السلام عليكم..
احاول اقولكم قصتي بالتفصيل وان شاءالله تدلوني على حل ..
انا متزوج من 4 سنين وعندي طفلتين ..زوجتي من يوم تزوجنا وهيا قمة بكل شي نظافه واهتمام بادق التفاصيل والله اني اجي من الدوام وكاني داخل فندق من ترتيب البيت والنظافه.. بعد شهرين من الزواج حملت وجابت طفلتها الاولئ وماشاءالله ماتغيرت مهتمةبكل شي وبنفسها وببنتها ومرحة ودلوعه وتخلق اجواء حلوة بالبيت وبعد 9شهور تقريبا حملت بالطفله الثانيه واول فترة حملها تبكي تقول كرهت البيت صبرت عليها قلت فترة وحام وتعدي وبعد ولادة الطفله الثانيه ب6 شهور زوجتي تغيرت اجي من الدوام وباين على وجهها اثار البكاء ..وفجأة قل اهتمامها بالبيت تقوم بالتنضيف العادي والطبخ سارت بس تتطبخ الغداء وقبل كنت اصحئ على احلى فطور وفجاه حتئ الغدا ماسارت تطبخ ..قلت مو مشكله اصبر عليها لان اعرف مو عادتها ..وخلال السنه هدي زوجتي تغيريت تغير كلي لاهتمام بالبيت ولا طبخ وبناتي اهتمام سطحي ..وكل يوم تترجاني اخرجها برا البيت ولارجعنا قالت مابغا ارجع تقولي اكره الشقه غيريها اقولها انتي تعرفين الاجارات والنقل مو سهل قالت ادا تحبني وتبغاني ارجع زي اول غيريها انا مو طايقتها ومنكدة عليا ..ولنا الان 4 شهور متواصله اكلنا من مطاعم وهيا تكره اكل المطاعم ..قلت اجيب لها شغاله تساعدها لان البنات تعبوها وصغار وكانهم تؤام المشكله الشغالات اسعارهم فوق 1500 ..وكل مافتحت معاها الموضوع تبكي كانها طفله وتقولي انا عارفه اني مقصرة وغلطانه انا ودي ارجع زي اول بس ماقدر تقول احس يدي سارت ثقيله عن الشغل ..وكل مافكرتها بنفسها اول وكيف كنتي اقول امكن تتشجع تقوم تبكي ..وبعض الاحيان وهيا تبكي تقول كلام كبير تقول انا اكرههك اكره بناتك ان شاءالله البيت ينحرق وارتاح منه ..مع العلم ان زوجتي معروفه عند اهلي باهتمامها ونظافتها ودلعها ..ياترى ممكن التغير المفاجئ يكون عين او حسد او ضغط من السؤليه لان زوجتي لها فترة تتحلم بعقارب وصراصير بالمنام..وكل ماقلت لها اوديكي للشيخ ترفض ..ولاحظت عليها تصحئ نص الليل تصلي الوتر وتبكي بكاء فضييع..والغريب ان هيا اهتمامها انتهئ بكل شي لكن اهتمامها بمظهرها ونظافه جسمها ماتغير من يوم تزوجتها ..ولاحظت لما نخرج نجلس اسبوع عند اهلها ولا نسافر ترجع زوجتي المرحة ويرجع اهتمامها بكل شي ولارجعنا البيت رجع اهمالها ..ايش تفسرون الوضع اللي هي فيه..
ادعولي يرجع الحال لو نص حالنا اول ..الحمدلله على كل حال