السلام عليكم
ماكنت مقتنعة بالسير
لكن اضطريت لان رياضتي لازم اسوي كارديو ساعه باليوم
بالمناسبة معلومة على الطاير
يمدحون الركض على الريق بعد الاستيقاظ لمدة ساعه للتنحيف
او نص ساعه ، و نص ساعة في وقت ثاني
المشكلة اني من ثالث دقيقة امل و ماتجي 10 دقايق الا و طفشانه
لازم تمشين دقيقة و تركضين دقيقتين عشان تحرقين اكثر 😭وهذا اصعب مافي الموضوع ☹😩
ابي خلطة تصبرني و تقضي على الملل 😥😬

لما تركضين دقيقتين و تمشين دقيقة وحدة
راح تصير نبضات القلب بين انخفاض و ارتفاع و هذا اللي يزيد معدل الحرق و الله اعلم
لما تتمرنين على الريق ( كارديو فقط) يقولون يحرق من دهون الجسم هالنقطة عليها اختلاف

انا اشتركت في صاله رياضيه
بس ماقدر اروح الصبح اروح مساء
جهاز سير مفيد جدا بس حسيته سبب لي ترهل ^^
امكن انا استعجلت احكم وكذلك انا ما التزم بجدول غذائي
واذا كنتي قصدك مليتي من السير اقترح لك تحطي سماعات
تسمعي اذاعه او اي شي تحبيه ... موفقه^^
ما نحب الرياضه بس النفسيه لازم تتريض شوي عشان تتعدل

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

انا قريت ان التمارين الهوائية مثل السير تسبب ترهل بعد مدة
فيجب ان تبدأيها مع حمل الاثقال
ايضا لازم تاكلين نظام غذائي متوازن ولا تجوعين نفسك
عشان الترهل

يبي لي اسمع قصة تحمس بس مثل ايش

ليش ما تسمعي اذاعه ؟؟ او اناشيد ^^ واذا ما تسمعي اناشيد حطي سورة البقره او ادعيه واذكار وامشي 15 دقيقه في اليوم وبعدها زيدي

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

احس ملل اسمع اناشيد مكررة ،، لازم شي يقضي الوقت
عشان نستمر
ماعرف احد شخصيا مستمر دايما
الا الاجانب 😅

طيب يا اختي حقولك
لما اشتريت الجهاز اول الامر كنت مداومة عليه
لكن مع الوقت وضيق الوقت لم اعد كالسابق


ومن بعدها دخلته الصالة و صرت اقابل التلفاز ومشى الحال
والان صار علاقة ملابس زوجي انزعهم وهو يردهم ويقول نستفيد منه او ابيعه وانا اقول ما تبيعه انه لي مو لك


جربت كل شي رياضة في قاعة في البيت لم اجد كالمشي في الهواء الطلق
يا رب سهل وارجع

ضعي لك برنامج يومي وتقيدي به
مثلا بعد ارسالك اولادك للمدرسة امشي على حسب مقدرتك وزيدي الوقت بالتدريج
وقوي ارادتك

انا رياضي من عام 2007 واقولكم على حسب خبرتي.. وراح اجاوب على الاخت الي قالت يسبب ترهلات وايش سبب الترهلات .

1- الملل من الاجهزة المنزلية لا بد منه !!! ما ينفع لحالك الا مع احد معك يعني لو سيرين ومعك زوجك !! واعرف ان هذا من المستحيلات!!

طريقة اخرى هو شراء دراجة هوائية عادية طبعا عارف انو لا يمكنك قيادة الدراجة الهوائية في الشارع لأنك انثى !! لكن يمكنك قيادتها بالبيت باستخدام جهاز التدريب المنزلي ! bicycle home trainer

اشتري دراجة عادية رخيصة . واشتري هوم ترينر عادي سعره يجي حول 1000 ريال . دوري على النوع الذكي الي يربط على الجوال.


لأنو فيه برامج على الجوال تصير في فيديو انتي على دراجة وصاحباتك الي عندهم مثلك تقدرون تجتمعون على البرنامج وتشوفون بعض وتتمرنو وتسابقون بعض وكذا . بس كل وحدة في بيتها . ابحثي عن حاجة اسمها zwift group riding باليوتيوب وهذول الي تشوفينهم كل واحد في بيته !!

طبعا حاجة مثل كذا اعرف صعبة ومكلفة لكن لو تحسبين سعر السير العالي الجودة كم سعره! وكم سعر دراجة كويسة مستعملة مع جهاز التدريب المنزلي! تلاقين نفسها !


بالنسبة الى الترهلات !


الترهلات هو الجلد الزائد الي يبقى بعد النحف ! طبعا الدهون تكون ممدة الجلد وبعد ذهاب الدهون تبقى الترهلات !

بالنسبة للترهلات هل تروح او لا ! هذا يعتمد على مؤشر كتلة الجسم ..BMI وحدة كان المؤشر حقها 40 واقل ممكن تروح بسهول بدون مشاكل !

لكن وحدة المؤشر حقها فوق 60 مثلا ما يروح لازم لها جراحة !


طبعا الطريقة الي تروح فيها الترهلات هي بناء العضلات عشان تشد الجلد . يعني مثلا الجلد على البطن المترهل . لو تكبر عضلات الصدر راح تشد الجلد ومع تكبير عضلات البطن راح تخف الترهلات وقد تختفي .


والجلد الزائد الي يكون خلف الذراع عند عضلة التراي. لو تكبر عضلة الباي راح تشد الجلد بالتلي يروح الترهل ! وهذا هي ..

هذي الطريقة الي تروح فيها الترهلات . الاثقال ما تشد الجلد ! انما تكبير العضلات هو الي يشد الجلد ! اضافة الى انو النظام الغذائي مهم عشان تكبير العضلات . بدون نظام عالي البروتين العضلات ماراح تكبر . خصوصا لذلك وجب الانتباه للي يلعب تمارين اوزان مع تمارين تخفيف الوزن .

الافضل هو اخبار مختص غذائي عن نظام التمرين الي تتبعه وهو الي يعطيك ايش تاكل .

تدرين هو لو على المشي كان ارحم
يعني مشكلتي لازم ركض سريع ثم اهدي 😑 وهكذا لمدة نصف ساعه
دقيقة الركض تمر علي كأنها ساعه😂😂