(زوجي يرفض استمرار علاقتنا)
انا متزوجه من سنه بالظبط بقالي 6 شهور اعده عند اهلي بسبب مشكله حصلت بسبب والد جوزي جه هزأني في بيتي وانا مردتش عليه كلمه غلط ..ومن وقتها هو مسابنيش انا وجوزي مرتاحين كان بيسلطوا وتحصل بينا مشاكل وانا حقول علي عيبي ومشكلتي اني كنت في المشاكل مع جوزي بتعصب وصوتي يعلي ومش بحس بكلامي هو طبعا ابل ما ابوه يجي البيت كان صابر علي اني اتغير لكن بعدها بقوا بيسلطوه عليا بس انا والله دلوقتي اتغيرت المشكله اني بعد اما رحت اعد عند اهلي باسبوعين بعت قال انا حطلق خلاص من غير اي حلول تانيه محاولش يصلح اصلا ولا حاول يكلمني من ساعة ما اعدت عند اهلي ولا يوسط حد حتي...وانا اللي،حصل من نحيتي عمتي وجوزها وصاحب والدي وانا كلمته بعد اما قال حطلق بايام مردش عليا وهو قالي اللي بيني وبينك علي الورق بس،في رساله وعمي كلم ابوه وكلمته في رمضان قلتله نرجع وانا عارفه المشكله بتاعة الصوت العالي والعصبيه خلاص،مش حكررها تاني ومحدش من اهالينا يتدخل بينا ..قالي اجي اخدك من تحت البيت وانا قلتله بابا حينزل يسلم عليك تحت قالي لا خلاص ده عرض وخلص دلوقتي ابوكي يجيبك لحد البيت ومرضتش اروح بالاهانه ديه طبعا ...وبعدت فتره كنا بعد رمضان بعدها بعت مع الوسيط يقول،انا خلاص حجزت معاد في السفاره عشان الطلاق لاننا عيشين في بلد غير بلدنا وكان بيساوم علي شبكتي وفلوس العفش ووالدي وصله انه هو مفيش له حق في الحجات ديه وبعدها الوسيط اللي من نحيته حس ان فيه ظلم في الموضوع وقال ان المشكله مش عند جوزي النشكله في ابوه وعرض علي بابا يتصل يراضيه وبابا وافق وراح الوسيط غاب اسبوع وبعدها رد قال لا هما موقفهم نهائي عايزين يطلقوا ...بعدها واحد مع جوزي بالشغل يعرف،واحد صاحب والدي وكان عايز يتدخل للصلح واعدوا وهو قالهم انه مصمم ع الطلاق بس،عايز يقول الاسباب وقعد يحكي مواقف تافهه وبتتعصب عليا ومعرفش ايه بعدها وقال انه نازل يقضي العيد مع اهله وحيطلق خلاص تاني يوم انا كلمته يجي يعد معايا في مكان شغلي نتكلم وبعد ضغط مني جه الغريب انه كان فرحان عشان شافني واحنا اعدين وانا قلتله ان مشكلة العصبيه خلاص انتهت وهو قالي انتي كويسه في كل حاجه الا وقت المشاكل وبعدين اعد يقول انه مكانش المفروض المشكله تكبر كده وقالي انه ندمان وقالي انه حيسافر ولما يرجع بعد العيد حيكون فكر واخد قرار علي الرغم انه طريقته بينت ان خلاص المشكله حتتحل سافر وبعتلي رساله اول ما وصل بعدها قطع كلام 3ايام بعت اطمن عليه مردش وعرفت بعدها انه كلم صاحبه وقاله انه بيحدد معاد مع مأذون عشان يطلق وبعدها رجع من السفر قال لا اصله في عراقيل منعته انه يطلق غيابي بس،هو مصمم علي الطلاق ونسي انه اعد معايا وانا في الغيد بعت قلتله كل سنه وانت طيب مردش عليا....انا نفسي اعرف ايه الانسان ده انا كرهت الدنيا واتبهدلت انا بقالي 6 شهور في البعدله ديه يعلم ربنا ان مشكلتي الوحيده اني لما كنت بتخانق معاه كتت بتعصب وممكن مش بخس بكلامي وكنت لسه معنديش خبره وفي بداية الجواز ومرت علينا نشاكل وظروف كتيره من اول الجواز وكمان ظروف تربيتي كانت صعبه وشوفت في حياتي مشاكل كتير بس والله بشهادته اني كويسه في كل حاجه وكمان انا كتير قلتله اني خلاص اتغيرت ووسطت ناس كتير اوي وهو كل اللي عليه انا حطلق حطلق .. حسبي الله ونعم الوكيل انا نفسيتي اتدمرت ما شوفت يوم كويس من 6 شهور وهو بيتسلي،بيا ده انا لو عملت ايه كان زمان الموضوع عدي...ثقتي في نفسي اتهزت وحسيت اني بقيت ولا حاجه اعمل ايه ..انا اسفه ع الاطاله

(تم التعديل علا العنوان)

ياريت تردوا عليا والله مخنوقه جدا

طيب لنت عايزة ايه بالضبط؟ ترجعي لزوجك، او تسترجعي كرامتك،

انا عملت كل حاجه ممكنه عشان ارجع وخصوصا ان المشكله مش كبيره اوي بس هو زي ما يكون بينتقم مني هو واهله...انا عايزه نصيحه ده يتعمل معاه ايه ..انا بقالي 6 شهور في الوضع ده يعني ده انا حتي لو غلطت كان زمان الفتره اللي فاتت صلحت كل حاجه

مكانه الانسب

__________________



احيانا يجب ان نفقد ذواتنا كاملة لكي نستعيدها كاملة ...

اختي الفاضلة


هل شخصية زوجك قوية ام ضعيفة ؟

مامدى تاثير مشكلتك مع والده على وضعك الحالي ؟

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

الله يصلح الحال ويفرج همك

مافهمته أنك خرجت برغبتك من بيتك
ولم يخرجك أحد .. هل هذا صحيح?

السلام عليكم ورحمة الله وبركاته. .
أختي الكريمة كم عمر زوجك وأنت؟!
اكتبي سبب المشاكل بينكما بهدوؤ بعد أن تتوضأي على شكل نقاط؟!
ماهي محاولات الصلح التي فعلتيها ؟!
ماهو موقف أهلك من هذه المشاكل ؟!
وهل لديك بيت مستقل ؟!
وهل يوجد لدى أهل زوجك من يخاف الله وحكيم ؟!
هل أنت حامل أم لا ؟!
فرج الله همك من حيث لاتحتسب ..

مشكلة والده انا مغلطش في والده نهائي بس هما كبروا الموضوع جدا اني اشتكيت علي الرغم ان محدش غلط فيهم