الســـلام عليكم ...
أختي الغاليـــه الدر المكنـــون ... أحب أقولج قبل كل شي ...
عسى الله ايهنيكم ويجمع بينكم بالخير
ان شاء الله ...
وشي حلو انج اتفكرين بأفكـــار تسعدين ابها زوجج ...
عندي لج كم فكره .. و أتمنــى ايعيبونج ...
أولا .... شو رايج في وقت فراغكم تحفظون القرآن ويا بعض ..
وتسوون اختبار في التجــويد والتلاوه ... يعني كل واحد فيكم يقرى بصوت عالي ويرتل وشوفوا منوا يضبط الأحكام أكثر .. منها تكسبون أجر ومنها تتعلمون وتقضون وقتكم بشي مفيد ...
ثانيــا ... ممكن مثلا اتنزلون ألعاب على الكمبيوتر وتلعبون ويا بعض .. والله شي خبال ..
..
ثــالثا .. اتيبون أدوات خياطه ..مثلا خرز وفصوص وتتبرعين بقميص عادي عندج واتطرزونه .. والله هالشي أنا شخصيا سويته ويا ريلي وعيبته الفكره وسار اشترى ماكينه خياطه وقام ايخيط حقي ..يا حظي والله ...بس ها طبعا يعتمد على شخصيه ريلج ...
رابعا .. بامكانج تشترين قطع رخيصه و ورود صناعيه أو أحجار أو شرايط حلوه واتزينين مثلا زباله الغرفه ... أو البراويز أو التحف أو .... أو أي شي ...
خامسا .. ممكن تاخذون ألعاب يدويه مثل الورقه والمونوبولي و الأونو و الشطرنج و..غيرها
بس ديري بالج لا ايــغش ...
سادســا .. ممكن اتييبون لوح كرتون كبيره اشوي وألوان مائيه او زيتيه وترسمون عليها ..
وكل وااااااحد ايطلع فنــه ...
ســـابعا ... امممم ... اصبري علي اشوي .....؟
أيــــوه ...حاولوا تطلعون على منتزه أو حدائق أو حتى على الكورنيش أو البحر أو البر ..
العبــوا شرات اليهال وجمعوا أصداف ومحار ولا تنسون الكاميرا ...
هذا كل الي خطر على بالي وانشاء الله لو مرت على بالي فكره حلوه بقولج اياها
وان شاء الله بس اتعيبج أفكاري ...
تقبلـي تحيــاتي ..
بثــينه ...
أختي الكريمة:
برجاء الانتباه لتعلميات الكتابة في المنتدى ، حيث يمنع وضع روابط خارجية لمواقع أو منتديات