السلام عليكم ورحمة الله وبركاته

بداية أهنئكم بحلول شهر رمضان المبارك أعاده الله علينا وعليكم باليمن والخير والبركات
وجعله الله شهر عبادة وخير ومحبة وعتق من النار

موضوعي هذا اعتبره عاااااااااااااااااااااااااااااااااااااااجل جداً وأبغي له حل
طبعاً البعض يعرفني واللي ما يعرفني أكيد يعرف زوجتي الغالية (( لمني بشوق ))
الحمد لله الحياة ماشية حلوه وممتازه مع بعض وخاصة في رمضان لنا جو ثاني وكله بفضل الله ونعمته
رمضان هالسنة غير قررت إني أنا اللي أرتب برنامج رمضاني وإن شاء الله أتوفق وأنجح فيه

المشكلة الحين هي إني من فترة ملاحظ على الغالية متضايجة وهي تحاول إنها ما تبين ضيجها لي أو
لإخوانها أو العيال .

سافرنا مع بعض هي وعيالنا وأخوانها وانبسطنا بس هاي مب زوجتي اللي أعرفها حتى لو حاولت
التمثيل ما قدرت تمشيها علي أعرفها من نظرتها وابتسامتها ويمكن ما تصدقوني بس والله إني أحس
بنبضات قلبها من تشوفني أعرف إذا كانت مرتاحة ولا تعبانة متضايجة ولا فرحانة

المهم البارحة يوم كنا نصلي قيام الليل مع بعض خلصنا وأنا متعود إذا شفتها متضايجة أيلس معاها
بعد صلاة الليل وأطلب منها تفضفض لي ومرات تكتفي بالصياح وأحضنها وترتاح

البارحة قلت لها إيلسي ومسكت إيدها كانت متشنجة أو ما أدري بشو أوصف الحالة وسألتها شي في
خاطرج متضايجة من شي ، كان تنفجر من الصياح صاحت صياح والله إنها قطعت قلبي

بعد ما هدأت قالت لي : أنا مب قادرة أنسى أخويه ( الله يرحمه ) كل تفكيري إني يمكن قصرت معاه
في يوم ويمكن كان خايف وايد يوم كان يحتضر وأنا مب موجوده أكيد كان يبيني جنبه

تقول إن هالتفكير بيذبحها وتحس بألم في قلبها يوم تفكر بهالشي .

ما عرفت شو أرد عليها متعود أهديها بس هالمرة اكتفيت بحضنها والقراءة عليها لين أذان الفجر حسيت
إن انهد حيلها من الصياح والتعب

الحين مب عارف شو أسوي وكيف أخفف من ضيجتها هي ربت إخوانها وخواتها مثل عيالها بوفاة
أخوها حست إن ولدها الكبير توفى حبيبتي مؤمنة وعلمتنا كلنا معنى الإيمان القوي بالله والالتزام
لكن هالحالة ترجع لها بين فترة والثانية

أبي اعرف شو بإيدي أسويه لها أعرضها على دكتور نفسي ولا علموني أي كلام أو طريقة أخفف
من حالتها وتفكيرها

وإذا عندكم أي كلمة أو نصيحة لها أرجوكم لا تقصرون معاها تراها تحبكم وتثق في كلامكم

ويزاكم الله كل خير

__________________

زوجتي تحاتي أخوانها وأخواتها وااااااااااااااااااااااااااااااااايد تبي تمسح من ذاكرتهم كل ذكرى حزينة تبي تنسيهم
المرحوم لأنهم يتعبون يوم يتذكرونه تحاول تسعد الكل الكل قالت لي كم مرة ليتني اقدر آخذ هموم الناس كلها
فترة من الفترات منعتها من المنتدى لأنها كانت تتأثر بمشاكل الأخوة والأخوات هني لكن عقبها عرفت إنها
تستانس يوم تقدم لكم المساعدة وتشارككم أفراحكم وأحزانكم فخليتها على راحتها

إذا حد قال قدامها أنا خاطري في الشي الفلاني أو أمنيتي الشي الفلاني ، والله إنها ما ترتاح لين تحقق أمنيته منو
ما كان تعرفه ولا ما تعرفه وهي الله حق لما أسألها شو أمنيتج تقول أشوفكم مستانسين وبس عمرها ما طلبت مني
شي وأنا أنتظر كل هالسنين إنها تأمرني لكن أمنيتي ما تحققت لين الحين .

هذا جانب واحد من شخصية زوجتي للي ما يعرفها .

