السلام عليكم
بادئ ذي بدء مبارك عليكم الشهر
والموضوع باختصار يخص أختي اللي
تكبرني ب8 أعوام
كانت تفتعل المشاكل معي وتضايقني بكلام وتكسيح لليل
وإذا قابلت اي احد او زارتناوحدة تفتن بيني وبينها وتقول
لاتردين عليها تراها مريضة تقصد شي بالعقل
كانت تعطيها أمي فلوس تشتري لي ملابس للعيد
كانت تجيبها وتلبسها وتزور فيها وترميها بوجهي تقول خذي هدومك حقت العيد
طبعا يكون المقاس كبير ولا هو حولي وإذا قلت برجعها وأخذ مقاسي تقوم الدنيا ولا تقعدها
كانت تعبي راس أمي علي وتفهم أمي أني اكرها وتجي تبرر لي تصرفات أمي السلبية تجاهي
كره من أمي لي وأشياء اكثر وأعظم لكن ماتنقال
كبرنا وانخطبت قبلها لكن الوالد رفض وقال لازم الكبيرة قبل الصغيرة كله وانا مادريت
هي اجمل مني واجتماعية اكثر لكن قلت ممكن هذا سبب لتجديد الكره لي
تزوجت وراحت بحياتها قلت مابقى غير الشوق بيننا لآني رغم كرهها لي كنت اطلع نفسي غلطانه
وأوجب لها الحق بتصفية حياتي وتنبيش دولابي وأخذ ممتلكاتي وتوزيعها على اي ضيفة تجيها بحجة انها مضطرة طبعا كل هذا بدون علمي لآنها مفهمتني أني مراهقة ولازم احد وراي
توقعت انها تنتهي معانتها معي بمجرد زواجها حتى سوت حركات أحرجتني جداً قدام الناس يوم زواجها
لكن قلت عروس وتفكيرها مشتت
انتهى كل شي ضايقني منها ساعتها وقلت الله يسامحها ويوقفها بحياته
لكن حميدة هي حميده
اكتشفت انها تكرهني او مازالت تكرهني
اكتشفت انها تروح تقول لأخواني عني كلام بالعرض حتى كرهوني اخواني وشدت بيننا لين من القهر قلت لو اشتكيكم عالمحكمة اقدر أخذ حقي
كنت اعتقد السبب حريم هم وأروح أقولها اللي صار لان هي تسألني وتقولي فلأنه قالت عنك كدا
قلت أكيد السالفة صدق ورحت سألت مرت اخوي وخافت وهربت من عندي قلت أكيد انها هي مشاكل حريم الاخوان ما تخلص
خلاص قاطعت كل حريم اخواني بسببها كل شوي تقولي انهن يهرجن فيني لآني ماتزوجت وكل الناس تنهش بعرضي لهالسبب
وكرهت اخواني وعلاقتي صارت زفته لانها تقولي المفروض يدافعون عنك وانا احسهم خلص مو طايقني لاني بطالة ودايرة على حل شعري
حاولت بالطيب استرجعت اخواني وقالوا لي هي اللي كانت تشتكي مني لهم خايفة علي
للمعلومية كانت تنزل السوق تعاكس قدامي وإذا شافت احد دبش فيها لفت علي مرة تقول لآبسة كعب وشراب خفيف ومره تقول تدلعين بالمشي جبتي لنا الكلام رغم أني كنت دفشة وعباتي راس وساده وما البس نقاب عكسها انتهينا هنا
لفت على خواتي تقول أني أفرق بين بناتهم وأحرشهم على بعض وأني أقول كلام بطال عن بناتهم
وأني ما أحب خواتي ومتكبره عليهم ( احيان استحي ادخل غرفة أخواتي وكلامي قليل معهم لأنهم يجرحوني ويكسحون فيني)
