حسبي الله ونعم الوكيل ...الله يعينها ويصبرها..
شوفي الوضع كله مجنون ...يعني لامحكمه نفعت ولا اهل نفعوا
بس لازم مايكون حكمنا قاسيوظالم وكله مثاليات
هي غلطت غلط كبير ومايغتفر بس برضو لازم ناخذ فعين الاعتبار انها بشر ماهي ملاك
والصراحه الظروف اللي قلتيها اذا فعلا صحيحه يكون زين انها ماقتلته او ماتجننت ؟
بالنسبه للحل ...مافي شي سحري
لكن واحد مايصلي ومن تصرفاته واضح ان عنده خلل نفسي
اولا: لازم تسوي المستحيل عشان تاخذ الاشرطه .. محد بيساعدها لا اهل ولا محكمه مافي الا الله اللي يسمع الشكوى ... واذا عرفوا عن الاشرطه المحكمه بتقول انها خاينه وقليل فيها اللي يسويه واهلها بيتبرون منها او حتى يذبحونها واقل حاجه يسوونها انهم يكرهونها للابد ويرمونها عليه يذبحها ولا يسوي اللي يسوي
المهم... الاشرطه لازم تاخذهها... تخترع اي حجه عشان يطلع من البيت ...تكسر الباب بمطرقه حديد عادي ماهو صعب كثير ولاياخذ وقت ... او بمفاتيح تفك كالون الباب فهمتي يعني البراغي تفكها بس هذا يبيله وقت ومع التوتر والخوف بياخذ وقت اكثر ... وصراحه خربانه خربانه
بيدري بيضربها ؟؟ تتحمل ضرب مو ومشكله اهم شي الاشرطه ... مايكفي هو السبب بعمايله بعد يبي يضيع باقي حياتها ؟
هذا الحل الوحيد عشان الاشرطه ويارب يكون تاركهم اصلا فالغرفه عشان تقدر تاخذهم
بالنسبه لموضوع كيف يطلع
لازم يكون معها احد يساعدها اي احد اختها او انتي او امها اي احد يكون مناسب
والباقي عليها هي وشطارتها ...تصطنع المرض باي طريقه تبكي تتلوى من المغص تمثل انه اغمى عليها من كثر التعب ... واحسن لو تبدا قبلها بيوم تمثل انها مريضه ...وتشوف وقت مناسب يكون المستشفى فاتح عشان مايتحجج انه مقفل او اي شي .. وان شالله بيطلع يوديها ... وتقوله تعبانه الله يخليك وهي تبكي وتتالم لاتسرع بطني يعورني .. اذا رحت المستشفى تتصرف لو تسوي مجنونه اهم شي ماتطلع بسرعه ... ولو تكون قاعده بدون اكل من قبلها بيوم يكون احسن .... بكذا بيحطون لها مغذي واكسجين اقل شي ساعه وبيقعد معها غصب عنه .... بهالوقت امك او اختك يكسرون الباب ويدورون الاشرطه..بس مو الاشرطه لحالها لا... يدورون اي شي ثاني ممكن يكون دليل ضده .... ولو انا مكان اللي يدور بجيب كيس بلديه كبير والم كل شي بسرعه اشرطه اوراق صور افلام جهاز تسجيل اي شي لان الوقت قصير .. وتروح لبيتها سواء الام او الاخت او حتى انتي والكيس معك فمكان امين عنه وعن غيره من الرجال سواء اخوانها او اي احد...
اذا رجع وعرف بيضربها ؟ عاااادي يضرب اهم شي سمعتها وسمهة اهلها وعيالها ...
هذا اهم شي حاااليا الاشرطه ....وبما ان خواتها متضررين منه ويكرهونه خليها تستغل هالشي عشان يساعدونها .......ياروح مابعدك روح على قولتهم
اما المحكمه والشرطه وهالكلام ... بيكون بعد الاشرطه مو قبلهاااا تنتبه
شوفي يمكن كلامي كبير وقاسي بس عادي ... محد معها لازم تصير قويه وتنتشل نفسها من هالحياه لاتضيع اكثر وتضيع عيالها
الشيخ اللي بيحكم او الضابط اللي ماسك موضوعها فالشرطه او اي احد بيكون طرف رئيسي فالموضوع
انا بقولك كيف تجيبه .. ماينفع لاروحه لا جيه ولا اوراق ولا اثباتات
البسي عباتك ويفضل ماتكونين متهندمه ... وروحي لام الشيخ او زوجته
او روحي لام الضابط او زوجته ... انسي كل شي وروحي زوجك يزعل انك طلعتي من غير علمه .. يضربك مو مشكله اهم شي تخلصين ....المهم لما تروحين لها قوليلها كل اللي بخاطرك لايردك اي شي
و ان شاء الله باذن الله بيساعدونك ويشدون حيلهم ...لان الحريم يحسون وقلوبهم على بعض ...
تراني اقولك عن تجربه ... مايمر شهر شهرين ماتجي وحده عجوز ولا صغيره عند امي الصبح وتقعد تشكيلها الحال كله ....وامي عارفه انهم ماجوا وهانوا نفسهم الا من اللي يشوفونه........وامي طبعا تزن على راس ابوي لحد مايتصرف .. مع العلم ان مجال ابوي لاهو فالشرطه ولا هو فالمحاكم.... بس اقيس لك على هالشي ......وتقول ان مالها اخوان ولا احد يمشي على موضوعها والكل راميها وتترجاها تساعدها وبدعوه زينه وضرب على الوتر الحساس والقلب الضعيف ان شاء الله موضوعها يمشي
واذا ماقدرت لاي ظرف اقل شي اقل شي تتصل فيهم بالتليفون الام او لاخت طبعا اكيد تكونين عارفه اسم الشيخ؟ او اسم الضابط؟ اذا ماقدرتي تجيبين الرقم انا مستعده اجيبهم لك بس هاتي الاسماء ..ومدري كيف بتحطينها فالمنتدى بس ان شاء الله المشرفين مايقصرون وهذا كله لوجه الله ونفرج كربة مسلمه بضيق
وخااربه خاااربه بس هالرجال ماينعاش معه.......الله يعينها ويصبرهاااا ويصلحه
هذا اللي عندي ......ولحد يزعل من نصحيتي ولا من كلامي ......لكن فهالوضع مايكفي نقول الله يعين وخلاص؟
رجال مثله مايستاهل اي شي واهل مافي ....والمحاكم دربها طويل .....؟
انا معها بقلبي وباللي اقدر عليه الله يعينها ويصبرها ويفرج همها ان شاء الله طمنيها ان ماكان لها اهل ترانا اهلها وان ماكان لها اخ انا وانتي بنتين يعني برجال ونصير لها اخ
ااه من هالزمن ومن هالدنيا ....وش تسوي المره فحالها لاصارت بدون زوج ولا اب ولا اخ؟
مالها الا الصبر ...وان صارت ضعيفه مالها الا الانحراف ....والعاقله اللي مايكون لها حيله وتحتااااال
التعديل الأخير تم بواسطة Reemona ; 11-09-2005 الساعة 10:17 AM
10-09-2005, 08:27 PM
ضوابط المشاركة
العرض العادي
