السلاااااااااااااااااااااااااااااااااااااام عليكم ورحمة الله











صراحه









انا فيني صدمه عنيفه جدا

موقف حصل الساعه سبعه مساء والثاني قبل شهر تقريبا وافتكرته اليوم مع الموقف الجديد وكتبتهم



ولدي اليوم ... اصحيه للمدرسه ..

جته حالة رغبه في الغياب عنيفه جدا ومبطنه في نفس الوقت

شلون يعني


لا صاح ولا بكا ولارفع صوته ... بس مسك حلقه قال

حلقي حلقي .. ويعمل حركه بيده انه راح صوتي وانا عارفه انه نصااااب


طبعا مامشي الحال.. حاولت فيه باللتي هي احسن ..بس غلبني

خليته يغيب .. قلت يالله يمكن خيره بس والله ما امشيها بالساهل وبأعطيه درس ماينساه


رحت نمت ... صحيت بعد ساعتين على صياحه يشق عباب السماء

ليش يصيح .. الاخ داخل يلعب لايف على الإكس بوكس .. وولد عمته معاه وكم واحد من اصحابه

الظاهر متفقين كلهم من الليل


وما اسمع الا صياح في صياح.. نسي نفسه ومطمن اني نايمه

لا شيل هذا


لا تعال من هنا


لالا روح من هناك.


اشفيك انت ماتفهم سو زي ما اقول لك ...ووووو


ومن هالتفاعلات والانفعالات والمفاعلات


انا سمعته قلت طيـــــــــــــــــــــــــــــــــــــب هين



رجعت كمان نمت الين 10 .. جا اخونا يصحيني يبي فطور

وهو يهمس كالكناري .. يعني انه مبحوح


قلت ابشر حبيبي الحين اصلح لك اقدعها فطار




واروح اسويه وانا كلي حنق وغيظ .. هالشبر ونص يضحك علي ويغيب غصب عني ..


وانا احط الفطور ..قلت هاه كيف حالك ... الا يأشر على حلقه انه مافيه امل

انا عصبت شوي قلت وهذيك اصوات مين وصياح .. ورددت الجمل حقته

استحى

بس واصل التمثيل

العصر كمان اندمج مع عيال الجيران في الكوره .. وصيااااااااااااااااااااااااااااااااااااااااااااااا ااح

رجع قلت هاه اخبار حلقك

قال تعبان لسا (وهو مستحي مايطالعني..)

جا المغرب قلت مافيه لابد اطمئن عليك يافلذة قلبي وقطعه من كبدي .. لازم مستشفى

هو مسكين صار احمر واسود وابيض ووو

قال شوفيني مافيني حراره

قلت لالا داخليه شكلها لازم تروح..

وداه زوجي وهو مستغرب من اصراري وقال لي مشيها له ( لأني علمته بالحركات القرعه كلها )

وانا قصدي انه الولد يكشفه الدكتور انه مهو صادق ويجيه درس اخلاقي جامد مني



راحوا


وبعد غياب 45 دقيقه تقريبا


الا يرجعون بكيس محممممل مما لذ وطاب لجيب صاحب المستشفى من ادويه لها اسعاااااار عااااااليه
( احنا ع التأمين وهذا سبب الطمع )

جاله مضاد وحبوب مو سائل بعد مع انه طفل مايبلع حبوب .. بس حلوه ميه وخمسين في الجيب

وشراب للكحه

وشراب للحراره

و حبوب مص

وبخاخ انف

شوي يكتبون له تنويم اسم الله عليه

جا زوجي وهو مبحلق ..قال طلع تعبان .. قلت وانت وش شايف
قال لا مافيه الا العافيه

قلت في ذمتك وش سوى الدكتور
قال ابد
قال عنده التهاب طفيييييييييييييييييييييييييييييييييييييييييييف جدا ويصغر عيونه
ممكن يتطور لعنييييييييييييييييييييييييييييييييييييييييييييييي يف
فأعطاه المضاد .. مع انه طفيييييييييييييييييييييييييييييييييييييييييييييييي يييييييييييييييييييييييييييييييييييييف .. تعبت

و الباقي احتياطات ...



اما انا استقبلت القبله ودعيت عليه ..الله يجعله اخر فحص في حياته يسويه
وش هالنصب
الولد طبيعي مافيه شي ابدا ابدا .. لا شوي ولا كثير .. انا حسبته بيقول مافيه الا العافيه .. بس ما ارتاح الا يطلعك بهذا كله؟ ( الكيس تقريبا ب 280 ريال )

طبعا ولدي دخل مهللا مكبرا للنصر اللي حالفه.. وانا طلعت مرييييييييييييض ويرقص حواجبه

قمت عاد استلمته وعطيته درس .. وقطيت كيس الادويه قدامه وان مافيك الا العافيه وهذي اول واخر مره تسوي هالحركات .. واستوعب




موقف ثاني اخف من هذا
الأستاذ كرم المتفوقين في الفصل
وجاب ولدي الهديه
ساعه جداريه .. كان يبموت فرحه لأنه له فتره يطلب فيها

انا فرحت قلت الحمد لله ..جيت اشغلها الا خربااااانه ..عقاربها ملويه

ولدي انكسر مسكين
قال ايش هذا يضحكون علينا بهلخرده؟


قلت ماعليك اجيب لك اغلى ساعه انت بس ماتزعل

وكتبت رساله للأستاذ انه شي محزن هالهدايا ولا تليق بصرح تعليمي يعلم النزاهه !!

