء .. بسرعه حملنا الاغراض وقلت لاهلي يروحون قبلي ويشوفون الوضع ويعلموني على الاقل يعطوني لو خلفية بسيطة << خايفة تنصدم بشي
المهم راحو وكلموني وقالو تعالي الشقة حلوة بس ما فيها اثاث الا غرفة النوم بس
اجل كل هالشهووووور وش كانو يسوون!!!!
ودامهم ما جهزو ليه حددو الزواج كان اجلوه اكثر وريحونا
المهم رحت الشقة .. لقيت خواتي واخواني حايسين مع الاغراض وكل واحد يسألني مع جهه هذا وين نحطه وهذا وين نوديه .. وانا خلااااااااااااااااص قفففففففلت معي ومعاد عرفت وش اسوي .. طحت على السرير وقمت ابكي .. واختي تهديني وتحضني وتسمي علي .. بعد ما هديت قمت ورتبنا الاغراض على السرررررررريع يعني مو مية مية نبي بس نخلص ونطلع ورانا زواج بكره .. ما طلعنا الا الفجر ... نمت بعد الفجر وصحيت تسع الصبح <<< كانت حاطه في جدولها يكون يوم ريلاااااااااااااااكس وراحه
طبعا يوم الزواج من الظهر مع الكوافير .. وانواع الارهاق ... بس ابلع في البنادول ومهدئ الاعصاب .. وكنت ماسكه اعصااااااابي على الآخر ... المهم لما جا زوجي ودخلوه علي .. انقلبت 180 درجة .. جتني ضيقة وحزن غير طبيعي .. ولما جيت اطلع معه حضنت اهلي وانا ابكييييييييييييييييي ... واقول لاختي تكفين روحي معي لا تخلوني لحاااالي .. قالت ما يصير عييييييييب عند الرجال .. ورحت لوحدي.
أول ما وصلت الشقة دخلت غرفة النوم مباشرة .. وزوجي جلس في الصالة ونادني وهو تعالي نصلي ركعتين.
قلت طييييييييييب بس بغير فستاني شلون اصلي فيه
غيرت وصلينا .. وجلسنا في الصالة وقام يسولف وانا اقول في نفسي وش يبي ذاااااااااا
ابي اناااااااااااااااااااام تعبااااااااااااااااانة ومررررررررررررهقة واعصابي مررررررررررررره راااااحت
ابغى اشرب مويه .. لقيت ثلاجة المطبخ لسه ما شبكوها ولا فيه مويه!!!!!!!!!! << كل شوي مصدومه بشي
رحت غرفة النوم واتصلت على اختي وانا ابكييييييييييييييي .... واصرخ تعااااااااالي خذيني .. تقول ما يصصير .. اقول لو خليتوني للصبح بنهبل او بيجيني شي بموووووووووت قبل يطلع الصبح.. بيطلع الشيب في راسي لو جلست لين الصبح. تأثرت أختي وجت وجابت لي موية وعشا .. طبعا ما قدرت اكل ولا شي .. بس اصيح واقول تكفيييييييين لا تخليني .. اجلسي عندي .. ولا خذيني .. وتقول وش يقولون عنك الناس تطلعين من ليلة زواجك!!!
ياااااااااااااربيه طيب وش اسوي بعمري بنجن .. قامت تقرى علي شوي وهديت ..
وراحت قالت لزوجي معليش البنت مرهقة وتعباااااااانة خلها تنوم .. وآسفين ازعجناكم .. وراحت
شجعت نفسي ورحت له .. وقلت انا تعبااااااانة مررررررره ومرررررهقة وبروح انوم .. تصبح على خير .. قال براحتك
ونمت على طرف السرير .. وهو جا ونام على الطرف الثاني وانا
ما قدرت انام .. قمت وانسدحت على الارض لأن ما فيه حتى كنبة اجلس عليها ... وما فكيت تسريحة شعري من التعب .. والبنس تنغز راسي وحالتي حالة ... ونمت غفوات على الفجر وصحيت ..
المهــــــم في اليوم الثاني:
قال بنتعشى برى .. تعشينا .. بعدين قلت له خلنا نروح الممشى .. المشي يخفف التوتر .. وفعلا خف التوتر شوي ..
ولما رجعنا ... صارت الدخلة ....... لكن ........
لما صحيت الصبح لقيت بقعة كبيرة من الدم الأحمر القااااااني... انهررررررررررررت وصرت امشي وابكي ... وين الكلام اللي قريناه هنا انها مجرد قطرات بسيطة واحتمال ما يكون لونها احمر واضح!!
وقلت له وووووودني االمستشفى ... دخلت على الدكتورة وانا ابكككككككككككي .. ولما كشفت علي انهبلت .. ايه ده .. انتي مجروحه ولازم خياااااطه .. وانا: ايييييييييييييش <<< من أولها
بعدين قالت عموما بعطيك علاج يساعد على التئام الجرح وارتاحي يومين بدون ما تعملو شي وراجعيني بعدها ..
وخليتها تكلمه وتقول له ... علشان ما يقول انتي تتهربي ومن هالكلام.

