السلام عليكم ورحمة الله وبركاته


لا اعرف من اين أبدا مشكلتي وأنا متأكده أنا هذه المشكله ليس لها حل ولكن لعلا وعسى ان اجد ما انشده بين أيديكم ...

أبدا بالقول أنني متزوجه منذ 5 سنوات ولدي ولد وبنت ( الله يصلحهم )
متزوجه من خارج دولتي من اقاربي ...
وانا اسكن عند اهل زوجي في شقه بدور العلوي ...

المشكله ::

زوجي لا يجلس بالبيت أبداً إلا إذا اراد ان يناااااااااام او كان متعب او قضاء الحاجه في دورة المياه اعزكم الله... قليله هي الايام التي هو يريد ان يجلس فيها معي ( بعيداً عن العلاقه الحميمه ) يعني جلسة سوالف اخذ وعطاء
لا ابالغ ان قلت مدة الخمس سنوات جلسنا مع بعضنا 5 مرات جلسه طويله وممتعه( سوالف وضحك )
البلده التي اعيش فيها عندهم عاده سيئه جداً إلا وهي ( الدوانيه يعني مجلس لرجال ) تكون الدوانيه خارج البيت مفتوحه 24 ساعه لستقبال الرجال ( والله لو يجي الساعه 12 بالليل ياهلا وسهلا فيه .. مقهى .. ومايطلعون بعض الاحيان إلا الساعه 3 او 4 الفجر مافيه مشكله مايروح ويخليهم)

وش رايكم اكمل بالعامي ....

بالعربي متى ماقام من النوم سيده لدونيه والله ياخواني مابالغ لو قلت 24 ساعه يعني بعض الحيان 6 الصبح او 9 الصبح او 12 / 2 الظهر او مابعد الساعه 12 بالليل اما العصر والمغرب والعشاء لازم يكونون موجودين فيها رجال ياخوانه الكبار او معارف اخوانه ولا تحسبونهم لاشياء مهمه يجتمعون والله لسواليف وتقهوي والمطاعم تالي الليل...

ولا تقولون المشكله قديمه او جديده من يوم تزوجته شغلته الشاغله الدوانيه ..
بالبدايه كنت اشتكيله من قلة جلوسه معاي وابيه ويخصصله وقت عشاني بس لا حياة لمن تنادي احس اني بحياته على الهامش بعض الاحيان احس اني متزوجه زواج مسيار ..

انا مابيه يجلس طول اليوم وجهي بوجهه لا بالعكس ابيه يطلع يروح مع الي هو يحب ماعندي مشكله بس ابيه بعد يحس انه ملتزم بزوجه وعيال ولازم يكون بالبيت على الاقل الساعه 10 راضيه لو 11
بعض الحيان تمر أيام ماجلس أنا وياه مع بعض ولا ساعه تخيلوا

وبتقولون الوظيفه والشغل والتعب الي فوق راسه وبقولكم للاسف للاسف مخلي وظيفته له سنتين لاسباب تافهه يعني ماعنده لا شغل ولا مشغله وهذي مشكله اعاني بعد من هالمشكله الله يكون بالعون

وإذا ماكان احد بمجلس الرجال يكون تحد جالس مع امه ولا تقلون مابيه يجلس مع امه بالعكس افرح إذا دريت أنه جالس معاها فهذا يدل على بره لها واتأمل بعيالنا بكره يبرونا وامه احبه وزي امي بس ابيه لو يدق علي ويقولي انزلي اجلسي معاي انا وامي راح تسوى عندي الدنيا ومافيها ..

انا متأكده أنه يحبني بس للاسف بعد أهله وبعد الدونيه صارت طبينتي

والله بعض الاحيان اكسر خاطر نفسي من كثر ما أنا جالسه لحالي والفراغ مصيبه بس إن شاءالله أماني بالله قوي

للاسف احسه غافل عن اشياء كثيره من اتجاهي كل شي عادي عنده او امزح ماشاءالله عائلتهم دمهم خفيف كل شي يمزحزن فيه مايفرقون بين المزح والجرح أن جوا بيرقعونها قالوا نمزح

انا من بين مشكلتي معاه ومعاهم اختلاف الهجه كثير يتطنزون على كلامي او يردون وراي الكلمه هو طبعاً اخف منهم بكثير والله حتى اطفالهم يردون وراي مو كلهم بس فيه بعضهم لدرجه يضحكون علي ويقلون حنا نقول وانتم تقولون لا قولي كذا لاتقولين كذا والله لو اتكلم هندي ماضحكوا علي كثر ماضحكوا
والمشكله ولدي ابو 4 سنوات ماخذ من لهجتي مو كله بس بعض الكلمات ويتطنزون عليه ويضحكون ويعلمونه المفروض وش يقول لدرجة انه صار هو بعد يقولي وش لازم اقول والله طفشت وممليت وبعض الاحيان إلا اكثر الاحيان اعض اصابع الندم أني اخذت واحد برا ديرتي

المشكله انه يدري انه مقصر بالجلسه معاي بس ماعليه مكمل المسيره

يدري انه يجرحني إذا قعد يصحح لولدي كلامه ومع ذالك يكمل ماعليه

هو بالعكس حبيب وحنون وكريم إذا توفر معاه فلوس مانكر ..

أدري طولت عليكم بس العذر والسموحه من حر مافيني




الإشراف/ عفواً تم تعديل بسيط على العنوان ليتضح المضمون

انا مثلك مع فرق بسيط ان زوجي باالنت مو بالديوانيه ومثل وضعك ماله وظيفه ومع ذلك مايجلس مع عياله واحيانا يكمل اربع وعشرين ساعه على النت !!!!!!!!! ومع اني ارى انه يجلس على العاب ومشترك في منتديات معروفه بس والله اتظايق كثير من جلسته الطويله
يالله ان لقيتي حل اسعفين (( شكلي حولت الموضوع لي )) اعذريني

وعليكم السلام ورحمة الله وبركاته

اختي كونه يسهر ولا يقعد معك فلا أرى أنها توساوي مشكلة عدم ممارسته العلاقه الحميمه معك

هناك خطأ اختي ولابد من إدارك الموقف

إن أحببتي نقل مشكلتك للاستشارات الشخصيه فعلى الرحب أخيتي

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

أختي بالله حاولي التقرب منه ... ومن اهله .

الإختلاف باللغات واللهجات عادية بهذا الزمن ... واتكلم عن خبرة ...

وسبب إنهم يعيدون وراكي لأنك ما تقعدين معاهم كثير وتخافيهم

بالعكس إقعدي و إظهري إحترامك لهم حتى لو ما إحترموكي وضحكوا ...
لأنهم بالنهاية راح يعرفون شقد إنتي ودودة و طيبة و ذات اخلاق ..
ولا تجادليهم ولا مشاكل ولا شئ ... و أيضاً يفضل ما تبقي لوحدك كثير ...
لأنه يضرك أختنا بالله ... بالتوفيق


سبحان الله .