رد علي برساله مطوله اعتذار وانه ( يدري ) انها تفشل


قمت رديت عليه برساله .. ( وليش تتصرفون بتصرفات تعتذرون عنها لاحقا !! ) ولم ار رد للآن

الموضوع له شهر تقريبا


الى متى هالتصرفات الخرقاء اللا مسؤوله؟
فيني حمق يكفي اهل الخليييييييييييييييييييييييييييييييييييييييييييييي يييييييييييج ويمكن العالم العربي وقد يكفي العالم كله

__________________
[/IMG]

ميته ضحك


بسم الله عليه ابنك شقاوه

__________________
http://live.gph.gov.sa/
اللهم اني استودعك اولادي

هدي هدي ياقلبي ... احسك كاتبة الموضوع و دمك فاير عالاخر


يالهوي عالمضادات الحيوية في الدول العربية ... تنعطى بدون وصفة صارت كانها شوربة ..

هنا لو تممووتي ما يعطوك المضاد .. يقولوا لك خلي الجسم يعالج نفسه .. اخر مرحله هي الدواء



حبيبتي .. للاسف نادر ما تلاقي حد يتقن عمله بالزمن هذا


لو اكتب عدد المواقف الي مريت بها لما نزلت اجازة لوطني .. بتدوخي


منها خال زوجي .. جا و معاه ال x ray تبعه عشان يشوفها زوجي و معاه كيس الادوية

فاساله زوجي ايش قال لك الطبيب .. قال عندي ديسك و لازم عمليه و معطيني هذه الادوية

زوجي شاف االاكس راي طلع مافيه الا العافية و مافيه اي شي و الادوية طلعت فيتامينات و كالسيوم

تصدقي المسكين مرته كانت على وشك تبيع ذهبها عشان العمليةة ..


اخت زوجي راحت عند طبيب مشهور .. قالها لازم نسوي لك عملية . تعالي الاسبوع الجاي عندك كيس

راحت بعدها عند طبيب عايلتنا انسان كبير بالعمر و قدير . قالها يابنتي وفري فلوسك الكيس بينزل مع الدورة

وفعلا حصل ...


موقف حصل مع اختي .. بالطيارة اختي طالبة كوب ماء من المضيفة .. جتها و هي تقول اف لازم تشربي ؟؟ ليش ما انتو صايمين زي البقية ؟؟؟

ماعاد حد يحب عمله او يتقنه او يخلص فيه ... صارت المسألة مادية بحته

ماحد يبي يتعب و الكل يبي فلوس عالبارد المستريح

بس مين تلومي ؟؟ تلومي تربيتهم ؟ و لا طمعهم ؟؟ و لا هو الزمن دا زمن اغبر لازم الواحد يكون فيه فلهوي و يعرف كيف يجمع الفلوس ؟؟


الله بيعين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله يستر بس ويحفظنا من شرهم

__________________
اللهم لك الحمد حمدا كثيرا

طيب الحين بعد هالموقف مع ولدك ، تعلم الدرس وإلا لأ

ما شاء الله على ولدك ....!!!

أجل يأشر لك أنه مبحوح حلقه !!!!!!!!


الله يخلي لي أمي كنت زماااااااان أصاب بإلتهاب باللوز وارتفاع درجة حرارة
وتنتفخ عندي حتى أصير ضفدع بشري
ومع كذا كانت ما ترضى جلوسي بالبيت أبداً

وما أرجع بنهاية الدوام إلا معي ورقة للصحة المدرسية !!!!!!!!! (حكومي )


لذلك ثانية مرة إذا أعاد أبو شبر ونص عليك هالحركة (الظاهر يضحك عليك واجد )

فخذي احتياطاتك وخبيء الألعاب عنه .......!!!! خليه يكره اليوم اللي يغيب فيه !!!