كل ما سبق كان تمهيد او خلفية لمشكلتي ..

مشكلتي الاساسية الآن .. اني ما ارتحت معه ابدا .. كنت اقول اني لسه ما تأقلمت ويبي لي وقت .. وهو يقول لي: هذا لنا ثلاث ايام ما تأقلمتي .... يوووووووووه اقول تونا وشفيك اصبر .. هاذي حياة جديدة لازم يكون فيه اختلافات وعدم تكيف مع البيئة الجديدة .. واقول في نفسي يمكن ما تكيفت لأني عشت طول عمري معتمدة على نفسي في دراستي وشغلي ومو محتاجة لاحد .. فصعب يجي شخص يدقق على الصغيرة والكبيرة في حياتي بشكل ممممممل؟؟

ومرت الايام ... لكني كل يوم بدل ما ازيد تقرب وحب له .. بالعكس اكرهه زيادة .. اكره شكله (رغم انه في عيون الكثير وسيم) اكره صوته .. اكره كلامه .. اكره اسلوبه ... اكره ضحكته ... كله على بعضه اكرهه .. وما اطيق اطالع وجهه .. وتحوم كبدي اذا جلست معه وودي استفرغ اذا نمت معه رغم انها مرات تعد على اصابع اليد الوحده.

رغم انه يحبني .. ويمووووت فيني .. وطاير فيني .. ويشتاق لي اذا غبت عنه لدرجة انه يجلس يشم ملابسي .. لأني المرأة الأولى في حياته .. ويعاملني معاملة كويسة .. ومو مقصر معي ماديا .. لكنه مطنشني في اكمال بقية الاشياء الناقصة في البيت واصلاح الاشياء التلفانة .. رغم انها جدا ضرورية ومهمة ... كل مره يوعدني بخير ويقول ابشري وما يسوي شي. عموما مو مهم هالشي كثر احساسي تجاهه ..

احب ابوه وامه واخواته اكثر منه .. اصلا ما أحبه خير شر .. ولا في قلبي أي عاطفة تجاهه
واذا سألني تحبيني .. اقول ايه على مضض مابي اجرح مشاعره
اذا رحت لاهلي او اهله ارتاااااح وافتك منه
اذا جا ياخذني .. وقال بنروح لشقتنا .. تجيني ضيقة غير طبيعية .. وبطني يعورني .. وابكي ..

ولو سألتوني وش مصبرك؟؟ .. راح اقول:

1) مابي اضيق خاطر ابوي اللي فررررررح كثير بزواجي.
2) الفرحة اللي اشوفها في عيون ابوه وامه والله مابي اكسر خاطرهم.
3) معاملة ابوه وامه وخواته لي معاملة البنت لهم .. وصعب جدا القى ناس في مثل طيبتهم وتقديرهم لي.
4) على قولة خواتي مو كل يوم لك رجل .. لازم تصبرين على علاته .. خاصة ان عمري 28 سنة مو صغيره.
5) صعوبة الحمل بعد الثلاثين .. يعني لازم اتلاحق عمري .. اهم شي في الدنيا الذرية الصالحة.

يعني ضغط نفسي من الجهتين .. لا اني قادره اعيش معه ولا اني قادرة اطلب انفصل عنه



تم التعديل بواسطة الإدارة

لاحول ولا قوة الا بالله العلي العظيم ..

حبيبتي بنت اخته .. هدي نفسك .. بعدك ماكملت حتى شهر معاه .. والله انها فترة بسيطة .. وانتي عاطية فرصة للشيطان انه يلعب بعقلك ويزينلك هذه الافكار السيئة وهي انه انسان مو طيب او مو حلو او يزينلك انك تكرهيه لهاي الدرجة

حبيبتي .. المشكلة في الموضوع كله العادات والتقاليد البااااااااااااااالية بنظري وهي انه ماتكونون على علاقة قبل الزواج .. وهالشي اصلا مخالف للدين .. يعني تحرمون ما احلله الله .. وهذه هي النتيجة

وانت الضحية .. وهو كذلك .. اكيد يشعر بنفورك منه ..

انتي بس هدي بالك .. وغيري افكارك للأحسن .. لان السعادة والراحة تجي من داخل الانسان مو من الي حوله ..

واعطي نفسك فرصة اطول .. والله اعرف وحدة ماحبت زوجها الى بعد ست شهور تقول اول مرة اقوله احبك ..

