السلام عليكم اخوتي اعضاء المنتدى

انا راح اتكلم بلهجتي العاميه بعيد عن اللغه العربيه وقواعدها وراح اعرض عليكم

مشكله مضايقتني واقسم بالله كرهت حياتي بسببها

وقبل كل شي اقسم لكم بالله ان الكلام اللي راح اكتبه صحيح ولا فيه اي شي من

المبالغه

انا راح ابدأ من الاخر وهو اني احببت شاب من النت وتعلقت فيه لدرجه الجنون

وهو نفس الشي ولنا الان اكثر من سنه متعارفين واتفقنا على الزواج لكن في كل

مره نتكلم في الموضوع على اساس انه بينتهي تطلع لنا مشكله جديده
المهم انا ان شاء الله متطمنه لهذا الشاب وان شاء الله يتحقق حلمنا واكون له

زوجه

مشكلتي هي انه وانا صغيره كنت اتعرض لمضايقات من بعض الاشخاص ومن

ضمنهم اخوي من الاب كان عمره وقتها اعتقد من 17 الى 20سنه وانا اعتقد

اني في السادسه او السابعه وفي بدايه دخولي المدرسه كان يتحرش بي في اماكن

مغلقه احيانا يستدرجني للسطح واحيانا لشقه اخوي لما يكون خارج البيت واحيانا

في نفس بيتنا لما يكون الوضع هادي ولا يوجد فيه احد

هو كان يهددني انه اذا تكلمت لاحد انه يذبحني وانا لصغر سني كنت اخاف منه ولا

اتكلم وكل ما ناداني اخاف واستجيب له حتى انه واقسم لكم ان هالحادثه حصلت في

احد الايام كان جايب معه فلم امريكي فيه لقطات خالعه وكان يتفرج معه اخواني

واخواتي في نفس عمره واصغر شوي وكان حاطني في حضنه ويتحرش فيني

ويلمسني بأجزاء في جسمي ولا اهتم في احد من الجالسين او انهم ما انتبهو له بس

كان يضمني ويحضني بقوه ويدخل يده في ملابسي وينزلها لي

اخوي هذا اكرهه كره الموت وانا الان عمري 24 سنه ومن بدايه حياتي وفهمي

للامور وانا هالانسان اخاف منه واكرهه واتجنب اني اكون معه في اماكن مغلقه

لوحدنا حتى لو اماكن مفتوحه وهو الان يكرهني ولما يشوفني كانه يشوف وحش

قدامه يتعمد احيانا لمضايقتي بالكلام حتى في الوظائف يتدخل ويمنعني ويسبب

مشاكل مع الاهل حتى في خروجنا لحدائق او للبر او اماكن عامه يراقبني وكأنه

يشك فيني واحيانا كان يضربني لاتفه الاسباب ومو اي ضرب كان يتعمد يضربني

بكفوف على الوجه بأقوى ما عنده والله العظيم اني احيانا احس ان فكي انكسر من قو الضرب

الموضوع هذا ما احد يعرف عنه اي شي الا اختي اللي اكبر مني بالعمر لانه

شافته اكثر من مره يضايقني وحتى تعرض لها هي مره واحنا مع بعض استدرجنا

للسطح وطلب مننا انه ننزل الملابس الداخلية وماراح اشرح لكم الباقي لانه اكيد

فهمتوه من كلامي وانا ما ادري اختي الى الان تتذكر هذي الحادثه او نستها او

يمكن تناستها لانها تزوجت والحمد لله

المهم لما وصلت لثاني ثانوي كنت اجهل شي اسمه غشاء البكاره وكنت استغرب

من هذا الاسم ومره جابت وحده من الزميلات كتاب عن انواع غشاء البكاره

وسألتهم عنه فشرحو لي ايش هو وكل شي يتعلق فيه المهم بدأت المشكله عندي

وهي خوفي اني فقدت عذريتي من اخوي كنت من الطالبات المتفوقات فنزل

مستواي وساءت حالتي ومرضت وحاولت الانتحار اكثر من مره
لاحظو الاداره في المدرسه نزول مستواي وغيابي المستمر وطلبتني المشرفه في

