انتي كبرتي الموضوع
واذا بشرته
دام انتي نفس الشي تتواصلي مع العملاء وبوقت متاخر
كلمه ابشرك نجحت مافيها شي
وش بتكتب يعني
اريد اخبارك انني نجحت
وهو لو عنده شي
كان ما قال لك وعلمك واستفز غيرتك
كان يمزح معك
بصراحه اذا كان لابد تزعلي فهو التواصل المتاخر
انا مستحيل اتواصل مع الزملاء في وقت متاخر
لكن اذا عادي عندك وزعلك كلمه ابشرك نجحت فانتي حتما مكبره الموضوع
خلي البنت لاتكلميها
اصلا وش سوت هي
كذا غصب طيب تخلقين فجوه وعدم ثقه بينك وبين زوجك
الله يهديك بس

يا اختي هذا اول زواجنا قال كذا .. و مرتين منعني وتركته عشانه وترجيته ارجع له لانه مو بكيفي و مو عشاني .. و وافق و صرت ما اشتغل الا وقت يكون طالع واذا كانوا يكلموني واتس وكذا اوريه عادي لانه يطل او يسئلني مع منو تتكلمين اقوله يعني ما اخبي .. ولما يبي شي بجوالي يسئلني كم الباسوورد واعطيه .. ما اقول عطني انا افتحه لك .. ليش ؟ لأني واثقه من نفسي و واثقه وش في بجوالي و بحدود علاقاتي معهم
انا كل مره ازعل ارسل له ملخص او جرايد واعبر لييين اقول بس .. وهالمره اتوقع كان متوقع ومتأكد انه يصحى من النوم ويلقى كلام مني او تلميحات بسناب .. بس ما ارسلت ولاااا شي .
انا تاركه باب التواصل مفتوح .. بس ماراح ابدأ .. وبالنسبه للي بدا ما ادري يمكن هي كتبت بشرني وبعدها قال وانتي بشري .. انا ماني غبيه وعارفه انها قالت كذا لان كلهم بهالمجال وكانوا يعرفون انه اختبارات وكذا طبيعي .. وهالاسلوب عندي لان شغلي بمجال التصميم والاعلان .. لما اصمم شي اعلاني اسئل صاحبه ها بشر نجح طبعته وش صار و جا تفاعل و والخ .. بس انا اللي زعلني قول ابلكك ولا ابلكهااا هالجمله جلطتنيييي وانه بوقت متأخر

ههههههههههه لاتواخذني ع الضحك بسس زوجي اكثر شخص شبعان عاطفيا .. دايم ابين له و دايم اتغزل فيه و دايم اقوله اغار عليك و مرات بالصدفه يفتح سناب يلقى اهداء له و دايم اهتم فيه والخ .. ويمكن هذي غلطتي ان بينت له حبي له .. وفعلا هو كل فترة يسوي شي يثير غيرتي
انا ما اتواصل بوقت متأخر وحتى لو لقيت منهم مسجات ما ارد الا الصبح .. ما انكر ان قبل اتزوج كنت اتواصل بأي وقت بس من تزوجت حطيت حدود ..

ههههههههههه لاتواخذني ع الضحك بسس زوجي اكثر شخص شبعان عاطفيا .. دايم ابين له و دايم اتغزل فيه و دايم اقوله اغار عليك و مرات بالصدفه يفتح سناب يلقى اهداء له و دايم اهتم فيه والخ .. ويمكن هذي غلطتي ان بينت له حبي له .. وفعلا هو كل فترة يسوي شي يثير غيرتي

سيدتي الكريمة

الله يديم ظحكتك ان شاء الله

في حال ضمانك لعدم احتياجة العاطفي فعليكي بعدم الانفعال في حال ما اقدم على مثل هذي الافعال المثيرة للغيرتك حينها سيتوقف عن اللجوء لمثل هذة الوسيلة وسيشعر بانه يقوم بعمل مراهق غير مجدي.

الله يوفقكم

بحاول اسيطر على انفعالي قد ما اقدر .. شكرا لنصائحك

الله يعينك حبيبتي

__________________
اللهم احفظ لي بنتي فهي فرحة عمري وضحكة سنيني ..

بس حبيبتي هاي هي الحقيقة

ليش مابدك تسمعي منا هالتبرير؟ لانك عارفة انه صحيح بس من كثر القهر حابة تركبي على هالكلمة وتتمسكي بها لتبرير تضخيمك للموقف..

والا كوني صادقة مع نفسك، لو ماقال هالكلمة بالذات، وغاضك بالكلام الاخر وين كنتي راح توصلي؟ كيف كان راح ينتهي الموضوع قولي الصدق..

