السلام عليكم ورحمة الله وبركاته ..
مللت من الشكوى و محاولة ايجاد الحلول ... فحالنا كالقسمة اللامنتهية ..
و اريد السؤال ..
كيف أتزوج ؟
سؤال غريب ... لكن لأجل تتضح الصورة .. لا أريد أن يكون الموضوع هذا عن طريق خواتي أو قد يكون شبه مستحيل حتى و إن أردت ذلك .. ليس لأن أخواتي يرفضن زواجي .. او علاقتهن بها جيدة .. بل لسبب عائد لي لا أريد أن يكون لهن دخل في هذا الموضوع ..
السؤال الثاني .. مواصفات من ابحث عنها .. كيف احددها ..
طبعاً فيه امور أساسية قبل كل شي وهي التقصي عن الام و الاب ..
ولكن عن الزوجة المطلوبة .. كيف تحدد المواصفات ..
فقد يوجد من يساعدني بتجربة مماثلة او تجربة صديق او صديقة ...
علما بان عمري حاجة و اربعين .. ترى الحاجة اللي فوق الاربعين قد السمسمايه مو بزياده ...
بانتظاركم .. بديت بالبحث عن حل و لا حل اسلم منه
اسأل الله التوفيق لي و لكم .*

:*
الله يكون بعونك ويساعدك ويرزقك ببنت الحلال إلي تريحك

شوف يا أخوي خواتك راح يلحقهم الإتهام بأنهم سبب في تزويجك سواء كان لهم يد أو مالهم يد
يعني حكاية أنك ماتعتمد عليهم يخطبون لك بس عشان مايصير مشاكل بينهم وبين زوجتك فالمشاكل
صايره حتى لو ما تدخلوا

إلا إذا أنت ماتثق في رأيهم وحاس أنهم مو فاهمين نوعية المرأة إلي تبحث عنها وتناسبك


أنت محتاج لأنثى من قرايبك تكون جداً قريبه منك وفاهمتك وعارفه نفسيتك وتعرف أنت وش
محتاج بالضبط....؟
وهي إلي توكلها بالبحث لك عن عروس مناسبه لكل ظروفك

وضع لك أولويات اثناء بحثك
وأهم شيء تكون هالأولويات هي الأمور الجوهرية المفتقدها بحياتك

*إذا ماعندك قريبة تعتمد عليها
أنتقل لخطوة الصديق الذكي إلي فاهمك زييين ويعرف ظروفك وهو مستودع سرك ويهمه أمرك
وخله يوكل أحد من أخواته أو قريباته تبحث لك بنفسها وعطهم طلباتك في المرأة إلي تبحث
عنها

:*

:*

__________________

اخي بعمرك تقريبا 43 سنة

تعب مع زوجته تعب لا يصدق

ذهب وخطب واخبرنا بعد الخطوبة

وحضرنا الملكة
وبعدها بشهر الزواج

كانت في ال 21 من عمرها

جمال واناقة وادب

له معها الان 4 سنوات

قمة في التعامل - والرومانسية - والتفاهم - والمحبة - والود

سالته كيف عرفتها؟

قال صليت واستخرت يهي لي ربي بنت حلال، قابلت زميل تزوج ثانية قالي يمزح ازوجك اختها ؟ قلت تم!!
ولا قال ابي كذا وابي كذا وووووو

وتم !!

صدقني لو تبحث بيديك ورجولك وسنونك بعد ، وشروط ومواصفات ومقاييس المسالة حظ حظ حظ حظ حظ حظ للييييييل

استخر وادعي وباذن الله ما تخيب...

اسمع يا ابن الحلال اصدق مع الله بطلب الحلال واستخير بموضوع زواجك والله يقدرته راح ييسرها لك لعند باب بيتك بس احسن الظن بالله واصدق معاه
لي اخوي تخيل صارله 5 سنوات متزوج وما حملت زوجته قرر يتزوج تخيل راح اسبوع على روسيا يدور على بنت تترية مسلمة لانه هو اصلا درس طب الاسنان بروسيا وما حصل ولا وحدة كويسة
تخيل قلت له استخير بموضوع زواجك والله العظيم ما فيه يومين الا وحدة جات لعنده العيادة علشان اسنانها فيها مشكلة
من اول ما شافها سبحان مقلب القلوب
هي مطلقة من شهرين وصغيرة بالعمر وسبب طلاقها زوجها بخيل ومعها ماجستير
وجميلة واخلاق راقية وحافظة للقران وكان شرط اخوي انها تخدم امي الكبيرة
بالعمر مع انه الزوجة غير مكلفة لا شرعا ولا قانونا بخدمة اهل الزوج ولكن تعال شوفها يا ولهان
اسم الله عليها تقوم من الصبح تحضر لامي الفطور وترتب البيت وتجهز الغدا وما تخلي امي تصيب ولا شغله
ومدللة امي على الاخر والحين ما شاء الله زوجته حامل
شوفت يوم استخار الله بزواجه وصدق مع الله يسر لها له لعند باب العيادة
يعني ما فيه داعي لا تحتار ولا تحط شروط
استخير الله واصدق مع الله وركز على الثانية اصدق مع الله
وعلى فكرة زوجته الاولى جلس معها وخيرها بالبقاء معاه او الانفصال وما زالت علاقتهم كويسة ببعض
استخير الله لمدة اسبوع والله راح يسر امورك

__________________
انا لله وانا اليه راجعون

ادع في سجودك ان يرزقك ويعينك على حياتك بالزوجه الصالحه لاتفكر في غير هالكلااااام ابغي اعطيك قصه وقفت على شخصياااا واعرف افرادهاشخصيا
زوج تزوج على زوجته بسبب اهمالها عدم احترامها له قلة واجباتها الزوجيه عدم احترامها لاهله وحط في باااله الزواج جلس سنين يدور وحط شرط اساسي قبل كل شي تكون موضفه الله اعلم بنيته من شرطه انها تكون موضفه سال وسال وجاه احد اصدقاءه بالخبر اليقين معلمه لم يسبق لها الزواج واختها متزوجه منه وهي رغم شهادتها العليا الا انها قبلت بالزوجه الثانيه والثالثه ويعيش معها في هناء
تزوج و................وفي اول اجازه يقضيها ابواه معه بعد سنتين من زواجه من الزوجه الثانيه تطالبه باخراج اهله من البييت الزوجه الثانيه تطالب بمصروف يوازي مصروف الزوجه الاولى ويزيد الزوجه الثانيه تعمل لاتستقبل احدا في البيت الزوجه الثانيه تغاااار بشششده وتصرخ في وجه زوجها كثيرا الزوجه الثانيه علاقتها اسواء مع اخواته الزوجه الثانيه كل اجازه يجب ان تقضيها مع اهلها الزوج مفطور القلب واصيب بامارض العصر ضغط قولون
اخي اذا كنت تعلم ان تمرد زوجتك سببه ضعف في شخصيتك لاتظن انه الثانيه ستصلح الامور فهي ستزيدها سواء بالتأكيد وتصبح هناك زوجتان متمردتان اتمنى ان اكون وفقت في ردي وتمردي بين الغة الفصحى والعاميه

فرج الله همك امين

__________________
انا لله وانا اليه راجعون