المدرسه وجلست تسألني وبعد كم يوم ما قدرت استحمل وانهرت وقلت لها

الموضوع كله ما صدقت كلامي وانصدمت منه وشكت فيني ولما حلفت لها قالت

لي روحي للمستشفى وتاكدي خفت في الاول لكنها ساعدتني مع وحده من

صديقاتي وحجزو لي موعد عن الطبيبه وكشفت علي لكن الصدمه كانت عند

الدكتوره لما قالت لي ان الغشاء عندي ممزق تمزيق بسيط وما رضت تصدقني

لما حكيت لها السالفه وقالت لي انتي تدخلين اجسام غريبه فيك فحلفت لها واقسمت بالله اني ما اعرف هالاشياء لكن اكتشفت انه في بدايه فتره البلوغ كنت اتنظف من الدوره الشهريه بشكل خاطئ لجهلي ولان الوالده واخواتي ما كانو يدرون ولا كانو يسألوني اذا جتني او لا وكنت ادخل القطن داخل فيني لاني كنت اعتقد انه راح يوقف الدم وكان يدخل داخل وبصعوبه اطلعه وشكلي اذيت نفسي بهذي الطريقه

صدقوني محتاره ما ادري المشكله هي من اخوي او مني او من ايش بالضبط

واقسم لكم بالله انه ما عرفت ان الرجل والمراء يشعرون بالنشوه لما يدخل قضيب الرجل داخل المراءه الا قبل سنه او اقل يعني وانا عمري 22 سنه

والله شاهد على كل كلمه قلتها

المهم انا الان محتاره ما ادري اقول لحبيبي هذي المشكله قبل الخطبه او اني اسكت ولا ادري وش اقول له بالضبط

يا عالم والله راح انجن ما ابغى ابدأ حياتي بكذبه وهو وثق فيني وحبني وانا محتاره ما ادري وش اسوي تكفون ساعدوني

هذي بعض من حكايتي ومو كامله كتبتها لكم على عجاله وان شاء الله راح اجاوبكم على اي اسأله او استفسارات لكن اتمنى القى عندكم الحل

أختكم طفله في العشرين

لازم امك وابوك يدرون على الاقل ياخذون بحقك من المسمى اخوك حسبي الله ونعم الوكيل بس

وبعدين صارحي امك على موضوع الغشاء وكيف ماكنتي تدرين عن شي لمى كنتي تنظفين نفسك وان شاءالله لو اتفهمت امك الوضع تكلم الشاب بعد مايكون شاريكي وحصل بينكم اكثر من خطوبه وامك الي تشرح له الوضع

الله يوفقك اختي وقلبي معك

السلام عليكم
مرحبا اختي طفلة ..
بصراحه حكايتك مأساااه .. بس مدري كيف تسكتين عنه وانتِ صغيره
ولاتكلمتي لأمك أو احد من اهلك !!
وانا اقولك قولي لامك سالفتك يكون افضل لك وحتى ترتاحين
اما خطيبك فمااعتقد ضروري تقوليله حالياً إلا بعد زواجك أو عقدك !!!!!!!!!!!!
والله يتمم عليكم بخير يارب ويوفقك ويسعدك
ودعواتك لي

صراحة اختي الكريمة هذه عدة مشاكل في مشكله واحده ولنبدأ بالاهم


1- غشاء البكاره بما انه حصل له تمزيق بسيط انا ارى انه تمارسين حياتك بشكل طبيعي وياليت تعطين خبر لأمك والناس الثقات من اهلك واحرصي على عدم اشاعة الخبر وان كتب الله لك الزواج فامضي به ولا تخبري احدا وخصوصا العريس وبما انك طاهره فتأكدي بان الله سوف يستر عليك وصدقيني ان العريس لن يلاحظ (بما انه تمزق بسيط) وسوف تستمر حياتك بشكل طبيعي فقط مطلوب ان لا يشيع الخبر ونصيحتي لك الا تخبري العريس لان الرجل لن يتنازل وان تفهم في بداية الامر سوف تكون حياتكم كلها مبنيه على الشكوك وسوف يأخذ الشك مجراه في حياتكم وبالتالي تصبح الحياة جحيما لايطاق


