السلام عليكم ............
عندي مشكله واتمنى انكم تعطوني ارائكم الهادفه والشكر الجزيل مسبقا
كنت انا وزوجي قاعدين عند التلفزيون نشوف برنامج اطفال علشان بنتي الصغيره المهم كان البرنامج عباره عن فصل مدرسي فيه طلاب ومدرسه وكانت المدرسه ملقيه ظهرها للشاشه ولابسه بنطلون ضيق ولونه فاتح يعني كل المعالم واضحه للمشاهد ......المهم قاعده أراقب عيون زوجي وش يشوف لاحظته انه مركز بالمؤخره حقة المدرسه وهو بيسوي نفسه مو مركز قالي هذ ما تعرف تتكلم انجليزي زين ..قلت طيب ..وبعدين يوم خلص البرنامج قال لي زوجي من باب المزاح بس تعالي ألعب ب.....طبعا قصده مؤخرتي ...عاد انا انفجرت
قلت ايه قاعد تشوف المدرسه..ما شلت عينك منها مركز وبشده بعد ........ضحك وقال وش ذا الكلام كبري عقلك قلتله طيب احلف انك ما ركزت عليها قال لن احلف قلتله شفت اني صادقه .....قال قاعده تراقبيني خلاص مره ثانيه ابحط حاجز على عيوني وهو يضحك..ولا ماراح اشوف التلفزيون معك .........قلت ايه علشان تاخذ راحتك في القزقزه بالحريم ...
......عاد قلتله اتق الله في بصرك قالي اي تعرفين تنصحين للي يصلحلك بس ....انصحي نفسك.......الزوجه ما تحجر زوجها بكل شئ ولا تكدر عيشته عاد صار بيننا نقاش حاد شوي ......
المهم ياأخواني وشرايكم بتصرفي وبكلام زوجي وتصرفه ايضا مع العلم اني ما قصرت في حقه بشئ في لبسي او عطري او اي شئ ثاني بس كذا بعض الرجال عيونهم غايزه لبره ......عاد هذا بعض مراقبتي لزوجي ولا فيه اماكن ثانيه اراقب عيونه وش يشوف بس هو ذكي راسه ما يتحرك بس عيونه اللي غايزه يمين ولا يسار بس احاول لفت انتباه بشئ ثاني ولا التلفزيون مليان من الحريم وش اسوي بس ما اقول الا الشكوي لله .........الله يغض ابصار ازواجنا عن الحرام ...........
ساعدوني ابضل اراقب زوجي وما اقدر ابطل هذي العاده انا غيوره مررررررررره وش اسوي
انتظر ردودكم ومساعدتكم ............اختكم الغيرانه وحيده ...................
__________________
لا إله إلا الله ....محمد رسول الله
استغفر الله وأتوب اليه