السلام عليكم ورحمه الله وبركاته
طبعا انا اول مرة اعرض مشكلتي معكم، لاني حبيت منتداكم وحبيت الاعضاء الي فيها واتمني انكم تساعدوني في حل مشاكلي شاكرين لكم..
انا متزوجه وعندي ولدان الحمدلله وزوجي اكبر مني ب9 سنوات تقريبا.. زواجي منه عن طريق الاهل..
هو انسان طيب مع الكل،، مافي فرق بين طيبته معي ومع احد ثاني كله نفس الشي..
مشكلته في البدايه وايد يحب يتكلم مع البنات،، سوا بنات عائلته او موظفات او بائعات، لما نروح مع بعض محل في بنات هو الوحيد الي يجلس يتكلم معاهن وابتسامات وهن أيضاً يبادلنه الدور.. وانا بصراحه وايد اغار عليه حتي لما يتكلم ويبتسم مع اخواته وانا ما يعطوني وجه كانهم في عالم ثاني، دائماً كذي يصبر سواء مع امه او اخواته او بنات عائلته او بنات المحلات،، والله أتضايق وايد واغار، وهو لما اكلمه عن هذا الشي يقول انتي فاهمه غلط وانتي مكبره الموضوع،، حتي ما عاجبه اني اغار،، والله غريب هال انسان حتي كرهت اهله واخواته بسببه، اما لما يكون معي ف الغرفه لا يتكلم ولا يبتسم حتي وعند غيري كذي السوالف تطلع والابتسامات..دائماً اكثر مشاكلنا عن هذا الشي.. مع العلم اني اجمل واصغر عنه ومثقفه وهو عكسي فكل شي..

فيه نوعيه من الرجال كذا يحبون يستملحون اذا شافوا حرمه مستعدين يقلبون نفسهم مهرجين عشان يحصلون ع ابتسامه منهم
اكسبي زوجك شوفي بوصله الشخصيات مفيده جداً للفئة هذي
ولا تقولين له كلمني سولف معي بيش تكلم غيري ( هذا الاسلوب ينرفز ) تبينه يكلمك ويسولف معك ضبطي جلستكم ولاتخلينه يمسك جواله ولا تفتحون تلفزيون خلي الجو هادي مع الوقت بيرتاح لك ويبدأ يكلمك

حبيبتي مالك حق تغاري من اهله واخواته لايسير عندك الغيره مرض وبتتعبي وتعبي اما من الاجنبيات معك حق وربي يهدي بس انا اقول طنشي مررررره واعملي ان مافرق معك ولو مزح او تريق شاركي يمكن يعقل وخليكي فرفوشه معه وقربي معك ولمن محل كله حريم حاولي تدخلي لوحدك وطوري من شخصيتك لاتتاثري عشان لاتتعبي حبيبتي وربي يصلحه لكم

__________________
(وَلَوْ أَنَّهُمْ رَضُواْ مَا آتَاهُمُ اللَّهُ وَرَسُولُهُ وَقَالُواْ حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ)
لاحول ولاقوة الا بالله العلي العظيم حسبي الله وحده ونعم الوكيل

وعليكم السلام ورحمه الله وبركاته

اختي نصيحة

ابتعدي عن الغيرة المرضية ,,, اقصد غيرتك من امه واخواته
بالعكس تقربي منهم واكسبيهم بصفك واضحكي و سولفي معهم

وشاركيهم دايماااااااا الكلام ,,, لا تكوني غريبة بينهم
لا تجلسي بالطرف وتكتفي بالسمع فقط وتشيلي بقلبك

لا خليك بقلب الحدث واضحكي وابداي الكلام معهم


اما بخصوص كلام زوجك مع غيرهم من النساء
ايضا اقول لك ,,, لا تتركي زوجك في المحل بروحه
وانتي تتمشي بروحك
لا ابقي معه واسحبيه معك وين ما رحتي
وان تكلم مع وحدة ابقي معهم وسولفي معهم
وحاولي تسكري الموضوع باقرب فرصة
واسحبي زوجك وغيري المكان ,,, لاتوقفواااااااا

هالشي يخلي زوجك يتعود عليك ويكمل الكلام معك

وابدا لا تبيني غيرتك وتحاسبيه
انت علمت خطا ولاحرام ولا ولااااااااااااااا

لا خليك طبيعية على راحتك

وفي بيت افتحي انتي السوالف معه عن اي شي
ترا هذا حال الجميع الازواج يحبوا يتكلموا خارج البيت
وفي البيت يعتبروا الوقت للراحة فقط ,,, واكيد مو للكلام مع الزوجة
لذكل خلي المبادرة تجي معك وشوي شوي ,,, يمكن يتعود على صفات جديدة

