السلام عليكم ورحمة الله وبركاته

اخواني واخواتي بهذا الصرح العظيم بصراحه لي مده وانا اقرى بهالمنتدى بس زايره اليوم قررت اسجل واشارككم بمشكله صغنونه لاخوي وزوجته وياريت الاقي عندكم الحل لاني استفدت كثير من حلولكم لبعض المشاكل في حياتي اليوميه
اول شئ اخوي كانت له قصه حب مع بنت تعرف عليها بالتلفون وحب يدخل البيت من بابه ورحنا انا وامي كون اني اخته الكبيره وخطبنا له البنت بس اهلها رفضوا كون ان وظيفته ماهي قياديه هم يبون لبنتهم مدير او مسؤؤل المهم ماعلينا منهم الله يستر عليهم

بعد مارفضوه وباءت كل محاولاته بالفشل عشان يتزوجها تعبت نفسياته كثير وقرر انه يكمل حياته عزوبي

بس طبعن هذا الحل مرفووض من امي وابوي وماخلوه هو فكر يسافر برى بس امي الله يعافيها نشبت بحلقه قالت له سفرني لماليزيا وراح وسفرها ورجع وكان يبي يسافر اوربا لحاله بس امي طبعن وضعت له الكلبشات بيديه وقامت تزززززن عليه عشان يتزوج لأنها خايفه عليه من الحرام واللي حصل كان البنات انقرضوا من قدامنا على حضه خخخخ ماعاد لقينا اي بنت عزوبيه عشان نخطبها له وسمعت امي من الحريم عن حرمه خطابه وكانت شوره مهببه على قولت المصريين المهم جابت لنا كذا بنت وماصلح ويوما ما دقت على امي وقالت لها لقيت طلبكم ووصفت البنت لامي واسم عايلتهم وان البنت عمرها 24 سنه واهلها طيبيين وراحت امي وشافت البنت واهلها وانهبلت من طيبتهم والبنت حليوه وفرحت امي :14:
واخذنا منهم موعد عشان نجي نخطب رسمي ورحت انا وامي وشفت البنت واخواتها وطقينا حنك سوالف وضحك طبعن انا نسيت اننا جايين نخطب والناس عسسسسسسسسل كاني اعرفهم من زمااااااااان طلعنا للسياره وبشرناه وفرح مرررررررررره وخطبناها له رسمي وتم كل شئ بسلام بس بدت الامور تتغير بعكس مابدت لنا من البدايه البنت امها تقول عمرها 24 سنه واتضح ان عمرها 27 سنه يعني اكبر من العريس بسنه وقالت امي مابنكسر قلب البنت سنه ماتفرق عادي ومشيناها الشئ الثاني الملكه قالوا بنسويها بقاعه وعزمت امي 30 حرمه وبالاخر طلعت الملكه ببيتهم وانحرجت امي ترجع معازيمها وحشرونا بالصطح مع ان
1- ابوها واخوانها مقتدرين ماديا
2- امي عرضت عليهم بعد ماهونوا عن القاعه ان امي تتحمل القاعه لانها عزمت 30 حرمه
ورفضوا خواتها واحرجونا مع الناس وقلنا معليش الفرحه موب بالمكان الفرحه بالقلب وانحشرنا بالحر والضيق ولا قلنا شئ لكن اللي ماينسكت عنه اخواتها اللي تطاولوا على ضيوفنا بالفاظ لا اخلاقيه
وتعدت وحده من اخواتها على خالتي بالدفع دفتها من مدخل الباب وتعورت خالتي بكوع يدها على كالون الباب وسكتنا ووقت العشاء ينادون للعشى يلا يلا عشاء اخلصوا قبل لا يبرد الاكل حسسونا ان الناس جايين ياكلون وطفوا واحد من المكيفات ومتنا حرررررر وسكتنا وعديناها وبعد كل هالصبر تكلموا علينا عند اخوي وقالوا له اهلك همج >>>ماكله معاي هالكلمه من يومها وربي
المهم اخر شئ اليوم اخوي يشتكي منها يقول انه متضايق منها لان كل ماقال لها شئ بخصوص ترتيبات العرس تقوله بشوف ومن بعدين تجي تقول له اختي فلانه تقول حط العرس في قاعه الفلاني واختي علانه تقول انت تشتري لي الفستان وكلمها وفهمها ان هو يبي رايها هي موب ارائهم هم صارت مشاكل بينهم كثيره بسبب اخواتها وهي الله يهديها تسمع لهم وهو اليوم يقول ماوده يخسر البنت بسبب خواتها
ويقول ان كل ماقال لها اقتراح يلاقي من بكره اخوانها داقين عليه يتناقشون معاه بخصوص الموضوع نفسه

عاد انا قلت اجي هنا اسرد لكم القصه واشوف وش تشورون عليه عشان اقوله الله يوفقكم بنتظركم مابنام لين تردون

الف شكر لكم

القسم المناسبــ ،،،
الاشراف ؛

اهلا اختي الكريمة في اول موضوع لك في المنتدى..

كيف البنت شخصيتها ضعيفة؟ وما لها رأئ؟
وايش كان ردها وردة فعلها لما فهمها انه يبغى الجواب منها مو من اهلها؟
وما حاول يفهمها انها ما تنقل اي اقتراح يقول لها لأهلها؟

__________________

وما من كاتب إلا سيبلى .... ويبقي الدهر ما كتبت يداه
فلا تكتب بكفك غير شيئ.... يسرك في القيامة أن تراه

السلام عليكم ...

بقولها بصراحة من هالنقطة اللي مضايقته ..

وبناء على ردها وبناء على ما يراه من تغير أو عدم تغير في الأيام القادمة عليه أن يتخذ قرار جازم ..
إما بالاستمرار أو الانفصال ...

لأن تدخل الأهل اذا سوى مشكلة في فترة الملكة فتخيلي وش بيسوي في فترة الزواج ..

والله يقدم لكم اللي في الخيروالصالح ،،

شكرن ام داليا بردانه ماعرفت انقي القسم المناسب >>>عاش مصرف

عاقله البنت شخصيتها قويه وهي كبيره موب صغيره بس تسمع لكلام خواتها

لما قالها يبي رايها هي قالت هذا رايي مو عاجبك قالها لا مو عاجبني ابي رايك انتي من دون محد يمليكي سكرت الخط
معليش طولت عشان كنت اساله على مارد علي

والله إذا كذا من اولها خليه يفكر كثير قبل إتمام الزواج.
طيب ايش الحسنات او المميزات يلي فيها؟ كيف دينها ؟

__________________

وما من كاتب إلا سيبلى .... ويبقي الدهر ما كتبت يداه
فلا تكتب بكفك غير شيئ.... يسرك في القيامة أن تراه

والله البنت حبوبه وطيبه وتتصل علينا في المناسبات وترسل رسايل من فتره وفتره

اما عن دينها مااعرف انا ماعاشرتها بس شكلها دينه لان ماقد شفتها لابسه شئ معرى حتى لبس ملكتها محتشم

يقول لها ,, بعد أن يناقشها,, وينبّهها :

(أنا الآن آخذ رأيك أنتِ ,, فإن أدخلتي رأي أحد ,, فيما يخصّنا ,, فسأُقرّر ,, وأُنفّذ ,, بدون علمك ,, وهذا ليس في صالحك) ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

مرورك رائع اخوي تعاندني اشكرك على ردك واطريك على ردودك الاخرى لاني كنت وبأمانه استفيد من رأيك دوما

وفقك الله