قلت تهادوا تحابو
جبت لها هدايا استخسرتها بنفسي
راحت تقول أخواتي الباقيات لو تحبكم جابت لكم زي ماتجيب لي
هنا زاد كره وحده من خواتي لي وصاروا يسوون حركات حتى النذلة ماتسويها بعدوتها
قلت مشي وصار كل ما كلمت أمي وحدة تبي تخطبني تدخلت وفركشنها مرة يقولن مخطوبة ومره يقولون مفوته وعبر راس أمي أني ابيه وأمي تستحي تفتح موضوع زي كدت معي حب وخرابيط وأخذت على كلامهن واجبرتني أني أوافق عليه جوني خواتي الثنتين وقالوا حنا بصفك ارفضيه ماحنا مخلينك صدقتهم وصارت لي مشاكل لاحصر لها لدرجة ان أمي تقولي ما أكون بالبيت اللي انتي فيه وشهور مقاطعتني
وهم الحنونات يذكروني بالمواقف السلبيه لامي معي وأنها تكرهني والعكس مع امي وطبعا صارو يطشون كلام علي مثل بايرة وعانس وواقفه بطريق بناتنا متى انزاح عنهم
انجنيت وكلمت خطابة لان عمري وصل فوق الثلاثين
جابت لي عريس ابن حلال كلمتني اخته واتفقنا على الزيارة وجو الناس ووفقنا وتمت الخطبه انجنو خواتي واتهموني بالباطل وطلبوا رقم الحرمة بحجت يتفقون معها على تفاصيل الفرح
هنا اكتشفت الكيد وعرفت من نظراتهن ان بيخربون وكارهيني مره
وقلت المرة الجاية يجون واتفقوا معهم قالوا انتي نجسه ماتحبينا وتخبين عنا قلت لسا ماجوا الرجال يخطبون حتى حتى الام ماتكلمت ولا قالت شي أنا عارفة انها بتشوفني ماله داعي الكل يتجمهر فوق عشرين نفس بالمجلس تتفرج علي وانا بموقف زي كذا وقوموا الدنيا ولاقعدوها حتى ما فرحوا ولافرحوني ولا باركولي كل اللي سمعته اخيراً اتزحزحتي
سويت نفسي مادريت عن اللي صار كله ورجعت أزور هم بعد زواجي ولاكأنه شي صار
صاروا يسبون بزوجي لو اخذتي معتوه أحسن لك ولو انه يبيك كان حط لك ورد بغرفة النوم وشكله مو حلو
واحسب هال كلام لمصلحتي قاصدينه مافهمت الا بعد المشاكل اللي صارت بيني وبين زوجي عرفت الهدف
صرت ما اسمع لهم وإذا سبوا فيه أقول عاجبني حتى لو قالوا تعليقات سامجة مثل مالقيتي غير هو غصب يعجبك واصلا من زينك عشان تأخذين واحد زين ولو خلصوا سب تجاهلو وجودي بطريقة بايخة
وانا طناش
والمصيبة لفوا على أختي الكبيرة اللي أنا احبها وأموت فيها ولا صدقتهم قبل
لكن هالمرة (العيار اللي مايصيب يدوش)
صارت أختي الكبيرة نظراتها كلها لوم وعتب ولا تبي تسولف معي ومطنشتني بقوة هي حقانية لكن مدري وش نوع الفتنة هالمرة
هن بحريقة لكن هي لا حتى أمي صارت كافشة فتنتهن بس تقول بناتي وياكلني لو اقولهن شي سلبيه معهن مرة وعلي قوية بالمرة
مدري وش الحل مع الأخت الفتانه اللي حقدها لا ينضب
للمعلومية أنا شخصيتي ضعيفة جدا ولا اقدر أقول كلمتين على بعضهم مباشرة لأي إنسان
صرت احس أني مكسورة ولا بصفي احد


