ماهو عقاب مثل ما هو يصرف هي تصرف انا اقول المشاركة لكن الا ساحب يد بالكامل هذا غلطان ومذنب

وش اوجه الصرف الي تشوفها
وهل يتغاضى الرجل عن التقضير بالمنزل
اذا كان هو بالاساس راضي بوظيفتها

مثلا اي شيء يخص عملها مثل سواق وسيارة هي مسؤولة عنها وتجيب خادمة علشان تغطي مصاريف غيابها هو ينفق على اساسيات البيت وهي الكماليات مثلا مو شرط نفس الحسبة لكن باتفاق بينهم

كثير رجال يتغاضون عن التقصير في المنزل ..

القوامة على الرجل هو ملزوم يصرف ويقضي إلتزامات عائلته المراءة دامها مو مقصره بحقوق زوجها واطفالها وبيتها حتى وإن كانت موظفة لايلزمها دفع ريال واحد الا برضاها وعن طيب خاطر ومساعدةلشريك حياتها وجهة نظري .

كلام غير صحيح القوامة ليست فقط النفقة بل ايضا لتفضيل الذكر في قيادة الاسرة فلا تحصروها على النفقة واكرر النفقة ما اوجبت الا نظير حبس المراءة

مااقصد التشارك
اقصد تتحمل كل شي
بحجه انها موظفه
ولا تلقى المساعده في شغل البيت
كانها تعاقب لانها موظفه
على الرغم من وظيفتها خير للبيت كله
وجهد تشكر عليه لانها تتعب خارج وداخل البيت للمساعده زوجها
مع هذا ارى ان المراه لازالت تساوم وتعاقب على وظيفتها

انا اشوف ان الزوجة الموظفة تجيب الشغالة من راتبها عشان تقفل فم زوجها عن التقصير المزعوم في البيت
ويتشاركون في السفريات الخارجية فقط عشان الترفيه وتدفع من راتبها اي مستلزمات او سواق يخص وظيفتها وغير كذا ماله اي كلمة واي شئ تشارك زوجها فيه لازم بإثبات قانوني ان شاءالله لو يبغى سلف مثله مثل الغريب لانه لو رفع سقف مطالبه فهو يعتبر بنظري من أشباه الرجال ......

وبما اني موظفة وما قد قصرت اصرف على نفسي واساعد ووووالخ فآخر قرار صدر بعد جلسة حوار شديدة اللهجة انه يعطيني مصروف ألف ريال وراتبي للكماليات الكبيرة فقط مثل السفر للخارج او احضار خادمة والتنفيذ بعد ثلاث اشهر لظروفه المادية ... اذا نجحت الفكرة اعلمكم بالطرق المتبعه ..

تصدقين خواطر كلامك قريب من واقعي كثييير .. شغالتي أنا أدفع لها .. والسواق زوجي يدفع له لأنه أساسا جبناه عشان مدارس عيالنا وأنا للدوام اسوق بروحي ..
السفر .. لأني أنا اللي اموت على السفر وأحن عليه أحط الجزء الاكبر منه .. زوجي مايهمه السفر كثير .. فيشوف إنه ماله داعي ومايسوا يدفع له مبالغ كبيرة.. بس يصير احيان إذا زوجي متوفر عنده مبلغ كافي يتكفل بكل مصاريف السفرة .. يعني يعتمد على ظروفه وقتها ..
زوجي يحط المبلغ اللي يقدر عليه لمصروف البيت .. وأنا ما أقول له إنه مايكفي واحط من عندي وأشتري من عندي .. خصوصا للترفيه والكماليات ..
أنا اشتغلت عشان أرفه عن نفسي وعن عيالي .. وأرفع مستوى معيشة الاسرة جميعها .. مش معقولة بمسك فلوسي وبحرم نفسي وعيالي وحتى زوجي .. وأعتمد على النفقة اللي من ضمن حدوده فقط ..
في النهاية إحنا زوجين ونشترك في حياة وحدة .. واللي دفعته وصرفته مابيروح للغريب ..
بس بشرط مايكون اعتماده كلي على راتبي .. وهذا الشي على التعود ..
إذا عودتيه ماتطلبين ماراح يدفع .. اطلبي منه وخليه يدفع حسب استطاعته حتى لو كانت استطاعته محدودة بس مايتعلم على البخل ..

انا معك في الترفيه والكماليات وقلتها له ألف مره راتبي مستعدة يكون للكماليات مستحيل ادفع للأساسيات ومصاريف البنت ...كفايه مساعدتي له في سنوات الغربة من ايجار ومصاريف لكن بعد الاستقرار تغير الوضع..طبعا راتبه اعلى مني شوي ورواتبنا تعتبر حلوه مره ... ومستحيل اطلع قروض على راتبي الا بإثبات قانوني والحمدلله اني ما تورطت في قروض للحين .... اللحين بوريك فيه بيدفع لي حتى مصروف شهري لي وخيرته النفقة مقابل الطاعة والا تحلم ....
وراتبه حلو اعلى من راتبي شوي ...