السلام عليكم ورحمته وبركاته

تزوجت من تقريبا 6 شهور. عمري 29 سنه وزوجتي 30 سنه .. بدات بعض المشاكل بيينا في الفتره الاخيره .. عندما سافرت الى الرياض .. حددت لها ايام الزياره 3 ايام .. تروح تحضر ملكت اخوها وتجلس مع اخواتها وترجع .. طبعا كانت غير مقتنعه بالمده .. وتبى تجلس لمدة اسبوع بحكم العزايم وجلسات الحريم .. رفضت الفكره من بدايتها وقلت لها بموعد عودتها .. اللي حصل اننا بالمطار اتشدينا بالكلام ع موضوع الرجعه والمصروف وذهبت للرياض ومااتكلمنا لمدة اسبوع .. يعنى كسرت كلمتي وقعدت طنشتها كل هالفتره لين مارجعت للبيت من حالها بعد محادثات بيني وبين خالتها وهي هديت النفوس .. هي دايما لاتطلبني فلوس بحكم انها كانت موظفه ولكن استقالت من العمل بحكم البعد من سكننا والاستقاله كانت بناء على طلبها .. سككننا موفر فيها جميع سبل الراحه والترفيه .. وكنا ننزل االى جدة نهايه الاسبوع .. وغالبا تنام عند اهلها .. جاتني فتره ماعاد ارتاح الا في بيتي .. ووصرنا نرجع كل اسبوع للبيت بدون المبيت بجدة .. زوجتي جاتها فتره متحمسه للبيت وتهتم فيه .. بعدها طلبت شغاله واخبرتها باني في الوقت الحالي ماعندي استطاعه وحاليا نحن شخصين مانحتاجها .. عند الحمل ابشري !! بعدها بفتره قل حماسها ع البيت رغم اني اساعدها في بعض الامور المنزليه .. كانت دايم التضجر من الاعمال المنزليه .. عاتبتها ع مواقفها وانه هاذا بيتها ولازم تهتم فيه ومملكتها .. تحسن الحال لكن مو مثل اول .. في نفس الوقت كانت دايم النقد معي وبالذات ع موضوع المصروف رغم اني والله تارك لها بطاقه صراف وفيها مبلغ مالي .. يوم من الايام كنا جالسين بالصاله وجاء وقت نومي لان عندي دووام في الصباح .. قلت لها يافلانه انا طالع انام .. تعالي خلينا نسولف شوي لين ننام .. قالت لا انا عندي شغل ابي اكوي ملابسك وبسوي الغداء من الحين وبكره نسخنه في البريك حقكك .. قلت مايخالف .. جلست تكوي ملابسي وتسوي الكبسه ( لي اول مره من يوم زواجنا ) دخلت على الصباح بالفطور وكاسه الشاي ( لي اول مره كذالك ) بدون شعور قلت ماشاءالله ايش الحركات هاذي !! ابتسمت وبدات تتكلم معاي على موضوع ملابسي والاكل وتقول .. لا لا ماينفع خلاص ملابسك ( 5 قمصان) لازم توديها المغسله ( نغسلها بالببيت ونكويها برى ) قلت ماينفع كلها 5 قمصان بسيطه بدات تراددني وتقول ليه ماينفع كل الناس كذا ايش المانع غيرت الموضوع ع الكبسه .. وقالت ايه كمان كبسه لاعاد تقولي ليه 3 ساعات اسويها .. قلت مايخالف اليوم 3 ساعات بكره 2 ساعتين بعدها نص ساعه .. قالت لا لا مره ماينفع .. انا هنا قلت الله يرضى عليك خليني افطر واروح دوامي باقي عليه 10 دقايق .. زعلت ونزلت تمشي وتتكلم وتقول انت ماتقدر اللي اسويه لك .. سكت ورحت لدوامي .. وانا في الدووام تجيني رسائل عالواتس اب منها تعاتب وتقول مو من حقي اني اطبخ وانظف واسوي .. انت اللي مفروض توفر لي سبل الراحه .. ومرسله مقطع لشيخ يحث على هالكلام .. من باب حقوق الزوجه والزوج .. تجاهلت كل هالكلام .. لكن استمرت وكتبت كلام اخر بحكم اني مارجعت للبيت وقت الغداء ( وقتها انسدت نفسسي بصراحه ) ورجعت تقول ليه ماصحيتني وليه ماتقدر تعبي كلام كثيرر .. رجعت للبيت بعد الدوام وكانت نايمه .. تركتها نايمه وقعدت اشرب شاهي قعدت من النوم وجاتني تقول بروح للنادي قلت لها طيب .. رجعت للبيت وانا كنت جدا تعبان ونمت .. قمت الصباح و
