ماادري وشلون ابدأ لان موضوووعي جدا صعببببببب وارجو من الله ثم منكم مواساتي او الدعاء لي بأن الله يفرجها الصراحه اني تزوجت وفي نفس ليلة الزواج يوم رحنا للشقه قالت انا مو مرتاحه معك ودني بيت اهلي وقعدت تصيح كانت الساعه 2 تقريبا انا الصراحه حسيت بشعور مااقدر اوصفلكم اياه اول مره احس فيه احس ان ودي اقوم من الحلم لكن هيهات فهي حقيقه انا تملكت تقريبا شهرين كنت جدا رومنسي معها كل اللي تبيه حققت لها حتى هي تقول انت ماقصرت معي بشي بس ان لي مده احس بعدم الراحه يعني من مدة ثلاث اسابيع قبل العرس انا ماقدرت اتصرف جاء ابوها واخذها ولاادري وش يبي يصير معي الصراحه اني ودي اصيح انا حبيت البنت لكن الشكوى لله هل ممكن ترجع وترتاح جاوبوني تراي محترق

لا عليك يا أخي كابون
التقلبات شيء طبيعي
وكثيراً ما تحصل مثل هذه الحالات في بداية الزواج
قد تكون زوجتك مصابة بشيء من الحسد , فلا تستعجل , أو تكون ما اعتادت على فراق بيت أهلها.
أعرف كثيراً وكثيراً جداً مثل حالتك
لكن اصبر وانتظر حتى تهدأ الأمور
ولا تشغل بالك بكثير تفكير ووساوس
ما دام إنك غير مقصر معها وهي مقدرة هذا الشيء فلماذا الخوف
اصبر وانتظر
والفرج قريب بإذن الله
وأرى ألا تكثر من الاتصال بها كل وقت حتى لا تنزعج منك

__________________
[IMG][/IMG]

طيب انت ماشفت تصرفاتها وياك خلال فترة الملكة ؟
كنت اتقابلها في بيتهم ؟
اتكلمها في التلفون كثير؟
هل اتحس انها اتجاملك ؟
ام خجلانه منك ؟

يمكن البنت تكون خايفة من ليلة الدخلة ..وكانت اتصيح..
انت حسيت انها ماتبغيك قبل الزواج ؟

__________________

وشلون البنت معاك فترة الملكة هل كانت جريئة وتتجاوب مع رومانسيتك وإلا خجولة وخايفة !

أههههههههههه يا كوبون قلبت المواجع

حالتي مثل حالتك يالحبيب الله يفرجها علي وعليك وعلى جميع المسلمين

أنصحك إنت وزوجتك بقراءة سورة البقرة..
صدقني مجربة......
أقرأوها بخشوع..
الله يجمع بينكم على خير..

عيت ترجع امها صاحت وهي عيت ترجع تقول ماارتحت لك تقول انت ماقصرت سامحن وحللن لكن ماارتحت الصراحه احس بجمره في صدري تصدقون بالملكه تقولي بخليك اسعد رجال لكن صار العكس اتعس رجال....

__________________
الفضاوة إما تصنع مبدع أو مريض

او يمكن يااخووووووي نفس قويه وعين صابتها حاولوا تقرون عليهاااااااا
ناس كثير يصير فيهم كذا
ربي يكتبلكم الخير وين ماكان ويفرج همكم يارب

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك