بداية ارحب بكل من يقرأ كلامى
انا متزوجة منذ 5 شهور لميكن بينى وبين زوجى اى معرفة فترة الخطوبة كانت 3 شهور لكن كان فية شعور متبادل اثناء شهور الخطوبة بعد الزواج بشهر تغير الوضع تماما لا يوجد اى مشاعر متبادلة ولا مواضيع مشتركة ولا معانى الحب اللى بنسمع عنها فى الافلام والروايات صحيح المعاملة مابينا عادية لا يوجد مشاكل لكن هو بعيد عنى جدا لدرجة انى احيانا كتيرة بانساة ومش باعمل حسابة فى اى حاجة تخصنى لان ظروف شغلة تجبرة انى اشوفة 10 ايام فى الشهر بس ولما بيبقى موجود مش باحس بتغيير كبير حتى لو حاولنا نسافر ونعمل تغيير بيبقى الوضع زى ماهو بالظبط فى البيت كأننا بش غيرنا المكان لكن الوضع زى ماهو مافيش اى تغيير مش عارفة اعمل اية خايفة انى افضل على الحال دة كتير مش لاقية اى حاجة اعملها فى وقت فراغى حاسة ان ممكن يحصل لى حاجة لو فضل الوضع على ماهو علية كدة انا حاسة انى لو جبت طفل انى هانسى الحياة الزوجية نهائى ومش هافتكر اى حاجة غير ابنى وبس نفسى حد يقولى اى نصيحة اعملها علشان اغير من حياتى شوية

زوجة حائرة

السلام عليكم ورحمة الله
اختى ان شاء الله ربنا يسعدك ويقرب زوجك ليكى
حاولى ان تستعينى بالله وتتقربى الى الله بالدعاء وان شاء الله سيفرج عنك ما انت فيه
وبعدين لازم انتى تعملى اى تغيير او تجديد
يعنى مثلا غيرى فى شكل البيت شويه اصنعى لمسات جميله زهور ومعطرات وشموع خلى زوجك يحس بفرق
وغيرى من شكلك لبس يكون لذيذ وميك اب وكمان اعملى اكلات مميزه يعنى هيأى كل حاجه
على فكره ممكن تدخلى على مفضلة المتزوجين فى المنتدى فيها افكار واقتراحات ممكن تساعدك
والله الموفق

__________________
اللهم رضنى بقضائك وبارك لى فيما قدرحتى لا أحب تعجيل ما أخرت ولا تأخير ما عجلت

والله يا اختي مش عارفة شو اقولك .. بس لازم بالاول تعرفي السبب الى خلاكي تحسي بهالاحساس من ناحية زوجك وانك بتنسي تعملي حسابه .. لان مش معقوله البعد بس الى خلاكي تحسي كدة اكيد في سبب تاني .. يمكن بعد المسافة العاطفية بينكم ودة مش سبب مقنع بصراحة .. لان مش ضروري اى زوجين لازم يحبو بعض قبل الزواج عشان حياتهم تبقى سعيدة بعد الزواج .. بالعكس كتير من الناس حياتهم تبقى كلها حب ومودة بالرغم ان لم يكن بينهم اى سابق معرفة قبل الزواج واتجوزو زواج تقليدي ..
فكري بالسبب الى ادى الى دخول الروتين والملل الى حياتكم الزوجية .. ولما تعرفي السبب وقتها بتدوري عل الحب المناسب .. وصدقيني الحل بين ايديكي انتي .. انتي بتقدري بنفسك تخلي حياتك سعيدة او مملة .. انتي بتقدري من نفسك انك تعيشي في سعادة وحب مع زوجك او العكس .. صدقيني كل شي بايدك لان لما انتي تقررري من داخلك انك هتخلي حياتك كلها مرح وحب وسعادة يبقى هتعملي كدة .. بس محتاج منك حب الذات اولا والثقة بالنفس
اذا زوجك بعيد عنك فدا مش سبب في الى انتي فيه .. انتي ممكن العشر ايام الى حتقضيه مع زوجك تخليه احلى عشر ايام تقدري تخلي زوجك يشتاق ويتلهف يرجع بسرعة .. وتخلي كمان انتي متلهفة لعودة زوجك عشان تقضو وقت حلو وايام حلوة مع بعض ..
الحاجات الحلوة والايام الحلوة مش بتيجي لوحدها لحد عندك .. انتي عايزة كل حاجة تبقى حلوة لوحدها ؟؟؟؟ لازم انتي تعملي حاجة فكري وخططي شوفي هتعملي ايه وايه الى يسعدك وايه الى يسعد زوجك ... انتي معندكيش مشكلة اساسية انتي مجرد مش عارفة ازاى تقضي حياتك بالشكل الى يسعدك وازاى تحسي بالسعادة مع زوجك .. دا المشكلة الاساسية عندك وبراي دي مش مشكلة اصلا لان حلها بسيط وبين ايديكي .. ياستي مثلا لو عايزة تحسي بالسعادة مع زوجك شوفي زوجك شو الى يحب وشو الى ما يحب عامليه بالحب دايما وكانكم بتحبو بعض ولسة مش متجوزين عامليه كانه حبيبك وخاصة انه بعيد عنك هذه فرصة انه يخلق بينكم مشاعر قوية وتشتاقون لبعض لما تكونو بعاد عن بعض خليه يشتاق لكي .. اعمليله مفاجاة كل مرة لما يرجع مثلا تعملي ليلة رومانسية او تعملو برنامج للمدة الى هيبقى جوزك معاكي خططي لكل حاجة للخروجات والفسح والليالي الرومانسية والحب والكلام الحلو متضيعوش ولا ثانية فبالتالي تحسي انك انسانة تانية وكل مرة جددي وغيري من نفسك اهتمي بنفسك حبي نفسك عشان جوزك يحبك اكتر .. واذا انتي مش عارفة تعملي ايه في الايام الى زوجك هيبقى غايب عنك .. مثلا خصصي وقت للقراية او المطالعة مثلا الكتب الثقافية او الى تتعلق بالحياة الزوجية او اى حاجة تسليكي لوقت معين .. او مثلا اعملي رياضة واهتمي برشاقتك وجمالك وكوني متجددة لشكلك دايما وابهري زوجك لما يشوفك .. غيري ستايل لبسك وشعرك او مكياجك . مارسي هواياتك حبي الحياة وحبي نفسك لان بالطريقة دي تقدري تكوني سعيدة وتكوني محبوبة من قبل زوجك ايضا .. متخليش يبقى عندك وقت تقعدي تفكري تعملي ايه وتفكري بالملل والروتين انتي بس قرري من جواكي انك لازم تخلي حياتك سعيدة ومبهجة يبقى هتعملي وهتقدري وهتشوفي .. احنا بنعيش مرة واحدة خسارة تضيعي دقيقة من عمرك هباءا فهمتيني ؟؟
اسفة على الاطالة بس حبيت اقولك رايي وعن تجربة شخصية واتمنالك كل التوفيق السعادة