ممكن تشوفون إن مشكلتي تافهه أو بسيطة لكن صعبة على الواحد لما يشوف اللي يحبه ويعزه متضايج
وتعبان ويعاني ومب قادر يسوي له شي أو يوصل لجرحه ويعالجه

__________________

ما أكذب عليك أخوي ..

إنه الحالة هذه تصيبني دايما ، من يوم وفاة أبوي الله يرحمه ..
دايما ألوم نفسي و أسأل حالي ، يارب أنا قصرته في حقه ؟ ياربي صار الموقف هذا أنا غلطت عليه ؟
ياربي لو كان فيه كنت عملت و عملت و عملت .. إلخ ..

فهذه حالة طبيعية ( صدقني ) و غاليتي لمني بشوق و اللي أحبها من كل قلبي ( صدقيني ) ..
حالة جداً طبيعية ..

.
.

عشان كذا يوم عرفت بمرض أمي الله يرحمها ، و شفتها بالأيام الأخيرة كيف كانت تتعب كثير ..
كنت أحاول استغل الفرص اللي ما عملتها لأبوي الله يرحمه .. و من ربنا كذا سبحان الله ..
قبل لا أمي الله يرحمها تتوفى بثلاث أيام .. بست يدها و أنا خارجة من بيتها و أسألها
( ماما إنت زعلانة مني ؟ ) و كنت أبكي و الدموع زي المطر من عيني و كنت مغطية وجهي لإني خارجة
بس عيوني كانت باينة و أمي طالعت بعيني و شافتني أبكي ( أكيد فهمتني لإنها تفهمني من عيوني )
( فهمت إني أبكي حزن على فراقها ) ..

كانت وصلت للمراحل الأخيرة من المرض و ما تقدر تتكلم ..
و أشرت لي بيدها إنها ماهي زعلانة مني ..
ماعرف كيف ربي ألهمني الساعة هذيك و أسأل أمي السؤال هذا ..

.
.

المهم .. مع كل هذا الشي ..
إلا إني اليوم و أمس و قبله و من دخول شهر رمضان خااااااااااااااااااااصة ..
و أنا أفكر بنفس تفكير لمني بشوق ..

أنا يمكن زعلتها هذاك اليوم ، أنا يمكن أغضبتها بيوم ..
طيب أنا مرات كنت أمزح معاها و أرد عليها بكذا ، أكيد زعلتها .. بس ياربي هي تحبني أرد عليها كذا عشان تضحك .. إلخ من الأسئلة اللي ما تخلص ..

.
.

يعني اللي بأبينه و أوصله ،، إنه حتى لو رجعوا و عاشوا من جديد ..
و عملنا لهم اللي نفسنا نعمله لهم .. و رجعوا ماتوا و فارقونا ..

راح نرجع و نحس بنفس الإحساس ..

.
.

و الله حتى إني يوم أكل أي شي مرات و يعجبني طعمه ، افتكر بسرعة أمي و هي مريضة و ماتقدر تذوق
طعم الأكلة هذه ،، و تنسد نفسي لإني أكون اشتهيتها لأمي الله يرحمها و يغفر لها ..

.
.

بس الحمد لله إنه لنا (رب كبير ) و يحس بنا و عارف بكل هذه الأمور ،، و أعطانا طرق نوصل فيها هدايا لهم ..

كل ما حست لمني بشوق الإحساس هذا ، خليها تتصدق بنفس الوقت لأخوها ..
راح يفرح بها و هو في قبره .. و هي راح تفرح بالشي هذا ..

الأعمال الخيرية ، الدعوات .. كل شي ممكن نوصله لهم بالعمل و بالنية ..

و أنا اكتب الكلام هذا ، ترى كأني بأكتبه لنفسي ..
لإني محتاجة بالفعل لنفس اللي تحتاجه الغالية لمني بشوق ..

.
.

و نفس الشي بيصيبني ، أول ليلة في رمضان صرت بس أبكيييييييييييييييييييييييي بكاء من قلب
و اشهق من البكاء و زوجي حزن علي .. يسألني إيش فيك ؟

بس أقول له ( مادري ، مادري ) ..

اخر شي قلت له ( افتكرت أمي ،، و توي استوعب إنها ماتت و تركتنا ) ..
هو المسكين كمان أكيد تعب مني ههههه ..

