السلام عليكم

كل عام وانتم بخير بقرب عيد الفطر السعيد

اخواني الأعزاء بستشيركم في موضوع

زوجي بيسافر دوله انا ما أبيه يسافر لها لأن وضعها الأمني مو تمام

يقول ضروري يسافر لمدة كم يوم عشان يجيب جده ابو امه

وانا مو موافقه ابداً لان اخوه هناك ويقدر يجيبه مو لازم زوجي

وزوجي يقول هذا واجب ومدري شنو.. طبعاً انا رافضه قطعاً

وهو يدري اني رافضه بس مطنشني وقال بعد اسبوع بالكثير رايح

زعلت وبوزت ونصحت وتنرفزت وسويت كل شي ولا فاد مكبر راسه

عنيد الله يهديه

انا سويت حيله اني خبيت جواز سفره من كم يوم لقيته في السيارة وخبيته

مالي حيله الا هذي لا تقولون لي متهوره وغلط ومدري شنو

بعض الرجال مايجون الا بالحيله ولوي الذراع الله يهديهم

انا حارقه بقلبي وهو ولا حاس ومخطط

لو اخوه مو هناك ابقول يمكن صح معذور ولازم يجيب جده

بس اخوه هنااااااااك وش يحدك تقطع هالمسالفه بدون عذر

اصلاً..

انا خبيت جوازه بعد استخاره طبعاً وماعندي نيه اطلعه لاني تعبت

شسوي دلوني بليز

ما أدري أيش أقول

بس ما تخافين من ردة فعله إذا عرف ؟

مهما كان هو رجال عاقل مسؤول عن تصرفاته
تصرفك هذا لو انه طفل ولامراهق مايعرف مصلحة نفسه
ابدا ماأييدك عليه
قد مرت علي قصه شبيهه لك وكانت ردة فعل زوجها عنيفه لدرجة وصلها للطلاق
بيدك الدعاااء فقط غير كذا مالك حق ابد ولامسؤوليتك

والله ياختي اندل علي شي فيدل
علي محبتك وخوفك علي زوجك
ما شاء الله عليك الله يهنيكم يارب
ولكن الحافظ الله استودعية وربي بيحفظة
ان شاء الله والموضوع بس يجيب جدة وبيرجع
يعني مو مطول ان شاء الله ويمكن اخوة بحاجتة. والسفر يجدد الاشواق بين الزوجين

__________________
سبحان الله وبحمده سبحان الله العظيم

شكراً لكم جميعاً

اخوي شاطئ الراحه تسلم على كلامك الطيب

بس انا اعرفه مابيخليها كذا يوم لانه حالياً شغله موقف ومو مرتبط بعمل

عشان كذا انا اعرفه عدل مابيقعد اقل من 20 يوم

وتوه مخلص سفره من اسبوعين يعني انا ماقدر اتحمل اكثر من كذا

ومثل ماقلت لكم الدوله مو آمنه يعني قلبي مابيتحمل لاني اعرف زوجي

يقول خمس ايام وتصير عشرين يوم والعشرين يوم تصير شهرين

والله ماعندي حل غير كذا

وطبعاً انا مابقول له اني مخبيته بدور معاه وكأني ماعرف شي

لان هذا الشي في صالحنا واستخرت كثير وماحسيت شي يردني عن موقفي

اختي الحب والخوف على الحبيبي شي جميل
ولكن لايصل الي مرحلة التملك فزوجك لة مساحة
للحرية بحياتة..ما اخشاه هوا وقوع مشكلة بينكم
لاتحمد عقباها وتخسرين حب و موداة ذلك الحبيب
والهون ابرك مايكون تواصلي معة اثنا سفرة
واصلي دعائك لة ان الله يحفظة من كل سوا
والحافظ الله

__________________
سبحان الله وبحمده سبحان الله العظيم

ما شاء الله عليك جريئه 😄

الله يحفظه لك

ههههه طيب انا راح اقلك اخفي الجواز ولاتبيني له ابدا فأذا كان مصمم على السفر هوراح يطلع بدل فاقد وقتها اتركيه يروح وربي يحفضه واذا هون فاحمدي ربك (تمت العملية بنجاح )

__________________
تمنيت حبـاً يدوم طويـلاً .. فـدام الحب وَ رحل الحبيب.

واذا طلع بدل فاقد وحوسه ومسائلة وجوازات رايح جاي ومعاملات لانه هذا الي بصير مجرد ماتقرب السفره وينتبه انه جوازه مش موجود خاصة انه كان بالسيارة يعني بيقول ضاع اكيد غير لو انه حاطه بالبيت وضاع عليه بيقول بنفسه اكيد بلاقيه وين بيروح يعني
وقتها بيأنبك ضميرك

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

تعاملك مع زوجك كأنك تعاملين طفل
اختي الله يهديك احترمي قراره واستودعيه الله
افضل من انك تفرضين رأيك بالطريقه هذي
صدقيني لو عرف ماراح يعتبره حب وخوف عليه
الا بيشوفك بنظره ثانيه وهي انك تستغفلينه وتتحكمين فيه