السلام عليكم بصراحه مدري كيف ببدي مالكم بالطويله انا الان متخرجه من الجامعه وصادقت معلمتي درستني ف ثالث ثانوي تعرفون معلمات الاهليه حبوبات وصغار ولي معهاا الان 4 سنوات وزياده فهالفتره احسها شاينه نفسها علي لين ارسلت وش عندك وبس مو تسولف ولمن اقول سولفي تقول ماعندي مع العلم اني والله ماقصرت تركت التدريس وكملت ماجستير واساعدها ببحوثها حتى لمن كنت بالمدرسه اساعدها فبرامج للمصلى ومقاطع صوت وفديو للدرس النموذجي انا من طبعي خدومه بزياده ولمن تخرجت من الماجستير سويت لها حفله كلفتني 3000 تتخيلون ! جابتوهديتها كام يعني مقدرتها اعز تقدير اعتبرها اخت مو صديقه واقولها ابي حفله تخرج تقول اذا كنت متوظفه ابشري واذا ماتوظفت لا هي ماقصرت تخرجت من الثانوي واهدتني بصراحه انا انقههرت ولمن اسولف او اقول شي تقولي شاطره بزر انا ؟؟ او ان قلت شي قالت ع تبن ولا تبيييييني اقول لها شي ابد يعني اغلط مع انها تمون علي لكن مو لهدرجه عاد احيانا تكون مرسله وانا نايمه او مشغوله تتنقل بين البرامج تبيني ارد عليها مرات اقول هي تحبني وتعزني ومرات لا عجججججزت افهم لها ولمن اقولها تعتبريني صديقه قريبه وتحبيني تقول الله اعلم !!!! كيييف اعرف ان لي معزه او اسحب نفسي لاني ماعرفت لها مره تبيني وتدورني ومره تقول لجيتي راسي ولمن تكون عند اهلها ماتفككر ترسل واعذرها لاهيه لكن لما انا انشغل وارد بعد ربع نصف ساعه تتزعل تقول بدري واقولها السبب تقول ايه طيب علموووني الله يجزاكم الجنه كييف اعرف بمعزتها لي لاتقولون فعل لان مره كذا ومره كذا مثل ماقلت ولما اسأل تقول الله اعلم او مدري خلاص ازعجتيني انا مو قصدي ازعاج والله العظييييييم مو قصدي بس ابي اعرف مكانتي عندها هي بمثابه اخت كبيره لي مشرفه مصلى سابقا وكم مره رحت لها البيت اسلم عليها تكفوووون علموني كيف اعرف
اعتذر طولت بالكلام من الحيره الي فيني ، الله يسعدكم ويجزاكم الجنه انا طبعي كتومه ماحب اتكلم كاتمه هالشي من زمان وطحت ف هالمنتدى ❤

اول حاجه هدي لاتشدين اعصابك وروقي وكل مشكله بتلاقين لها الف حل
انتي لاتقعدين تناظرين لها بنظره سلبيه لان كل ماكان كل شي بحياتك سلبي او تفكيرك سلبي تجذبينه لك ويسير وذا يسمونه قانون الجذب بعلم النفس .. خليك ايجابيه حاولي حتى لو انك مجروحه عشان تجذبين الشي الايجابي لك
وكما قال الرسول صلِ الله عليه وسلم ( تفائلوا بالخير تجدوه ) خليك متفأله وريحي اعصابك وهدي واستغفري واقري قران عشان لممن تفكرين تفكرين بطريقه سليممه وصحيحه

وثاني حاجه ترى تصير بين الصديقات كذا عادي ياما نزعل ونتضايق ومدري ايش وبالنهايه نرجع لبعض خصوصاً اذا كانت مبنيه على نيه زينه يعني لله .. يمكن هيه عندها ضغط بحياتها وانتي ترسلين لها كثير وتكلمينها ترى مو شرط يكون انها ماتحبك الا تحبك مافي صديقات مايحبون بعض

انتي حاولي تخففين رسايل ويعني تحاولين تشغلين نفسك واذا بتحاسبك على انو ماتردين عليها بسرعه عادي ارسلي لها انا اليوم راح اكون مشغوله يعني اذا قدرت ارد عليك برد عليك عادي خليك صريحه وقوليها مو مشكله

ويمكن لانها درستك تشوفك صغيره .. معن انا عندي صديقات اصغر مني باربع سنوات وبالعكس يازين صداقتنا بعد
بس انتي اسبقي الاحداث اسبقي بالشي اللي هي بتسويه يعني بتحاسبك انك مارديتي قولي لها مثل ماقلت لك تسوين وان شاء الله تتعدل اموركم
هي تحبك لانك صديقتها .. انتي روقي وهدي والله يسعدكم وتتصلح اموركم يارب

ياحبي لقلبك بعد والله مدررري اشك عشان كذا سألتكم كيف بعرف احسها متغيره وماتعطيني وجه تسولف معقوووله فوق سنه ماعندها سواليف !

الاعندها سواليف بس يمكن يكون نظرتها اكبر منك او سوالفها اكبر منك كسناً
وانتي تسولفين بمواضيع بعممرك ربما كذا
بس عطيها فرصه او ابعدي شويه مو ببعد ببعد لا ابعدي شوي عطيها مساحه بحياتها
وانتي اكيد عندك صديقات غيرها اشغلي نفسك فيهم اعطي كل صديقه حقها كصديقه

وعليكم السلام ورحمة الله وبركاته ...
أختي الكريمة سؤالي ماهدفك من هذه الصداقة وماذا تريدي أنت منها ؟!
وفقك الله .

ابي منها مثل ماانا اعطي لاني اشوف العكس وهذا الي حيرني وخلاني احس انها ماتعزني مثل معزتي لها

هل هي متزوجة??

آرى أنك متعلقة بها كثيررا

__________________

ايه متزوجه وهي من اقرب الصديقات وتو قبل شوي عطيتها بالوجه تحبيني تقول لا !
يعني انشغل ترسل ولما ماارد تروح برنامج ثاني ترسل ابدي ارسل تقول لجيتيني قلق وو للمعلوميه هي زوجه ثانيه يعني ايام تكون فاضيه عجججزت افهم لها مره متقبلتني ومره لا

انتي تصووووري انها قالت لي الله ياخذك لمن حطيت !!! قالت ازعلي خييير
وهي لمن انقالت لها هالكلمه من اقرب الاشخاص صارت تبكي قلت لها احساسي نفس احساسك لمن انقالت لك وزعلت تخييلوا هي لمن انقالت لها صارت تبكي اجل انا وش موقفي !! مافول الا حسبي الله ونعم الوكيل عليها مو مخليه عليها قاصر حتى السلف اذا تبي اوفر عن نفسي ومااشتري لي واعطيها وهذا ردها .........................................

السلام عليكم ورحمة الله وبركاته ...
لاحول ولا قوة إلا بالله ، لما الدعاء عليها بهذه الصورة ياأختي الكريمة ؟!
هداك الله ، أنت تفتقدين مفهوم الصداقة الحقيقية ، ربما تمر بظروف بما إنها متزوجة لا تسرعين الحكم عالبشر ، كما ذكرت أوراق الحبيبة أنت متعلقة بها وهذا واضح من طريقة أسلوبك في الحديث ..
ماالذي يجعلك متمسكة بها وكم عمرك وعمرها ؟!
وفقك الله ..