الله يهديه ويصلح حالكم ويسعدكم

بالتوفيق

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

جزاكم الله الف خير علي الردود
ولكن حتي لو سولفت ودخلت معهم عادي ميغير شي بالعكس يسفهوني ويكملو كلامهم،، مهما اسوي اي شي مشي فايده والله ما ادري السبب!
لكن انا بطبيعتي انسانه هادئه ومب اجتماعيه وخجوله..
و زوجي وايد يحب اهله ويموت فيهم حتي اكثر مني انا ام عياله وانا حاسه من نظراته لهم..
مرات احس كانه رومانسي مع اهله وانا عادي كانه جالس مع صديقه او مجرد جدار فالغرفه.. بالله مؤ شي يقهر..
والشي الثاني هو ضعيف الشخصيه جدام امه يعني ما يسوي شي الا برضاها، ادري بتقولو انه هالشي زين.. لكن هو مبالغ لدرجه انها احيانا تطلب منه اغراض للبيت ويخلص مصروفه ولما نريد شي من منتصف الشهر يقولي خلص راتبي..
مؤ مسويلنا شي لا اني ولا لعيالي بصراحه خايفه من مستقبلنا..
وأما امه لا تقولو يمكن فقيره ومعندها.. هالانسانه عندها خير وعيالها كلهم يشتغلوا وراتبهم اكثر من راتب زوجي وبناتها في بعضهن مؤ متزوجات وراتبهن عالي وهي تنصحهن يجمعن فلوس وحتي مسويات شقق وبيوت والله اعلم شو بعد.. وهي امه عندها اجارات..

احس كثير سارت مشاكل الرجل ضعيف الشخصية والام الي تبغى ولدها تحت جناحها وشورها لازم كل ام تفهم ان البر شيوحياة ولدها الخاصه شي
شوفي حبيبتي خلي يعطي اهله براحته فلوسه بس قولي له يرتب لكم راتب شهري يكفيكي انتي واولادم كامل الشهر وانتي توازني الامور صرفتيها او جمعتي حق كم شهر براحتك يسير والاعياد تتدبل لمصاريف الاعياد وريحي من موضوع اعطاهم مااعطاهم خلصت الفلوس او باقي لان مهما تكلمتي اهله وفلوسه وماتقدري تمنعي لايبان ان ضد اهله ومدام يحب اهله حاولي تكسبيهم وواضح زوجك يحب الفله وضحك اخترعي العاب كل يوم اعملي ليلة شكل نوعي وحاولي حلو تكوني هادية بس مو دايم وخليكي ايجابية وكل ماشفتي نفسك بعين محب الناس بتشوفك كدا

__________________
(وَلَوْ أَنَّهُمْ رَضُواْ مَا آتَاهُمُ اللَّهُ وَرَسُولُهُ وَقَالُواْ حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ)
لاحول ولاقوة الا بالله العلي العظيم حسبي الله وحده ونعم الوكيل

زوجك اظن اكبر اخوانه

وكان قبل زواجه الآمر الناهي بالبيت

اهله تقربي منهم محبتك لاهله واحترامهم راح تزيد محبته لك والمصروف قولي اصرف مثل ماتحب لكن حاجتك. والأولاد لاينساها وانتو بذمته

لا شك أختي أنك في نعمه كبيره وسوف تعلمين بمقدار هذه النعمه عندما تصولين وتجولين في ارجاء هذا القسم من المنتدى وتقرأين فيه من القصص ماتشيب له الرؤوس .
لاشك ان الحياه حافله بالمشاكل ولا كل مايمنى المرأ يدركه ولكن حريء بنا ان نستعمل عقولنا وننمي مابوسعنا تنميته ونتجاهل مابوسعنا تجاهله .
دائما ولنجعله هدفا لنا وهو عند نظرتنا الى الشريك يجب علينا النظر الى ايجابياته والتشبث بها والايجابيات كفيله بدثر السلبيات ، فنحن نصبر ونتحمل لان السلبي في الشريك يقابله شيء ايجابي ينصبر عليه .
كونك زوجك طيب ويحترمك ويلبي رغباتك ولو جزء منها فيسعدني أن أقول لك . أنت بخير وفي سعاده .
كونه يحب أخواته ويبتسم لهم فهذا شيء جميل لايستوجب الغيره وتذكري ان ابتسامة المسلم في وجه أخيه صدقه.
كونه يبتسم لفتيات غير محارمه فهذا خطأ والخطأ يستوجب الاصلاح والاصلاح يستوجب الهدؤ والوعظ والتذكير بالله والاحسان وهذا يأتي على مراحل .
هدي من روعك أخيتي وخذي الامور بلين وصبر وسيكتب الله لك الخير بإذن الله .

__________________
[img]http://im62.***********/aD1nnj.png[/img]

شكرًا علي ردودكم اخواني واخواتي وفي ميزان حسنتاكم..