اما موقف المدرس ،،،،

تراهم طفارى

وياما فيه مدرسين شعلة من النشاط والعمل لكن لم يطلب ميزانية من الإدارة لتنفيذ نشاطاته ومنها توزيع جوائز ما يعطونه إلا القليل وبعد طلعة الروح





عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

ههههههههههههه

ربي يسعدك ويسعد ولدك


نصيحة تصحيه لصلاة الفجر واجعلي قومة الصبح واجبة عليه من اجل الصلاة بغض النظر فيه مدرسة او لا

واذا تعود انتي بترتاحي

ولدي احيان بعد مايصلي يتمارض عشان يغيب وانا اخليه يروح المدرسه واقوله اتصل من المدرسة ويجي خالك يطلعك الحصه الثانيه

وبعد مايروح المدرسة مايتصل ولا شي دليل انه كسل


وفقك الله

آآآآآآآآآآآآآآآآآه يا قرين هو بس شقاوه
الله يهديه وبس






يوووووووووووووووووووه لا عاد هذي مواقف تخوف من جد
يعني مافيه الا العافيه وبيعملون له عمليه وش يسوون
حسبي الله عليهم ياشيخه والله خرعتيني .. اعوذ بالله صارت المسأله متاجره عيني عينك
طيب شنسوي ؟ نهاجر برا يعني ؟

اسعدتيني جدا بمشاركتك





والله هذيك الساعه انها تفشل وماتيجي بخمسه ريال من سوق الجمله
يعني اطلب ميزانيه عدله وجيب شي عدل
ليه مايخلونها قصص الأنبياء عليهم السلام مثلا.. وفيه منها بخمسه ريال !!
الله يسامحهم وبس..عاد مو من زود المكرمين .. هم سبعه فقط من 35 طالب .. يعني المدرسه مابتفتقر.. والا يسوون شهادات تقدير مثلا ويغلفونها
اللي يفكر بيلاقي بس العتب على ( عدم النزاهه)

موفق اخوي



كلام جميل جدا
اسعدك الله

__________________
[/IMG]

السلام عليكم ..



الله يسعدك ضحكتيني .....



الله يخلي لك ولدك ذكرني بولدي .... بس الفرق انك حنينة ..... أنا لا ......الحركات هذي ما تطوف علي ...



ولدي الله يصلحه يجي وهو شبه مغمض عيونه ( على باله متألم ) : ماما ؟ بطني يعورني .....


أنا : تبي تغيب ؟



ولدي : اييييييييه ( بصوت ضعيف من شدة الألم الكاذب )


أنا : خلاص يا حبيبي روح فراشك نام ...................بس هااااه ؟ ترى ما فيه بلاي ستيشن ..... انت عارف القانون اللي يغيب ما يلعب لا زم ترتاااااح في الفراااااااش لحد ما تجي أختك من المدرسة ...



ولدي : ولا تدرين ...... أحسن أروووووووح



..

انا بنتي كدا كل يوم حكايه واذا طاوعتها وغابت سبحان الله تظهر غلى حقيقتها
اللحين اخدت قرار مافي غياب لاي سبب المريض يروح عند الطبيببه وهي تكلمني وتقولي اجي اخذها
وراحت بنتي طبعا بعد الفيلم الطويل ورجعت زعلانه كدا وديتيني انا وتعبانه ؟؟؟؟؟؟؟؟؟؟
قلتلها رحتي الطبيببه قالت ايوه وقالتي ماراح اكلم امك لانها شافتك تعبانه وطلعتك!!!!!!!!!!!
طيب اكيد لو هي فعلا مريضه كان طلبوني المدرسه الطبيببه شافت انه البنت كويسه والحمدلله
اما موضوع التامين والمستفيات هذايبغاله صفحات
الله يحفظ ابنك ماشاء الله عليه الله يحميه وتفرحي فيه ان شاء الله

__________________
اللهم لا اله الا انت سبحانك اني كنت من الظالمين

شوشو حياتي حاسة بضيقك هذا اسمه الضمير اليقظ المستيقظ

لكنه اصبح غير واضح المعالم في كثير من البشر بسبب الغيوم التي تغطيه

ماعليك من هالمقدمة ولكن برأيي لا يوجد اب يأخذ ابنه لطبيب وسيقول له انت سليم معافى لأنه من وجهة نظره سيتهمه الاب بمجرد خروجه من حجرته انه لا يفقه شئ وسيتجه الاب وابنه لاقرب طبيب اخر ليجد عنده العلاج المناسب

ولذلك كان لابد من تشخيص اي عارض مرضي طفيف لكي يثبت انه طبيب وشخص وعرف السبب الذي اتى من اجله هذا الاب وابنه

وكان الاولى ان يتفق الاب مع الطبيب على ان يقول امام الولد ان ابنكم يمثل وما عليه الا العافية ويعطيه درس في الجد والاجتهاد ومساوئ التغيب عن المدرسة والدراسة ويقول له شوف انا طبيب ولم اصل لهذه الدرجة الا بالجد والاجتهاد

فكان لابد من عقد اتفاقية مسبقة بين الاب والطبيب لتعليم الولد درس لا ينسى ويكشف نواياه المبيتة في اختيار التغيب الارادي عن المدرسة

لكن حصل خير والرابح في ذلك هو الولد ولا احد غيره


بالنسبة لهدايا المتفوقين لابد من وضع ميزانية من قبل المدرسة نفسها او ادارة التربية والتعليم لأجل هذه المناسبات التي تحفز وتشجع الطلبة على الاستمرار بالتفوق

موضوع حساس ووواقعي


ربي يحفظ ابنك ويقر عينك ببره وصلاحه ونجاحه وتفوقه دوماً يارب