2- مشكلة اخيك وما ارتكبه بحقك ... اخيتي صحيح انه ارتكب جريمة بحقك ولاكن هذا يعتبر ضرب من ضروب الماضي ولا يمكن ان نرجع الماضي لنصلح ما أفسد فيجب ان تتعاملي وتتأقلمي مع وضعك الحاضر وان تفكري وتخططي للمستقبل فقط وانا انصح ان تدعي له بالهدايه وتحاولي ان تتجنبي الاقتراب منه او الاختلاط معه الى ان يقضي الله امر كان مفعولا


3- المشكله الاهم وهي من اسميته حبيبك وتأخذين وتعطين معه لأكثر من سنه واطلقتي العنان لمشاعرك بدون اي غطاء شرعي لعلاقتكما كيف يا اختي تطلبين من الله ان يستر عليك وانت تسلكين هذا الطريق
وانا اقول انتبهي
واذا كان من اسميته حبيبك صادق فليتقدم لك اولا ثم بعد ذلك يأتي الحب ليكون حبا صدقا عفيفا له هدف وله مضمون

وان شاءالله بالتوفيق

أختي العفيفة أنصحك بأن لا تخبري خطيبك بما جرى أبداً لأن هذا الموضوع حساس جداً لدى الرجال ربما بعد فترة قد يدخل الشيطان والوسواس إلى زوجك وتبدى حياتكم بعدم الثقة وخصوصاً لدى زوجك . وأنتي يا أختي لم تكذبي عليه فقط أنك أخفيتي شي من الماضي الذي أنتهى ولم يؤثر على حياتك الزوجية . يا أختي يوجد الكثير من الشباب يذهب إلى الخارج ويزني ويشرب وإذا تزوج يخفي هذا الماضي السيئ المليئ بالفواحش فهل من المعقول أن يقول زوجتة أنة زنى وفعل .... ألخ هل يفيدة بشيئ الماضي لا بل تكبر المشاكل ويبداً الشك في الزوجين ... وبعدين يا أختي أن الغشاء عندك كما ذكرتي أنتي أنه ممزق تمزق بسيط ما في داعي للقلق والخوف ..

أقول كما قال العضو الذي قبلي جزاه الله خيراً .. (( - المشكله الاهم وهي من اسميته حبيبك وتأخذين وتعطين معه لأكثر من سنه واطلقتي العنان لمشاعرك بدون اي غطاء شرعي لعلاقتكما كيف يا اختي تطلبين من الله ان يستر عليك وانت تسلكين هذا الطريق
وانا اقول انتبهي
واذا كان من اسميته حبيبك صادق فليتقدم لك اولا ثم بعد ذلك يأتي الحب ليكون حبا صدقا عفيفا له هدف وله مضمون ))
فأتقي الله يا أختي و لا تخوني أهلك بهذه العلاقة المحرمة ....

فسوف أقولك وجهت نظري بخصوص المكالمة والحب الذي يتم قبل الزواج .. لو مثلاً كلمت زوجتي قبل الزواج .. فسوف تدخلني الشكوك والوساوس أقول في نفسي إذا البنت خانت أهلها فسوف تخونني ...

وان شاءالله بالتوفيق

ام فهد

أختي بالنسبه لامي وابوي انا مستحيل اقول لهم اولا لان ابوي رجل في الثمانين وامي في الخمسين ولو بس قلت لهم هالموضوع وش راح يصير وغير كذا انا منحرجه ولا ادري كيف اقول لامي واخاف حتى لو قلت لها ما تصدقني وتتهمني وانا علاقتي معها ومع اهلي شوي فيها حسسيه لاني انطوائيه ولا احب الجلوس معهم وبعيده بعض الشي عنهم

مشكوره اختي على كلامك وجزاك الله خير


=============

في قلبه

هلا بك اختي تقولين ليه سكت على الوضع وانا صغيره بقول لك الخوف والتهديد اللي يجيني منه والله العظيم صرت اخاف حتى امر من قدامه حتى لو كان معه احد من العائله سبب لي خوف وقلق مو طبيعي وصدقيني حتى عامل تنظيف السيارات صار يتحرش فيني لما يدخل يغسل سيارات اخواني وحتى ما كنت اقول لاحد من الخوف اللي سببه لي اخوي وغيره صاحب البقاله مره مسكني ودخلني داخل بين الثلاجات لاني كنت اسأله عن بعض الاشياء اللي وصتني فيها اختي فأخذني هناك علشان يوريني والحقير كان قصده شي ثاني فمسكني ورفعني على وحده من الثلاجات وكان مكتف يديني وكأنه يوريني الاغراض اللي ابغاها وضامني بطريقه سخيفه والحمد لله ربي سخر لي رجال مع اولاده كانو داخلين البقاله وتركني وبسرعه هربت ولا رجعت للبقاله هذي من ذاك الوقت الى الان واقسم بالله لو اني اعرف ان هالعامل ....... موجود والله لاخذ حقي بيدي منه الان او اني ابلغ عنه

مشكوره اختي ووفق الله

=========

hus1399

تقول لي لا تخبري العريس
واذا حصل واكتشف الموضوع او انه صار عنده خبره ولاحظ التمزق كيف راح يثق فيني وانا خبيت عنه شي مالي ذنب فيه صدقني صعبه انا ودي اقول له ومحتاره وخايفه انه ما يثق فيني مثل ما قلت لكن فكرت اني اقول له عن مشكلتي في بدايه البلوغ وطريقتي في التنظيف الخاطئه وما ادري عن رأيك في هذا


أخوي فهد
الشاب مهما فعل ما راح يوضح عليه هالشي لكن البنت اي شي لو بسيط راح يأثر عليها وعلى سمعتها وراح يوضح عليها وبصراحه انا ما ادري عن الدكتوره هي صادقه معي او انها تكذب علي لاني وبصراحه حاولت اني اكشف على نفسي بنفسي ولاحضت انه مفتوح وما ادري هل نوعه كذا او انه يتهيأ لي لاني بعد سؤالي تبين انه مستحيل اي احد يشوفه لانه داخل وحتى بصعوبه يفتح

((أعذروني على اسلوبي وصراحتي والله اكتب وانا منحرجه منكم لكن لازم اني اطلع كل اللي في قلبي في هذا المكان لانه على الاقل مخصص له ))

وبالنسبه لقولكم يا اخوان عن خطأي ومكالمتي لهذا الشاب
والله العظيم اني عارفه انه غلط واكبر غلط لكن وش اسوي هو الوحيد اللي اثق فيه وصدقوني كنت اول اكره ما اشوف في العالم الرجال كنت اكرههم كره مو طبيعي وحتى في بدايه تعرفه علي كان عن طريق احد المنتديات كان كل ما حاول يتقرب مني صديته وهزءته لكن بعد فتره صرت احس بالثقه معه والراحه وثم بدأت العلاقه بيننا عاديه بدون حب واي شي لكن للاسف ما قدرنا وكل واحد تعلق في الثاني هو عرف عقدتي وكرهي للرجال وبعد فتره غير نظرتي لهم وسألني عن سبب كرهي فحكيت له سالفتي مع عامل تنظيف السيارات وصاحب البقاله وواحد من الافريقيين في احد الاسواق لما كان بيخطفني او بيعمل لي شي في وسط محل ولولا الله ثم صرخت اختي وهروبي لكنت الان في خبر كان انا قلت له هالقصص وتفهم وضعي وسامحني على كلامي وتهزيئي وسبي له في بعض الرسائل الخاصه في المنتدى
صدقوني انا وهو كلنا عارفين اننا غلطانين وحاولنا اكثر من مره نترك المكالمات ونقتصر على المسنجر والمحادثه الكتابيه لكن والله ما قدرنا وما يحتاج اقول لكم الحب وش يسوي
وانا عارفه انه صادق معي لكن الظروف ضدنا فكل مره نتكلم في الخطبه ونحدد وقت اننا ننهيه فيه يصير ضرف ويتغير كل شي والان انا قلت له اذا ما جاني وخطب خلاص ينهي علاقتي معه لكن كلامه يطمني ويقول انه ماراح يأخذ الا انا ان شاء الله

