السلام عليكم ورحمة الله
بختصر موضوعي
انا وزوجي مشاكل في مشاكل ... منذ بداية زواجي
حتى ايام شهر العسل كان يتهمني بأني مغصوبه عليه ويقولي وش فيك زعلانه؟؟ وكان يحدث مشكله من لا شئ ...

وايضا مع اني شرطت عليه السكن المستقل الا انه بعد الزواج فجائنا بالسكن مع اهلة... ( امه واخواته) ... ورضيت بالامر الواقع واعتبرتهن خواتي وامه امي ...

ولاكن شفت سوء المعامله من اول مادخلت البيت استغربت وقلت عادي يمكن طبعهم كذا... عدت الايام وتمادو علي واهانوني ويتكلمون فين امام كل الناس حتى كرهوني عمامهم وخالاتهم وكل من حولهم ....

احس بنار بداخلي وزوجي كان يقف معهم ويحرضونه علي ليش زوجتك وليش زوجتك وياتي الي ويبدأ يلومني ويتهمني باني ماتربيت و و و

من اول ماتزوجته كان يسهر ماياتي الا الساعه 8 الصباح واحيانا اكثر وانا انتظره طول الليل تكلمت معاه بود وبكل الطرق ومافيه فايده وبعد ثلاث شهور من زواجي داخل علي ابكي من القهر ماحس اني عروووس كنت متضايقه ولما شافني ابكي بدا يلومني ويقول انتي مغصوبه وعلي واسمعي الشهر الجاي اذا ماطلعتي حامل بجدعك بيت اهلك...

وغير اهلة الي يكيدون لي لدرجه وحده من خواته لما كنت حامل جرت الكرسي من تحتي وانا كنت بجلس عليه ...
ويسبوني قدام زوجي واشياء كثيره لا استطيع ذكرها ...


المهم انا جبت منه بنتين وطلعت بشقة بناء على رغبة خواته لان البيت بيت خواته... وفرحت وقلت لعلا حالي يتغيير وارتاح ..
ولاكن وحتى بعد ماطلعت بشقه شرهم لاحقني ..
يفرون راسة (ليش زوجتك ماتطبخ... وليش كل يوم تروح اهلها.. وزوجتك ماتراعي حقوقك و....اشياء كثيييييييير)..

وهو يصدقهن ويجي يتمشكل معي ويهينن بكلامه.. في بداية الامر لما اشتكي لاهلي كانو اهلي يضعون اللوم كله علي..!!!
عشان لايزيدون المشاكل .. وامي وابوي ياقفون ضدي ويقولون لازم المره تصبر...لين جبت بنتين..

اهله مايحبوني حاولت بكل الطرق من دون فائده....
قلت لعلا اذا اهله حبوني يتغير والله يهديه لي...
صارحت امه وكلمتها وقلت لها.. ايش فيك وايش الي يرضيك وليش زعلانه علي وانتي في مقام امي ووووو الى اخره..

تعرفون وش ردت..!!! قالت انتي الغلط من فوق لتحت وانتي قليلت ادب ولا تحترميين ولا تقدرين لا كبير ولا صغييير وووو...
قلت لها .. انا عاملتك احسن من معاملت بناتك لك قالت تحلميين تصيرين مثل بناتي الحمدلله بناتي مافيه احد مثلهن بالدنيا .. انتي احشمي اولدي ولاتطولين السانك عليه...

سكرت التليفون وانا منهاره مقهور انا بحياتي ماتكلمت على طفل اواذيته عشان اقل ادبي ..
المهم اهلي عارفييين ان زوجي واهله غلطانين لاكن مايحبون المشاكل وصارو يقولون لي لاتدخليننا بحياتك!!!

زوجي يوميا يتمشكل معي يومياً. .
استغرب اذا مر يوم بدون مشكله ويتمشكل على اي شي مثلا ليش ماتسلمين .. واحيانا ليش تناظرين لي كذا واحيانا انتي مغروره ومتكبره ...