طبعا كانت نايمه .. بحكم لخبطه في جدول نومها .. رجعت الدوام وكانت نايمه .. قعدت اشرب عصير بالصاله واشوف التلفزيون .. بعدها طلعت اكلم زميلاي في الدوام .. رجعت البيت ماكانت موجوده عرفت انها بالنادي .. طلعت مشوار داخل السكن ورجعت .. في النفس الوقت هي رجعت للبيت .. اول مادخلت قعدت ترسل لي رسائل عالواتس اب .. مو معقوله البيت فاضي مافي شي .. انا ماعمري عشت هالذل .. حتى فلوس مافي ( رغم اني معطيها بطاقه الصراف وفيها مبلغ مالي ) رجعت البيت وقلت لها ايش الكلام اللي مرسلته لي .. اكبري وعيب اللي تسوينه تراكي مو صغيره .. بدات تراددني بطريقه هجوميه وتقول خلاص انا بروح لبيت اهلي وبكلم اخوي عصبت وطلعت من البيت في نفس الوقت تقول لي ليه نعيش النكد هاذا .. خلاص مهرك يجيك وشبكته بتجيك بس انت بطريق وانا بطريق .. قلت لها مع عصبيتي مع السلامه الباب يفوت جمل ... جدا كلمتها استفزتني بالبدايه .. بعدها طلعت من البيت ونمت عند خويي بنفس السكن .. طبعا في الوقت اللي انا كنت فيه برى البيت .. كلمت اخواتها وامها وترسل لهم صورة الثلاجه وهي منظفه وتقول فاضيه .. طلبعا عرفت هالكلام من بعد مااختها الكبيره كلمت الوالده وتشتكي على .. ورسلت لي اختها الكبيره .. خاف الله في اختي مايصير تسوي فيها كذا ترى اذا مافي احترام في بيت ابوها يصونها وتحصل اكلها وشربها .. لاحضتوا ( رغم بطاقة الصراف معاها ) بس دايم احس انها ماتبي تصرف منها بحكم كرامتي ومااحب احد يصرف على !!!! زوجه ولا صديقه !! في اليوم التالي رحت دوامي ورجعت قابلتني وتقولي خالي جاء عالبيت رحت استقبلته ودخلته للبيت .. وفي النفس الوقت جاء اخوها .. هنا انا كلمت الوالد .. اتكلمنا انا وخالها واخوها والوالد .. وكلموها واتنقشنا في جميع الامور .. حسيت انها فهمت واستوعبت .. اللي حصل بعد نقاشنا كلمني خالها واستذان زوجتي مني يقول ابيها تجي عندي يومين تغير جوى وتشتاقون لبعض وابي اكلمها شوي .. بعد ماخرجوا من البيت بساعه .. اتصلت على الوالده وتقول ام زوجتي اتصلت عليها وتقول انها تشتكي مني وطريقه تعاملها لبنتهم ( مااصرف عليها ومجوعها واني اضربها ) رغم اني مسكت يدينها الثنتين ودقنها فقط في وقت الخصام والمشداه اللي بيني وبينها .. لكن الظاهر ان الصورة وصلت غلط لي اهلها .. وبعد كلام امها .. كلمتني الصباح تقعدني من النوم .. بعدها بساعه ارسلت لي تقول انها تبيني افكر زين وان حياتنا كلها مشاكل .. وهل راح نستمر مع بعض بهاذي الطريقه وان هناك مافي توافق بيئئي ولا اجتماعي .. من بعدها تركتها ولم اكلمها ابدا .. كلمتني اليوم اللي بعده ولم ارد عالجوال ابدا .. واليوم ترسل لي وتقول ابغى ملابسي وانا بكل ماتعنيه الكلمه مطنشش !!

اسباب تفاقم المشكله :
انها ادخلت اهلها واخواتها في جميع الجوانب
خروجها من البيت لكي تكسب خاطر خالها لا زوجها

هل هناك حل لمشكلتي ؟؟

تحياتي ,,,

مكانه الانسب ...

__________________



احيانا يجب ان نفقد ذواتنا كاملة لكي نستعيدها كاملة ...

صراحه على الرغم من كبر سنها الا عقلها صغير ،،انت المفروض لما شفتها تتكلم كذا وانك مجوعها روح لاقرب سوبر ماركت وقضي لها من الى ،،او انك كنت احتويت المشكله ساعتها وقلت لها البسي عبايتك وتعالي نقضي للبيت الموضوع جدا بسيط ...
وذحين حل المشكله مالك الا اطنشها حتقولي ليش حاقولك لانه اول لما كسرت كلمتك وسافرت لمده اسبوع رجعت من حالها حتى الآن خليها تاكل في نفسها الى ان تبدي ندمها على اللي سوتو فيك وقولها انا مستعد ارجعك بس ماارجعك قبل مانحط النقط عالحروف وخليك صارم معاها
دا رأيي والله يكتب لك اللي فيه الخير والصالح

وبالنسبه لبطاقة الصراف عبالها يمكن انه فيه مصروفها الشخصي وغير مسؤوله عن مستلزمات البيت

اللي مخليك مطنش انها خلطت الاوراق امامك

مشاكل بداية الزواج
كلها أمور بسيطة ويمكن حلها
فقط انتبه لـ زوجتك , تعرف مالها وما عليها حتى لا يتفاقم الوضع

حكاية أنا غير مسؤلة عن أكلك وملابسك, يقابله أنك غير مسؤل عن الكماليات والتمشيات وكل ما هو خارج حدود المأكل والمسكن والفراش
ليتني أعرف سبب هذه الثقافة المشوهه التي غزت النساء !!


بما ان الموضوع وصل لأهلها فاجعل بينكم حكم من أهلها عاقل وحكيم يصلح بينكم

لا حول ولا قوة الا بالله
يبدو ان زوجتك تجهل الكثير من الامور في الحياة الزوجية ...
حاليا .. يبدو لي ان موقفك صحيح
كل ما عليك تطنيشها وعدم التفاهم معها
وانما مع من ادخلتهم في مشاكلكم .. اهلها
حبذا تتفاهم مع قريب لها ذا حكمة ونزاهة ...
الله يوفقك ..
ويصلح ما بينكم ...

__________________

تجاهلت كلمها لي في الواتس اب ودخلت عليها بالغرفه وقلت لها يلا قومي خلينا نروح نقضي البيت فاضي .. لكن ردت وتقول انت روح قضي قلت لها وش المقاضي المطلوبه قالت انت ماتعرف خلاص انت روح .. حاولت معاها لكن كانت جدا تعاند وترادد في اللكلام ..

المشكله ان اخوها مسافر لشهر العسل وكلمته من بدايه المشكله بيني وبينها وقال ان بيرجع بعد اسبوع .. وكان جدا منزعج من موقفها وطريقه تعاملها ..

تنويه :
زوجتي واخوها ( يعتبر ولي امرها ) بعد وفاة ابيها .. لا تتفق معاه في الراي ولاتحب ان تسمع منه كثيرا !!!

هل ادخل احد اعمامها الكبار !!!

اصبر و لا تدخل احد وهي من نفسها بتعقل
احسها تتدلع عليك بس