طلعت من الاربعين ورجعت بيتي
وزوجي من وقتها تغير من ناحيه الاعتماد على نفسه
يطبخ لنفسه.. يكوي ملابسه.. يرتب اغراضه
يعني تعود يعمل كل شي بنفسه
اوكي شي حلو
ماعدا الطبخ!! صار كل يوم يطبخ
وحتى اذا طبخت ماياكل من طبخي
فجأة صار مايحب المكرونه ولا صواني!!
وصار يحب يشوي ويشوح اللحم والدجاج بنفسه
واذا قلت له خليني اعملها بطريقتك يرفض
يقول لا روحي انا بطبخ الاكل
زمان كان يطبخ بالويك اند اذا رحت لاهلي
وكان يجيني من الدوام ملهوف ويسألني ايش طابخه
وكنت احب يستطعم من طبخي لاني احب الطبخ
حتى ملاحظاته كانت تعجبني واهتم فيها

اليوم مثلا طبخت مكرونه زي ماهو يحبها
جاء وطلع لحم من الثلاجة وقال بيطبخ له!!
انا بداخلي قررت خلاص ما اعمل حسابه
بطبخ لي ولبنتي وبس
حرام الاكل دايم ينرمي لانه ماصار يحب ياكل من يدي


ولمحت له بشي زي كذا
وانفعل وقال احمدي ربك وجاب لي طاري ناس نعرفهم
الرجال هو اللي يطبخ وزوجته ماتدخل المطبخ
قلت له هذي يسمونها (رفله)
وانا سنعه.. واحب يكون لي قيمه ببيتي
والحمدلله طبخي حلو بشهاده الكل
حتى هو كان يموووووت بطبخاتي
الحين طايح لي بموال: نفس الرجال بالطبخ غير!!

والطامه انه كان ينتقد المرأه اللي ماتدخل المطبخ
ويتتكلم عن واحد يعرفه تزوج على زوجته لانها مقصره ولاتطبخ له

طيب انا اقصاني من المطبخ غصبا عني
وبعدين يعني
احس وجودي بالبيت صار زي عدمه
واعرف نوعيه زوجي
بكرا لو صار خلاف بينا بيذلني انه يطبخ
وبيقول مو كافي اني اطبخ لنفسي!!

والطامه الكبرى
اذا طبخ يغير مكان البهارات
والفرن يعلق فيه الاكل
والمطبخ يتكركب
وينقع القدور ليوم ويومين.. مايغسلها بنفس الوقت
وهالشي يقرفني
زمان كنت ما انام الا مطبخي يلمع من النظافه
الحين زوجي يتسلل احيانا اخر الليل ويطبخ له
وصاير كلامه عن تفاصيل الطبخ
كأني جالسه مع وحده مو واحد
انا شخصيا ما احب هالشي

اكثر شي كنت احبه بزوجي لهفته على الاكل اللي من يدي
اتمنى فهمتوني

(تم تعديل العنوان ليتناسب مع المضمون)


مستجدات الرد(97)

http://66n.com/forums/showpost.php?p...9&postcount=97

خليه يطبخ
ويعيش حياته
تراها فتره ويمل ويرجع لطبخك

ما اتوقع يا مبتعثه
الوضع جالس يزيد
اول ماتزوجته ماكان يعرف يسلق بيضه
وانا تعلمت كل الطبخات عشانه
لكن من فتره تعرف على واحد يحب الطبخ
وصار فجأه يعشق المطبخ
قلت براحته
لكن لمارجعت من الاربعين لقيت الموضوع زاد عن حده
لدرجة قال لي يبغى يسوي له مطبخ لحاله
زي صديقه
قلت له لا كذا كثيييير!!
قال امزح معك!!

ده مش وضع طبيعى ..
معنى انه يرفض يعتمد عليكى تفسيره مش فى صالحك .
اتمنى تكون فتره ويرجع .
نعم يحق لكى ان تزعلى كما يحق لك ان تفهمى ..

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

عطيه جوه، وامدحي طبخه، وقولي له اذا حاب اساعدك علمني
مصيره بيرجع يبيك تطبخين له
والله ياحنا اخذين مقلب بانفسنا ان نفس الطبخ حقنا ماله مثيل هههههه هع
بس تبين الصدز والله يابعض الشباب طباخ بشكل رهيب

ذكرتيني بطليقتي ماتعرف من الطبخ إلا أسمه، وماغير أنا بالمطبخ مسنتر أكثر منها ، رفلة مع مرتبة الشرف.
بس الحلو أنكم كلكم تطبخون ماشاء الله عليكم

.....................................

__________________
ياصبحِ لاتِقبل !!
عط الليل من وقتك..

ياليت ياعم رؤوف توضح اكثر
مافهمت ردك كويس
واحس عندك كلام مهم تبغى تقوله

بالمناسبة، حاولي أنكِ ماتدققين بالأحداث الصغيرة اللي تحدث بالبيت
أنتي عارفة زوجك وخابصته وخبز يدك
لذلك تعرفي مهما طاح له بشغله أنه مصيره يروح عنها ويستمر على خطه الطبيعي
احيانا ينزل فوق أو يطلع تحت حسب المود، لكنه بالنهاية سيعود إلى سكته وشخصيته وطبيعته
لذلك لابد أن يكون عقلك كبير وحكمتك أكبر
وأنتم يالنساء بحكم تجاربكم معنا ومع حماقتنا اللي ماتنتهي اكتسبتم الكثير من الخبرة والتجربة والحكمة الشيء الكثير مما يؤهلكم لقيادة دول وليس عائلة فقط

لاشك أنكم في جهاد عظيم، وأعتقد أنكم ستدخلون الجنة بسبب الجنس الخشن وعقليته الفذة
الله مير ياجركم

__________________
ياصبحِ لاتِقبل !!
عط الليل من وقتك..

فيه كثير رجال طباخين يتفننو بالطبخ ويحبو هما يطبخو خليه يشبع غريزته . بحكم تجربته للمطبخ راح يعرف تعبك ويقدرك اكثر من اللي ازواجهم ما يدخلو المطبخ ويحصلو اكلهم جاههز وما يعرفون مشاكل المطبخ يحكمو انه الحرمة ما معاها شغل غير المطبخ والبيت فيصتصغروه ويقللو من تعب المراة. اكيد اصعب شي في المطبخ غسل الصحون وهو بيعرف ذلك مشان كذا اذا بدا يمن عليكي انه يطبخ يجي دورك تمني عليه بغسل الصحون . بالعكس هذي نقطة حلوة وما يحتاج تطبخي اكتفي باكله للبيت واعطيه الثقة لان الرجال يحب يسمع المدح والاحترام. وفلوها

للامانه طبخه اقل من عادي.. مايعجبني
واذا اكلت تتعب معدتي
كمية بهارات كبيره جدا جدا
المشكله هو ماخذ مقلب بنفسه
لان اصحابه يمدحووووونه ومطيرينه بالعالي
وهو صدق نفسه
وصار يحس انه احسن طباخ بالدنيا
وانا مؤمنه ان المطبخ مملكه المرأه
حركاته هذي تستفزني
هو جالس يوصل لي مسج اني مالي اهميه بالبيت
ما ادري يقصد او ما يقصد
لكن الوضع مستفز
وصعب اغصبه ياكل من يدي

معليش و الله كنت متضايقه بس موضوعك ضحكني الله يسعدكم و يخليكم لبعضكم

ليش بس زعلانه ... و الله زوجك فله ماشاء الله
خلك انت مع البيبي وهو يحضر لك الاكل و نبهيه يقصر البهارات شوي

__________________
ي رب رضاك و الجنة