تم تعديل العنوان ليتناسب مع مضمون الموضوع

بحيث انك تزوجتي... ابعدي عنهم كلهم وركزي بسعادتك وحياتك مع زوجك... وما تسمعين ليهم
وسيبك من قال وقلنا

اهم شي امك بري فيها ولاتزعلين منها وحياتك مع زوجك لاتدخلين احد فيها ابداً واهتمي بزوجك مو نافعينك اذا تطلقتي
وهن خواتك لاتقطعينهم زوريهم سلمي عليهم فقط ادي الواجب ولاتخبرينهم عن حياتك،،
الله يفرج همك

الله يهدي سركم يارب
حبيبتي افضل تصرف تتخذينه معها تتأسفي منها
حتى لو هي الغلطانه
ولا تخلين مشاكل اهلك تنعكس على حالتك النفسيه مع زوجك
ربي يوفقك ويهنيك

مثل ما قالولك لاخوات بما انك تزوجتي اهتمي بزوجك واسرتك الجديدة واحاولي تبعديهم عن المشاكل

التي تأتي من اهلك واهتمي بتطوير أسرتك من الناحيه العلميه والاخلاقيه والتربويه هذا دورك

اما مشاكلك مع اهلك خففي زياره لهم ولا تقطعيهم

وخذي لهم الهدايا ولا رحتي لهم خلي كلامك قال الله وقال الرسول صلي الله عليه وسلم
كوني وأعظه اهم وذكريهم بان النميمة والتفتين والنفاق محرم

ولا قالو لك تري فلانه وعلانه وفلان قال عنك وقال ردي بقول الله يصلحه ويغفر له ونا ما أحب القيل والقال وأخاف الله

بس كل كلمه يقولونها لك ردي عليهم بقال الله وبكذا بيستحون علي دمهم وبنفس الوقت تكسبينهم

وخلي اغلب وقتك وتفكيرك باسرتك
وحاولي تلاقي صحبه راقيه من جاراتك او عملك تبعدك عن مجتمع النميمه ابحثي عن ناس أرقي تكسبك منها الخير


،،

حياك ام يوسف
شرطي بالزواج أكون قريبة من أمي لان مافي احد يرعاها غيري
وكل هالمصايب بالاجازات
صرت اقابلها عند أمي أسوي نفسي مشغوله عشان لا أخوض حديث
معها كفاية سلام وكيف الحال
حاسة ان تصرفي كذا يزيدها
لكن شعور بغيض لما تحسين اللي حولك يلوموا عليك وكارهينك
أبغى أوصل لمرحلة الصفا او التبلد التام

حياك الم الحنين
أتأسف ؟؟
كفاية الذل اللي ذلتنياه وياما تركت لها مجال تقرر عني وتسوي فيني اللي تبي ولا عمري رفعت صوتي عليها من عمري12 سنة بس هي اللي تصارخ وانا أنفذ
وياكثر ما تمنيت أني احس بطعم الأخوة
ما اعرف هالشعور ابدا لآني اصغر وحدة ويوم كبرت وكلهم متزوجين إلا هي
وسبق وتوددت لها وإذا غلطت اعتذر وبشدة كانت تزيد حالتها سوء وتشوف نفسها علي
شكرًا لتعاطفك معي🌹

شكرًا لك لتعاطفك معي ومحاولة حل مشكلتي 🌹

حياك جمانة
وهذا اللي صار يعني تصرفي سليم ؟
ومابغيت أحرج نفسي وازورهم ببيوتهم
لآني كنت ازورهم وأحس نفسي غريبه واحاول اشتغل معهن بالمطبخ يمكن نقرب من بعض لكن وحدة قالت لولدها جبنا شغالة جديدة وتأشرعلي اخذت الموضوع بضحك حتى ولدها صغير بس ما اعجبه الكلام
لكن شعور صعب انك تحسين لك خوات و يكرهونك
ودي اعرف السبب عشان أعالج المشكلة او اقطع الأمل خلاص
شكرًا لتعاطفك معي ونصيحتك لي🌹

حياك راجية رحمة ربها
عجبني كلامك ريحني
وكل اللي قلتيه سويته
لمحت عن الفتنة وعقوبتها لفو علي وش قصدك انتي الفتانة تروحين تشتكين لامي منا
وانا فعلا قلت لامي اللي سووه معي عشان تكون بالصورة ولا تظلمني
وسكت وقلت يمكن اللي سويته فعلا هو الفتنة وأني أنا الغلطانه لان مو معقول خوات يسوون كذا
والحين ماعاد بيني وبينهم اي أخذ وعطا بس يتلقفون ويطشون كلام واطنش
لدرجة ان وحدة تبي تجيب رضيع من الملجأ لامي لان أمي تحب الصغار ولاني ما أجيب أطفال على قولتهم وانا لي سنة متزوجة حتى تحليل ماحللت هذا الكلام لامي قالوه
ابي حد لهم يايوقفون مسخرة ويخلوني بحالي او يحبوني
والمشكلة ما أبغى أخسر أختي الكبيرة
شكرًا لتعاطفك معي ومحاولة حل مشكلتي🌹