ويمكن لو اقول لكم اني في عمري ما شفته ولا هو ما عمره شافني ماراح تصدقون لكن والله هذا الحاصل

اعذوني مره ثانيه على بعض الكلام الصريح المكتوب هنا

لكم كل الود والتوفيق

شوفي اختي طفله في العشرين
بصراحه انا عارفه ان سالفتك هذه تاعبتك نفسيا واكيد مو شوي كثير
بس نصيحه مني :
1- لا تخبري حبيبك بالموضوع مهما عشتي معاه لانك ما تضمنين المستقبل والايام اللي جايه يمكن بكره لاقدر الله تتهاوشون
فبيصير يكرهك ويمكن تنفصلون لاقدر الله ويقوم يفضحك لان الرجال يبان على حقيقته بعد الزواج مو قبله .
2- لاتخبرين اهلك لاني بصراحه خايفه عليهم ماأدري ايش بيصير فيهم
يمكن ما يصدقونك يمكن ؟
3-بالنسبه لغشاء البكاره عندك هو موجود صح بس ممزق وما اعتقد ابدا ان زوجك بيعرف شي لانه موجود
وانا اختي لما تزوجت كان موجود غشاء البكاره بس مانزل لها دم وانا لما تزوجت نزل لي دم يعني كل وحده فينا مختلفه عن غيرها
4- حبيبتي طفله البت اللي تكون مفتوحه من قبل ويدخل عليها زوجها ( آسفه على هذا اللفظ) فقضيبه بيدخل بسرعه من دون تعب
اما بالنسبه لك ما اتوقع انه بيدخل بسرعه لانه موجود بس ممزق
5- حاولي بقدر المستطاع انك تنسين الماضي وتفتحي صفحه جديدهوهذا اهم شي

حسبي الله على اخوك..بس انا من رايي تفهمين حبيبك كل الي قلتيه لنا بالتفصيل وهو مستحيل راح يترك لانه يحبك

..حسبي الله ونعم الوكيل ..

في أمان الله

الاخت (طفلة في العشرين )

الاخوة والاخوات ماقصروا في ردودهم

ولكن أحذرك يا أختي من فتح هذا الموضوع مع حبيبك

صدقيني حتى لو تقبل الموضوع بصدر رحب وتفهمه وسامحك فلن ولن يزول من ذهنه سبقى عالق في ذهنه حتى بعد الزواج

لاتفكري ابدا ان تخبري حبيبك بهذا الامر مادامت الامور تمشي بشكل طبيعي معاك

تمنياتي لك براحة البال والتوفيق

اختي الغاليه اولا احمدي الله علي انك عديتي هذي المشكله

فاذا كان تمزيق بسيط معناته انك بنت ولله الحمد

يالغاليه احذر ي احذري احذري ان تقولي لخطيبك اي شي عن ماضيك وانسي كل شي وادفنيه بداخلك ويارب يوفقك وتطمنينا عن اخبار عرسك وفرحك بليله دخلتك كاي عروس

والف الف الف مبروك مقدما

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء