السلام عليكم ورحمة الله و بركاته

مممم من يعرفني من زمان حيقول اففف هالبنت ماتخلص فلسفتها و غلبتها

بس خلص تعودتو علية



بحكي اليوم عن شي بجد شايفاه ثقافة طاغية جدا

وهو اي شي بشكلي لازم اعملو بما يعجب زوجي

وانا شو منفسي مش مهم المهم يعجب زوجي

مثال ::: انا مثلا اجي اغير لون شعري
زوجي مابحب اللون اللي بحبه
يحب لون آخر

طيب عملنا اللون المفضل عنده

خلص كل مرة حروح اعمل نفس اللون مافي غيرو؟؟؟

وهوة يقللي براحتك بس انا مابحب اللون اللي اخترتيه

ولما اسال الي حواليه
يحكولي طيب اعملي اللون اللي بحبه الوحدة بتعمل الي بعجب جوزها

طيب انا بدي لون تاني

لا زوجك مابحبو
حتى بابا قلتلو عالتلفون بقلو خلص قررت اصبغ شعري قللي وانا استغربت السؤال صراحة

وشو راي جوزك هههههههه قلتلو مابحبو

رد بتعجب لالا طيب الوحدة بتعمل زي مبحب جوزها

صراحة سمعت كلام رفعلي ضغطي من كتر مسمعت جملة اعملي الي بحبو مش الي بتحبيه
المهم عملت الي براسي في النهاية
والحمدلله الاراء كانت عكس المتوقع سواء من زوجي او الاخرين

انا بتفهم و مقتنعة طبعا بحسن التبعل والتزين للزوج وهادا واااااااااااجب

بس يعني هية المراة مالهاش نفس تعمل شي هية بتحبو

يعني مطلوب اقضي عمري مااعمل الي نفسي في بشعري ولبسي او او

عشان مابعجب الزوج

الاقي اغلب الي حوالية

تبدي اعجابها بلبسة معينة بس ماتشتري

اسال ليش
تقللي زوجي مابحبها

ماتقص شعرها مع انو تتمنى جدا

ليش زوجها مابحب الا الشعر الطويل

يعني ماشي لازم نعجب زوجنا وكل هالحكي

بس صرت احس انو مجرد متزوجنا لازم تتلاشى اي رغبة ذاتية الا لو كانت ماشي عزوق الافندي

انا مش متمردة ولا عنيدة ابدا

بس مقتنعة انو الزوجة بشر

والحل الوسط موجود

اغلب ماالبسه و افعله بنفسي لازم يعجب زوجي

بس من حقي اعمل شي نفسي فيه وان ماكان من مفضلاته

انا بقول عالاشياء الشكلية ... لانو الافعال امر تاني طبعا

قصدي الطاعة وغيرو

مممممم

مش مفروض الوحدة بتتزوج وبضلها انسان
اله رغبات خاصة و نفس ليعمل شي حلو يتمناه

ولا هوة صك ملكية



ياريت تكونو فهمتوني

صراحة بسمع عن رجال غريبين في هالمجال

محرم تحريم مطلق مالايعجبه في الشكل زوجته تلبسه

يعني مرة هيك ومرات عكيفك شو المشكلة

شو صار بالدنيا لو لبست يوم ستايل ملابس مابتحبو حضرتك

وتاني وتالت ورابع وعاشر لبست عكيفها

يعني صحبتي مرة عملت شعرها لون احمر رجعها تصبغو اسود

طلع بجنن عليها وافضل لون عليها

ويعني ماتوصل لدرجة يرجعها تحرق شعرها كمان مرة بالصبغة

صراحة افكار بتخليني اغلي .... فهمنا الزوج في العين والراس

بس الزوجة بني ادمة

زي مهوة بطلع يعمل شغلات مابتعجب الزوجة وبتسكت عشان بتقول يلا من نفسه

الزوجة مثله



والي حاسسني مزوداها بالفلسفة يقللي

وانتظر الاراء

موضوع عادي يعني مش حموت من القصة بالاخر ههههه بس دردشة

وكل وحدة تقللي تجاربها البائسة بهالمجال

انا عن نفسي ثورية خخخخخخخخ لازم لو نفسي بشي اعملو وزوجي بعلق وبعدين بتركني براحتي
لانو الحمدلله اغلب مااعمله يعجبه ماشاءالله

__________________

اختاري الحل الوسط وخلي شعرك بلونه الطبيعي لا احمر ولا اشقر

بالنسبة لي زوجي بيعطيني رايه ولا مرة فرض علي اسوي شيء مو مقتنعة فيه
زوجك مثل اخوي ممنوع زوجته تقص شعرها لانه يحبه طويل وحتى الصبغ يتدخل باللون
الله يعينكم على نوعية رجالكم

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

لا زوجي الحمدلله سهل بس يبدي رايه و انا حرة
انا بقول عن اغلب نوعية الرجال
شعري قصيته زمان ضد رغبته وعجبه واقتنع و للان بقصه
و الالوان كمان يبدي رايه وبالاخر بعمل اي شي وبعجبه

انا مابقول عنو تحديدا ظلمتي الرجال خخخخخ
بتكلم عن الثقافة السائدة

__________________

انا من رأيي المفروض يكون في حل وسطية بهالامور
وما يفوتوا الزوجين بقصة العناد
مرة تعمل شي بحبه ومرة تعمل شي بتحبو
صحيح انو حلو ستايلها يكون بحبو زوجها بس كمان حلو هيي تحب نفسها
مش تنعجن على الشكل اللي بيفرضه عليها
وفي كمان بيرجع للاسلوب يعني اذا كان فرض بيكون لغى شخصية الزوجة
اما ان كان بأسلوب حلو واختيار الوقت والكلام المناسب ممكن يقنعها وتكون راضية
دايما بالحياة الزوجية حلو ينترك مساحة للشريك
وحلو ابداء الرأي واعطاء وجهة نظر بس مش فرض رأي
انا زوجي بحب لون محدد وحبيت غير اول ما عملته ما عجبو تاني يوم عجبو وبقوة
فالشغلة ممكن تكون مزروعة بالعقل الباطني واي تغيير بيرفضه مع انو بالواقع بيكون حلو ومناسب
الاهم ارضاء النفس وارضاء الزوج بالتفاهم
الله يخليكن لبعض حبيبتي ملك ويجعل حياتكن سعادة وفرح
بالنسبة الي وجهة نظرك صحيحة وانا كنت بعمل متلك لانو ما لازم نحكم عالشي قبل ما نجربه ونشوفه ونتعلم من التجربة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ميمو عجبني رايك لانو متل راييي

الله يسعدك يارب
و لفتني كلامك بعدم تحديد اللون
نسيت هالنقطة وانو احنا بمنتدى فكرت حالي بحكي مع صحباتي

الى المشرفات ارجو حذف تفاصيل اللون الي كاتباه

ماخطر عبالي انو شرح او وصف

بليز الحذف افضل واسلم

__________________

أهلين, طعمة سواليفك يا ملك, لما أقرا لك أتخيلك قدامي متحمسة وتعيدين وتزيدين في الكلام : )

* أوافقك ما ذكرتيه ثقافة سائدة .
*هذي الثقافة تبدأ من المرأة, تستطيع أن تغيرها ( ليست من الثقافات التي تفرض ).

اقتباس:

اغلب ماالبسه و افعله بنفسي لازم يعجب زوجي بس من حقي اعمل شي نفسي فيه

الطبيعي أن أفعل ما أريده أنا وبعض المرات ما يريده زوجي

__________________
{ اللهم صلي وسلم على محمد وآله وصحبه تسليما كثيرا }

الامراة الزكية بتخلي زوجها يشوف اي شي بختارو بشكلا هو الجمال بذاتو .. يعني مافي داعي تسالو شو البس و شو اصبغ شعري و كم كيلو لازمني لاعجبك .. لان الرجال شو الي رح يفهمو بهالامور .. رح يعطيني جواب و بعدو ان ما رديتي عليه رح يزعل باعتبار كسرتي كلامو


فاعملي الي بتحبيه و كلو خليه مفاجاة .. نفسيتك و اعجابك بنفسك رح ينعكس تلقاء ع نفسية زوجك و يشوفك تووب

اففف هالبنت ماتخلص فلسفتها و غلبتها

أنا بطبعي لا أفرض على شريكي أي شيء لأني لا أؤمن بفرض رأيي أو فكرتي على الأخر أياً كان، لكن حلو أن المرأة تسأل زوجها وش يحب علشان مادري وشو.

الزبدة أنا لاتزوجت باحب يكون شعر زوجتي وردي

__________________
ياصبحِ لاتِقبل !!
عط الليل من وقتك..

زوجي ديموقراطي إلا شوي
😊 يعني اقول له خاطري اسوي شعري هاللون يقول لي بكيفج على راحتج..
ولما اسويه يقول لي ليش سويتيه چدي ما احبه
😁 زين ليش تسوي نفسك ديموقراطي!!!

😊 ما ادري تلقائيا ما اقدر اسوي شيء اعرف زوجي ما يحبه... رغم انه فعليا ما يفرض قراره وانما يبديه
😁 الكذب خيبه احيانا يفرضه بطريقة ديموقراطية


ما اعرف بصراحة ليش .. بس على طول احب اسوي اللي هو يحبه .. مو الغاء لشخصيتي
بس ما اقدر اتقبل شيء هو ما يحبه

الشخصيه التقليديه التي لا يهواها التغيير والتجديد ..
غالبا من يرفض ان زوجته تغير وتجدد ..

وقص الشعر او صبغه حاله مؤقته وبإذن الله بيطول وبيرجع
لونه الاصلي ..
فليه التعقيد ..وكأنه تغيير جذري مافيه رجعه ..
وحلو التجربه وطله جديده .

__________________