ست شهور .. وانت لسة بالشهر الاول

بس بالنسبة لمعاناتك في اول الدخلة ترى لازم تحاولي تعالجي هالشي نفسياً .. خاصة انها كانت اول تجربة وكانت مؤلمة . .. فانتبهي انك تتعقدي من هالمووضوع .. اكيد الرجال مايعرف .. والله انا نفس الشي من قتله لزوجي خلاص مااتحمل قالي مو مشكلة هي العملية مؤلمة اول مرة وعدى كل شيء تمام .. بس الظاهر زوجك ما عرف انه ممكن تصير لهالدرجة .. فانتي هدي بالك

وغلطة وان شا ءالله تنسيها مع الايام .. بس اتعوذي من الشيطان .. واقري على نفسك وكل ماتفكرين بهالموضوع اذكري ربك واتعوذي وبعدي وساوس الشيطان عنك

اتمنى من باقي العضوات يبدون آراءهم .. اكيد لهم افكار احسن مني

بس صدقيني انا متأكدة ان الجميييييييييع بدون ستثناء راح يقولولك انت مستعجلة على نفسك واعطي نفسك فرصة تتأقلمي مع الوضع


الله يسعدك ويريح بالك يارب

تحياتي لك
اختك م

__________________

..

لفتت انتباهي هذه الجمله .. غير موظف وكفيــف ..

يعني تقصدين انه يعتمد على اهلـه في المصروف وهـو رجـل لا يبصر !!

وهـل كنتي تعلمين بذلك قبل ان تتزوجيــه ..

سؤال و أتمنى تجاوبين بصراحة:
هل لمشاعرك اتجاهه علاقة بكونه كفيف ؟؟

تحياتي

__________________

صقر العروبة ... حبيب الشعب ..
ابو متعب سكن القلب

لا هو له أعمال حرة ومعتمد على نفسه من الناحية المادية تماما

واقصد بكونه غير موظف يعني عندي اربع وعشرين ساعه يدقق علي في كل شي

اذا كنت اطبخ يقول ليه ما نظفتي البيت وصخ

اذا كنت انظف يقول تعالي اجلسي معاي

او يقول لي سوي شغله وانا اساسا في يدي شغله ثانيه له

ما ادري وش ابدي؟؟!!!

ودي على الاقل فترة الصباح يطلع علشان اشوف شغلي .. بس هو ما ينفذ كلامي .. اللي في راسه بيسويه وبس

تنصحك بان تصبري لان في بداية زواجك
ممكن ينقلب هذه الكراهيه لحب فظيع ,,, اغلب قصص الحب بدايتها تكون كراهيه
وبعدين احسن ان تتزوجين اللي يحبك بدل ما تتزوجين اللي تحبيه وهو لا ويعذبك معاه
حبيبتي اصبري والله نهاية الصبر خير
بس حاولي تنسي حكايه انك تكرهيه واعطيه فرصه وعرفيه بالاشياء اللي تضايقك والاشياء اللي تحبيها
واتمنى لكي الخير والسعاده
لا تتسرعي ...
طمنينا على اخبارك دائما
باذن الله سنسمع خبر كويس عنكي
من اختك / احلى غرام

__________________

ما رديتي على السؤال....

كفيف لا يبصر؟؟؟


بعدين هدي نفسك هذي المشاعر كللللللللللللللللللللها تصير باي وحده تتزوج......وانتي مالك الا 25 يوم بس......

وترى لانك متزوجه كبيره شوي له تاثير....لان طول عمرك عند اهلك وفجأه صرتي ملتزمه مع رجل غرييييييييييب...

والله حاسه فيك....وصار فيني اوسخ من هالمواقف لدرجه مرة من ضيقه الخلق و الاكتئاب....كنت متزينه لزوجي بس مكتئبه و حالتي زفت.........

ومن كثر ما بكيت يومها لبست عباتي و ما علي الا قميص النوم و رحت لاهلي و اول ما شفت امي انهرت من البكاء....وامي انصدمت لاني كنت بوضع مشبوه.....بس عبايه و تحتها قميص نوم.....

واللي صار ان امي هزأتني و قالت لي ان الوحده ما يصير تطلع من بيتها بهاللبس الشبهه....و................و..................و... .........
وقعدت عند اهلي ساعات قليله و رحت مع زوجي....الحين لو اموت ما انام بره بيتي اصلا ما اعرف انام الا على سريري(مو شرط وجود زوجي...هههههه)...حتى غرفتي اللي في بيت اهلي خليتها مخزن....ههههههه

وفعلا الوحده اول ما تتزوج ما ودها تروح لشقتها و تحس كأنها داخله لقبر مو بيت.....بس بعدين مراح تعرفين تنامين الا ببيتك.....وعلى سريرك و بحضن زوجك.......


الله يوفقك و طولي بالك.....
وعلى فكرة ترى عدم التاقلم هذا ممكن ياخذ له شهور...(الشهور الاولى)

وان شاء الله ما يصير الا كل خير بس انتي اصبري على الرجال وخليك ريلااااااااااااااكس


دوووووووت

__________________

الله يجزاك خير اختي م ما قصرتي

اختي دوت ،، ايه نعم لا يبصر

ومعك حق والله اني احس شقتي سجن مو بيت

الله يعيييييييييين بس

بصبر واشووووف بس ادعو لي يوافق اسكن عند اهله

ما شفت احد علق على هالنقطه!!

يدق عالجوال ما رديت عليه

يا ناااااس اشوف اسمه على شاشة الجوال تجيني كل ضيقة الصدر اللي في العالم

آآآآآآآه بس