السلام عليكم ورحمة الله
بطرح عليكم مشكلتي بدون مقدمات
الحمد لله ربي رزقني بزوج مافي منه أخلاق وتدين وطيوب وكريم وجنتل يارب لك الحمد وصرلي متزوجه 8 شهور وكل يوم محبتنا تزيد أكتر يارب لك الحمد
مشكلتة زوجي أنو مايركز أبداً أو ماينتبه ماأدري مع أنو عمره 30 يعني مو صغير
أقلكم كم موقف
1-فترة الملكة طولت 9 شهور في كل هذي الفترة مرة وحده جبلي ورد وهي أول يوم يشوفني فيها والهدايا ماتتعدى السته هدايا طووول هذي الفترة مع أنو مو بخيل بس ماأدري أش الموضوع طبعاً هذا الشيء مو مهم كتير ولايعتير معيار للحب
2- جينا عالببت لما أستأجره عالسرييييييع بدون ماينتبه أنو البيت جداً وسخ وتشطيبه سيء والبويا وسخه ولاقله لصاحب العماره يدهن بويا جديدة مع أنو معروف المستأجر الجديد لازم يندهله بويا المشكلة أنوفي بيت بنفس السعر وأفضللللللل بس مدري أشتراه يمكن عشان حاسه هم ويبغا يخلص !!
3- بدي يشتري العفش والله لايوريكم مع أنه ذوق في اللبس بس مدري اش صار كنب الصالة ألوان تخبيييص ولما أخته قالتله أش هاده قلها والله مدري حسبته حيطلع حلو مع أنو مافي جنس التناسق
4- تزوجنا الحمد لله ومن بداية زواجنا يجبلي عزااااايم حتى أقاربي يقولولي لاحقه عالعزايم أتهنوا بعروسيتكم ولكن ماأدري أش أقله بالعكس أنبسط لما أشوفه مبسوط مع اصحابه وأنو عازمهم على بيته وطبخ حرمته ممتاز الحمد لله
5- بعد مايعزم أصحابه وأتعب ويكون صرلي يومين مو طالعة وجالسة لوحدي يدخل عالبيت ويحط راسه وينام !! أنا أعرف أنو الواحد يكافاء زوجته ويطلعها أو يجبلها وردة أقل مايمكن تقدريباً لتعبها
6- جينا على عيد الأضحى وهاده أول عيد نقضيه مع بعض ولحالنا بعيداً عن مدينة أهالينا حسيته زيه زي أي يوم عادي صلينا صلاة العيد ورجعينا عالبيت وبسسسس !! حسب علمي أنو الواحد يطلع حرمته ويتفسحوا
7- اتمنى يوم يفاجئني بشيييي أو يفرحني بشي بس مرررره ماعنده هي الحركات !!!
طبعاً المواقف كثثييييير بس هاده إلي أتذكره
أنا بشر وعارفه أني أغلط ومابدي أجرحه حاولت أشرحله بالتلميح مافي فايده قلت خليني المبادره وصرت أعطيه هداايا كمان مافي أمل قلت خليني أنا إلي أعمل المفاجئات وعملتله وينبسسسط وأقله أتمنى لو تمعلي زي كدا يقلي إن شاء الله وماااااااااااااااااافي فايده
طيب أش الحل برأيكم . كيف ممكن أشرحله أني أنثى والأنثى بطبيعتها تميل لمتل هالأمور ؟؟؟؟؟
عذراً على الإطالة وجزاكم الله خيراً

[IMG]http://im68.***********/hCw6dK.jpg[/IMG]
( خيركم خيركم لأهله ، وأنا خيركم لأهلي ، ما أكرم النساء إلا كريم ، ولا أهانهن إلا لئيم
الدين المعاملة

المشاركة الأصلية كتبت بواسطة % قلبي حنون % عزيزتي.. الحمدلله زوجك عنده صفات كتير حلوة وانتو تحبو بعض ودا أهم شي.. بالنسبة للأشياء التانية معاكي حق تتضايقي شوية.. بس تراها صفات في أغلب الرجال مع الوقت والعشرة ممكن تتغير.. لما كل واحد يعرف ايش يبغى من التاني.. >>> صارحيه <<< قولي كل الي في قلبك بشكل لطيف وأبدأي بذكر بصفاته الحلوة .. وممكن تكتبيله إذا منتي قادرة وإن شاء الله حيتفهم رغباتك..

المشاركة الأصلية كتبت بواسطة شوكه بين ورد اختي الله يهنيك بحياتك يارب عادي حبيبتي كذا الرجال عندهم الاهتمام اذا وفرلك كل شي تبغيه والمفاجات والهدايا يعتبروها اشياء مو مهمه لاتزعلي على شي مايستاهل عيشي حياتك وفاجي زوجك واهديه ولاتنتظري مقابل

المشاركة الأصلية كتبت بواسطة المسداني والله افتكرت المشكلة ,,انه عنده ضعف فعليا بالتركيز ما أشوف ان وصف ما ذكرتيه ينطبق على العنوان! غالبا الرجل و الله أعلم أغلب اهتمامه و بالتفاصيل الدقيقة هو في عمله و هوايته فيغفل بعض الرجال عن مثلا تشطيبات الشقة و ترتيب المكان أو أو بينما نحن النساء لبى قلوبنا ,نهتم بتفاصيل كل شيء زوجك مافيه إلا العافية ركزي على ايجابياته ياليت تذكريها و تعدديها..و ستتضح لك الرؤية حقا موفقة

المشاركة الأصلية كتبت بواسطة كاتم آهات أحلى مافي حياتكم حبكم وودكم لبعض طبعا غالبية الرجال في الأمور هاذي مايعرفو شي بمعنى ما تميل له الأثنى و تفكيره فقط في مأكل و المشرب وتوفير كل شي لكن هذا ليس كل شي بما أنكم في أول حياتكم حاولي أن تعلمي زوجك هناك مقولة ابنك على ما ربيتيه زوجك على ما عودتيه فحاولي أنتي بذل مجهود معه بأنك تعودينه على كل شي وبإذن الله سوف يستوعب الأمر فأسأل ربي أن يسخركم لبعض ويسعدكم في حياتكم يارب.......