صارحته عطيته كل مايبي ماقصرت عليه بشي احترمت اهله رغم انهم مايحترموني احاول البي له رغبته قد ما اقدر صارحته وقلت له ابيك تحترمني بس ...

ومافي فايده .. كم مره يحط يديه في رقبتي ياحاول يذبحني وكم مره يلوي يدي بقوه وكم مره يبصق في وجهي..
وهو قبل كذا كان يقولي انا يضيق صدري لما ادخل الشقه ولا استطيع اسوق السياره اشعر بخوف وتاتيني وساوس ... قلت له خل نروح لشخ نقرأ قال لا ابغا اروروخ دكتور نفسي وراح ورحت معاه واعطاه الدكتور ادويه...
ومرت ايام اروح معاه للمدرسه بقريه بعيده تقريبا 200 كيلو ومعاي البنات ونجلس بالسياره تحت الشمس لين يخلص دوامه ونرجع....

ملني عارفه هو مريض او فيه عين او فيه سحر اعوذ بالله ولاحول ولا قوة الا بالله. ..
انا مللت حياتي زوجي مقصر معاي كثييير كثييير من زواجي تعبت احاول معاه واهلي تدخلو كذا مره ولا بدون فايده
شعوري ناحيته كره ماحبه ولا فيه مجال للحب ...
حتى حقي في الفراش مقصر يمر شهر شهرين وثلاث لا يقرب مني واذ صارحته يتهرب ويضع اللوم علي ويقول اتني ماتعطين مجال ...
وقال اريد انتي ان تاتين وتقولين ابي كذا!!!!!
وفعلت والله مالقيت منه غير انه يتعذر ويقول انا تعبان وماقدر وووو!!!!!
انا في حيره.. اصبحت لا اشتاق ولا احبه اصلا ومن الاساس و اهلي دايما يقولون لي اصبري عشان هالبنتيين
بس انا افكر بالطلاق حتى اهلي حسو بهذا الشي مني وبدأو يقفون معي ضده وهو يتصل على اهلي ليشكي لهم مني
ووقفو معي ضده ونصحوه وينصحونني ..


ولاكن نفسي ماعاد تطيقه اكرهه والله الشاهد...
اشعر بانه حتى وان تغيير للاحسن لايهمني أبداً.
ولا اريد منه شيء. ..
ابوي وعدني انه يفهمه وينصحه ...
مع اني ماقلت لأهلي اريد الطلاق ولاكن بينت لهم هذا الشي

نصيحتكم لي انا بامس الحاجة لكم...
نصيحتكم ارجوكم هل اطلب الطلاق وارتاح ؟
ولا انا باول وحده ولا اخر وحده والرزق على الله
وان صبرت الى متى الى متى ... انا لي 7 سنوات معاه
مايمر اسبوع الا مسافر ويتركني عند اهلي..
و يسافر بخواته ويرفض ذهابي معهم وذلك لطلب خواته!!!
انا اشعر بالمرض معاه تعبتت معاه ياناس...
تعبت انتظره سنين وشهور لين تبلد احساسي


تعبت من البكاء دعوت الله كثيراً والله مايضيع تعب يارب
دعوته الخيره ان كان الطلاق خيرا لي ان ييسره ويكتبه لي..
....
انتظر الردود على احر من الجمر ...

السلامُ عليكُم ,,

أُختي الكريمة ,,

أعتَذِر عن قَساوَةِ الردِ ,,

زَوجُكِ لو يَعرِف إنَّ خَلفكِ رِجال ما مَدّ يَدَهُ عليكِ ,, ولا بَصقَ في وجهِك ,,

أخبري أباكِ وإخوتِك بِضربهِ وبَصقِهِ ,, وإهانتهُ لَكِ ,,

ودعي الأمرَ للرجالِ ,,

يا يمسَك بِمعروف ,, أو يُفارِق بِمعروف ,,

ولا يَتعذر بالعينِ أو الحسدِ أو السحرِ ,, وإن تَعذر يَذهب يتعالج ثُم يأتي لكِ ولبناتِك ,,

والجلسَةُ التي تصيرُ بين أباكِ وإخوتَكِ وبينَ زوجُكِ قوموا بِتسجيلِها ( فيديو ) وهو لا يَعلم ,, لأّنّهُ سيُقِرُّ فيها بإهانتكِ وضربكِ والبصقَ عليكِ ,, واحتِمال يتَعذَّرُ بالعينِ والحسد ,, والسحر والمرض النفسي ,, وكُلُّها ستكونُ في صالِحكم حال وصل الأمر للمحاكِمِ ,,

أعانَكِ الله ,,

__________________

سلم الحان..
الله يجزاك خير الجزاء على ردك واعطائي رائيك...
اهلي عندهم علم بمد يده لاكن اهلي يخافون كلام الناس و يحاولون تهدئت الامور فقط ...
وينصحونه وكلموه كثيير ... الله يصلح الحال يارب..

الله يرزقك ماتتمنى يارب ويحقق لك امانيك

كرامتك اهم من كلام الناس

أختي .. ليه صابرة عليه للان ؟

عشان ما ينقال عنك مطلقة ؟
ولا عشان ضعف المادة ؟

هل تقدرين تستقلين ماديا لو انفصلتي عنه ؟


الحياة معه بتأثر عليك على المدى الطويل

المتني قصتك
اولا اقري سوره البقره يوميا
وارقي نقسك وبيتك
وبعدها ان لم يتغير
دخلي اهلك جديا بالموضوع
ان لم يحترمك ولم يوفر لك عيشه كريمه
فالافتراق بمعروف افضل
ضعي اهلك بالصوره
لكن اول ارقي نفسك قد يكون مسحور
واقري بالماء الدي يشربه

عندك مصدر دخل مستقل؟

ياختي لايكلف الله نفسا الى وسعها ودام انك منتي مقصره معه وصبرتي وطال صبرك حتى تأذت كرامتك وعملتي بالاسباب ووصلتي لدرجه انك مغلوبه على امرك وماعد بيدك حيله لمي اغراضك واتركي له بناته وييت ابوك يعزك
وبعدين مافي مشكله يااختي جاريه وروحي بيت اهلك واذكري لهم انه مسحور او معيون على شان خاطر عيون الوطن العربي .
يروح يشوف له حل ومنتي مسؤله عليه خلي الماما حقه تنفعه وتروح تعالجه عند شيخ يمكن ينتفض شويه ويطلع منه جني ولامن امه والله الغني

__________________
تمنيت حبـاً يدوم طويـلاً .. فـدام الحب وَ رحل الحبيب.

الله يكون بعونك ويفرج همك..

لكن لا بد أن يكون هناك شخص حازم وقوي يقف في وجهه، ليعرف أنه يوجد من يدافع عنك..

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

قصتك تشبه قصة والدتي وكان والدي يضربها بحزام سرواله وتبقى الآثار معها لحوالي اشهر و زوجات اعمامي يسمعون صراخها وهو كالاحمق فخور بما يفعله
لكن امي الحمدلله صبورة كافحت وصبرت لاجلنا وكذلك لانه ليس لديها اين تذهب ان تطلقت
حقيقة لو كنت مكانك لا ادري ان كنت سأصبر كما امي فعلت خاصة و انه ليس لديك عمل وكيف ستكون حياتك عند اهلك ان تطلقتي ووو
فكري جيدا ااااااااااا قبل الطلاق و ستشيري اهل العلم عندكم
حاولي ان تجعلي له ماء مرقي يشرب منه دون أن يعلم و شغلي البقرة عند في البيت
خذي بالاسباب قبل العزم على الطلاق
أسأل الله أن يفتح عليك