كنتي راح تتمي زعلانة وأصلا كبرتيها يوم طلبتي يحط بلوك وهو ماكان حينفذ طلبك .. فلما رد عليك بهالكلمة خلاص جاتك الفرصة عشان تكبريها عالآخر..

لكن غلطتي جدا، لازم لما تصعدي موقف تدرسيها صح حتى ما تتفشلي..


عموما الان ما يصلح ترجعي من نفسك.. اذا كلمك حاولي تقبلي اعتذاره او اي تبرير بيحطه اقبليه مع نبرة حزينة ودمعتين (من غير تكشير وعصبية) عشان ينتهي الموضوع بسرعة والا فهو ممكن يعاند اكثر لانك غلطانة بطلوعك من البيت وبضلي بهالورطة ويصير موقفك ضعيف..

وانتبهيييي ترسليلها بتصيري اضحوكة..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

يختي انا انقهرت ع كثير امور بس هالشي فعلا قهرني حسيت انها اغلى مني وفار دمي وماقدرت اصبر ..

انا اعتبر طلعتي من البيت خطوه جريئه اول مره اقدم عليها ..

لان من تزوجت ماتزاعلنا زعل كبير الا مرتين وهذي الثالثه .. وبالمرتين كنت عند اهلي وكنا نتواصل وبعدها اقوله ببقى عندهم و والخ بس اول مره اطلع انا وخاصه انه وااااااثق ان ماراح اروح .. لان مره صارت مشكله بسبب واحد من اخوانه الصغار ولسبب تافه .. و اخوه هذا داايم يسبب لي مشاكل ... المهم اخر مره زوجي غلط علي قدامهم مع ان اغلبهم صغار بس مايصلح و زعلت من تصرفه لان بدوووون سبب يسوى .. المهم قمت الم اغراضي وقال خوذي كل شي لاتخلين شي .. و لميت كل اغراضي وهو راح للجامعه وكان عنده اختبار .. وانا بعد ماروقت وقبل الاختبار ب ثلث ساعه ارسلت له ماني مجنونه اترك البيت لسبب مثل هذا ولان احبك و والخ .. لما جا كان فرحان وقال انه كان خايف اكون رحت وقال لو كنتي رحتي كان ندمتي ووالخ .. وهالمره السبب حرق قلبي وقلت اروح ورحت مع ان كان متأكد ان بخاف ومابروح لان الوقت متأخر الساعه 1 بالليل .. و اهلي بيتهم مسافه شوي وفيه بيننا وبينهم برااااحه او مدري وش تسمونها .. و يجون كلاب بالليل دايم صوتهم يخوفني وهو عارف .. وهالمره رحت وكنت شايله همهم هههههههه بس استودعت نفسي الله انا وبنتي ومشيت والحمدلله حماي كان تحت بس تعديته ومشيت ولما وصلت للمكان هذاك لحقني مشي و اخذ بنتي وركبني معه وجلس يهاوشني كيف تطلعين بهالوقت ومشي والجو برد و السيارات ماشيه وهناك مكان مقطوع > البراحه < قلت بقلبي الله جابك .. و وصلني .. و زوجي الحين وااااثق ومتأكد انه يرجع للبيت ويلقاني او يلقى شي متحرك من مكانه لان اغراضنا هناك بس مارحت اجيبهم .. ابيه يحس بغلطته ويجرب الحياه بدوني لان اوول مره اروح و اول مره ما ارسل له شي و اول مره ما ارسل له

مرحباً أختي

لازلت أنصحك أن تعودي لبيتك ولا تعاندي أكثر وتقولين أنا ما بتواصل معاه وخليه يعرف غلطته وما أدري إيش من الأفكار إللي بتحوم في راسك

أنا كرجل أقولك خرجتك من البيت على سبب مثل هذا أعتبره تافه حتى لو كان عظيم عندك .. وكان بإمكانك أن تقولي ما توقعت منك هذا الكلام وأني رخيصة عندك لدرجة تبلكني ولا تبلك البنت .. لكن أن يصل الأمر إلى أن تخرجي بنص الليل ومشي معناها كبير عند أي رجل وما راح يسامح بسهولة على هذا الأمر

وعلى فكرة
أعرف نساء متزوجات أكثر من 25 سنة ومهما زعلوا من أزواجهم ما عمرهم قالوا بنروح بيت أهلنا أو نطقوا بكلمة طلاق أو غيرها

وفي المقابل هناك نساء متزوجات لم يتجاوزن سنة .. وقد رددو كلمة طلقني أو بروح بيت أهلي على كل مشكلة وزعل .


والله أعلم

والله صعب تحس باللي حسيت فيه .. اعترف اني غلطت بالطلعه بس ماندمت بالعكس عشان مايعيد هالحركه ويستفزني ومايفضل وحده علي