:*

بصراحة مقدرت أفكر بأي رد
وأنا أقر كلامك وكلام روح الطير
اتمنى لكم من كل قلبي وأدعي ربي أنه يعوض زوجتك ويعوض روح ويسعدهم
ويحيل كل ألم أصابهم لأجر ومسرات ويفرج كربتهم ووجعهم

:*

__________________

كل عام وانتم بخير أخي .. سلامي وتحياتي للعزيزة لمني بشوق
لن أستطيع أن اضيف شيء على رد الحبيبة روح الطير فهي تتكلم من واقع تعيشه وجرحها قريب لكن خطر ببالي سؤال
اخي .. كان في اقتراح ببناء مسجد أو المساهمة عن روح اخوها .. ماذا جرى على االاقتراح ؟

__________________

السلام عليكم ورحمة الله تعالى وبركاته

أخوي اذا هي حاسة بالتقصير مع أخوها الله يرحمة وهو في حياتة خلها تنفعة وهو في مماتة!! خلها تروح تسويلة ماي سبيل او تطبعلة قرآن وتوزعة بالمساجد ، او تكفله يتيم ، او تطعملة مساكين ، او تبنيلة مسجد في أحد الدول الفقيرة ، او تحفرلة بير !! ترى الميت ماينقطع عملة إذا له أهل صالحين !! خلها تسويلة اي شي يمكن تحس بالراحة.

موفق.

__________________
استغفر الله واتوب إليه

اخي الكريم .....كل عام ونتم بخير واسال الله ان يبارك لكم في حياتكم

مثل مقالت روح الطير .....الموضوع مهو غريب يصيب كثير من الناس

وبقولك كيف صابني وكيف يسر الله لي حل جميل جدا قلب احزاني على من افقد حب وفرح ورضى بقضاء الله

كانت تاتيني حاله مقاربه لدرجه ابكي على امي رحمها الله ...........فانا الوحيد من اخواني واخواتي الي كان بعيد عنها وقت وفاتها المفاجئه
ولم يكن السبب يستاهل واخر مره كلمتها في التلفون ......كنت مشغول عنها .........وطلبتني فلوس احولها لها

ونتظرت الراتب ينزل .......وما تت قبل الراتب ............
كل اماذكرها ابكي ...وندم ....
الى ان يسر الله لي شيخ وصديق وعالم من مشايخ السلف الصادقين ..من الاردن الشقيقه فواساني ....وقال لي كلما حزنت عليها تصدق عنها .....ولو بصددقه بسيطه
وقال لي ....اخترع طرق ...جديده للصدقه البسيطه حتى لو بالكلمه الطيبه ..........ودع الله ان هذا العمل يكون لامك

ومثلي ياخي لا يعلم مثللك فانت من اهل صلاة اليل وقيامه لكن ............اجعل زوجتك تطبق هذا الامر ووالله سينقلب الحال الى حال
وتحس بسعاده ورضى بذكرى اخوها ..........

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

عفوا ....هذا انا مره ثانيه

عندي اقتراح اهبل ............اقترحته على واحد .....واعجب جدا بالفكره وطبقها وسعيد فيها

خل زوجتك توسس موقع على الانتر نت باسم اخوها

صفحه بسيطه جدا وتكتب فيها اسمه وتاريخ وفاته
وتطلب من كل زائر ان يدعو له بالرحمه

ولا تنسى تضع عداد في الصفحه

والله سيسعدها ربي كلما زارة صفحته ورات اعداد الزوار والدعوات له بالرحمه

قد تكون فكرتي هبلى لكن اعذرني فقط متحمس للمشاركه

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

والله تذكرت ابوي ياروح الطير يوم قريت كلامك خلتيني ابكي ماقدرت امسك نفسي تدري انا فيني نفس الحاله ابوي مات في رمضان السنه اللي فاتت وانا مو مصدقه من هذاك اليوم وانا اقول هو مسافر وبيرجع لانه ماكان مريض ولاشي وشفته هذاك اليوم بالليل وكان يقولي ودي اروح مكه اسوي عمره قلنا له ان شاء الله ورحت لبيتي وهو الفجر مات لكن كلامكم ريحني شوي الحين وبتصدق له وبدعيله ربي يغفر له ويصبرنا يارب

والله ماعندي فكرة معينة
بس الله يخفف عنها يارب
خليك وياها دايما احضنها وخفف عنها وامسح على شعرها
تصدقوا عن اخوها او عمل خير بإسمه عشان ينشرح صدرها وبترتاح أكثر

موفقين والله يسعدكم

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو