يا جماعة اخاف اكتب واحكيلكم وفالآخر تكسفونى.........لانى اصلا بتكلم بالعافيه مش سهل انى افضفض

بس بيبقى نفسى فى نصايح مفيده

مشتركة فالمنتدى من سنوات وبشوف ردود اعضاء احسبهم على خير اوى وبتعجبنى اوى خبراتهم ونصحهم وبتمنى لو ينصحونى...........

خلال كل السنوات دى تقريبا ممكن اكون كتبت مرتين بس عن مشاكلى ........لكن للاسف مش بلاقى نصائح الاعضاء اللى بيبقى نفسى انهم يردوا.......

الله يكرمكم ماتكسفونيش المرة دى........



مش عارفة هعرف احكى واللا لا..........بس ربنا يعينى..........رب اشرح لى صدرى ويسر لى امرى واحلل عقدة من لسانى يفقهو قولى.........


عايزة احكيلكم عن زوجى شوية...........هو ملااااااااااااااااازم الجلوس على النت...........هى دى تقريبا حياته حتى شغله على النت فالبيت 90 % منه ...........ولذلك الحياة مش منظمة واوقات النوم مش منظمة خالص بالنسبالو ..........

انا حاسة انى يئست وسلمت فالموضوع دة ان هو كدة كدة قاعد علطول على النت زى مثلا لما الواحد تكون قاعدته الاساسية على التليفزيون.......يخلص اللى وراه ويرجع يقعد قدامه حتى لو مش منتبه بس اهو شغال........هو برضو كدة .......دى تسليته ..........وكماااااان شغله.........وشغله متقطع فى اى وقت مش وقت محدد

بس الحمد لله دلوقتى المكتب بتاعه معانا فى غرفة المعيشة بعد ماكان فى غرفة لوحده علشان الاولاد صغيرين....

واحيانا لما الاولاد ينامو واحنا متصالحين (علشان دلوقتى بنتكلم كلام عادى بس زعلانين من بعض )......لكن عموما لو انا مانمتش مع الاولاد وصحيت معاه ممكن نقعد نتكلم ( وهو قاعد على المكتب ) بس لو فيه موضوع مثير وغاااالبا فالسياسة ممكن يتكلم شوية.........لكن الاصل انه قاعد على النت الا لو فى ظرف

حتى انا اصلا استغربو اوى ى ى لو لقيته قاعد 5 دقايق كدة على الكنبه

وبحس بضعف وشوق اوى لما اقرا مثلا ان زوج قعد يسولف مع زوجته.......حساها غريبه عليا اوى.......( وكتبتلو كدة فى ورقة النهاردة لما يصحى يقراها ان شاء الله ..


ثانيا..........هو برضو قبل الزواج كان دايما برضو فى اوضته على كمبيوتره ومش متعود يقعد مع اهله......كما انه مقصر فى حقهم اوى ......هو مش بيهمو الناس ........او مش بيهمه اهله او العلاقات الاسرية والحاجات دى..........هى مامته طيبة لكن فيها عيوب انا شايفه انه طالعلها فيها ودى حاجة مضايقانى اوى اوى لانى شايفة نتيجتها دلوقتى على مامته مش حلوة

زى انها مش اجتماعيه خاااااالص يمكن لظروف تربيه لكن دى النتيجة
ودلوقتى مش بتكلم حد من اهلها خااااااالص
ولا ليها علاقة بحد..........ربنا يهديها ويصلحلها الحال يا رب.......الحمد لله الذى عافانا مما ابتلى به غيرنا وفضلنا على كثير ممن خلقنا تفضيلا......

انا شايفة الحاجات دى قدامى وبحس انى مضايقة اوى لما احس ان زوجى طالعلها......هى طيبة وهو طيب..........لكن عيوب صعبه........احساس ان الناس وخصوصا الاهل مش هامينه خالص

اينعم هم كتير بيشتكولى منه ......بس انا شايفة ان هو مقصر ومش حاططهم فى باله خالص......وكنت منتظرة ان اول زواجى هو يعودنى عليهم .......وفضلت منتظرة كتير انه مثلا ينزلنى عندهم ونقعد معاهم وكدة......لكن بمرور الايام انا اللى بقيت اقوله ياللا ننزل.........وكل فتره .......واحيانا انزل لوحدى.....هو متعود ان حياته على النت........


وهو لا بيزور حد ولا حد يزوره ........وانا متضايقة انى انا تبعه......فانا كمان لاهزور حد ولا حد هيزورنى.....الا انه يسيبنى اروح عند اهلى لو عايزة وازور اللى انا عايزاه هناك.......لكن انا عايزة هنا تكون ليا حياتى مش عايزة نكون معزولين عن العالم زى ما اهله منعزلين يعتبر عن الناس.........فضلا كمان انه معزول عن اسرته ودة بيأثر طبعا على علاقتى بيهم اللى كان نفسى تكون كويسة ويكونو هم اهلى واخواتى هنا..........لكن معاه وباللى هو بيعملو صعب اوى اوى........وما بيحبش المجاملات الا بعد محايله......واقوله كذااااااااا مرة نفسى اعزم اخوة ومراته او اهله عندنا على الغدا......ويطنـــــــــــــــــــــــــــــــش... ....مش متعود خااااااالص.......وانا والدى متعودة انه عكس كدة تمااااااااااااما ........بيحب الناس وبيزورهم وبيزوروه وبيحبوه وبيحب العزومات والمقابلات ربنا يبارك فيه ويديلو الصحة ويرضى عنه يا رب هو وامى يا رب.......اللهم آمين

فاتضايقت اوى من طبع زوجى فى اهماله للناس اوى كدة.......وان مستقبلنا لا قدر الله يبقى زى عندههم لا نزور ولا نعرف حد ولا حد يزورنا حتى اخواته.........لكن الحمد لله ليا علاقة باهلى.....ربنا يباركلنا يا رب

لكن نفسى حتى يخلى بينى وبين اهلو......يعنى يعتبرهم اصحابى انا مش تبعو .........لان لو اعتبرهم كدة وعاملتهم من هذا المنطلق هتبقى العلاقة احسن.........ولما اعوز اعزمهم يبقى برااحتى مش يقعد يطنش لغاية ما انا ازهق.........

للاسف عنده سوء صرف للفلوس اوى.........اهمال اوى.........عكس والده تمااااااما( ودة ممكن يكون سبب بس بجانب اكيد ان طبعه كدة لان اخوة مش كدة )...........دايما يشترى الكترونيات.......ويبيع ويخسر مش مشكله........يقولى استهلاك.......انا اعرف ان الواحد لو عنده موبيل او لاب لما يبوظ يفكر يشترى.........لا هو بعد سنتين مثلا بيحب يغير من غير ما الحاجة تبوظ ولا يحصل فيها اى حاجة .......ولذلك ما بيعرفش يحوش اطلااقا

هو كريم من ناحية الاكل اوى..........لكن هو مش بيقدر قيمة الحاجة القيمة........يعنى مش مقدر الذهب خالص.........ومن رأيه انه لو اتباع هيجيب حاجات كتير صغيرة.........وكمان مامتة باعت دهبها واشترت حاجات كتييير للمطبخ.......


المشكلة..........انه متعود على عالمه الخاص........مش متعود على العيشة مع حد......يعنى مش عايزة اقولكم فالصباحية قام يفتح الكمبيوتر.........بس قفله لما قلته..........لكن اصله هيعمل اية يعنى وهو قاعد.......مش متعود يقعد كدة........مش متعود يتكلم كلام اجتماعى.......يا سياسة يا مفيش........

حتى انا بقيت مش متخيلاه من غير قاعده على النت....

حتى ياعينى الاولاد بقى الوضع الطيعى ان بابا على الكمبيوتر وماما يا اما مشغولة او افتح انا كمان النت
فى غرفة واحدة
لكن حاسة مفيش جو اسرى كدة وكلام وهزار مع الاولاد الا قلييلا وطبعا اللى بيركز فالنت مش بيبقى طايق كلمة من طفل.......

انا اول الزواج معترفة انى كنت بزعل كتير وكان غلط........والحمد لله صلحته وماقيتش ازعل الا كل فترة طويلة........يقى برضو لما ازعل ما يصالحنيش.......ممكن يتكلم او يهزر لكن ابداااااااا مايسألنيش او يقعد يصالحنى ونتكلم فالحاجة اللى هو زعلنى منها...........وطبعا كدة مش بصفى

وهو عاااااااااااادى ........فى عز ما انا بعيط ومتنكدة..........هو بياكل ويشرب ويقعد على النت ويشر الشاى ولااااااااااا كأن فى حاجة

وآخر مشكلة بقى زعلت منه وحطيتلو الفطار ودخلت اوضتى .......كنت حسبو مش هيسيبى كدة من غير ما أفطر
لا دة عااااااااااادى فطر وشرب الشاى وقعد على النت واستنيت لما نزل لصلاة العشا علشان افطر .....انا ببكى وهو بياكل عادى.......وكنا كويسين قبل موقف عادى حصل زعلت منه.........مش عارفة الرجاله ليهم قل يعملو كدة ازاى

فرد فعله على زعلى يخلينى ازعل اضعااااااف المرات اصلا.......

وفعلا........ماكنتش طايقاه خالص..........وحصل موقف كمان والده كان تعبان وهو برضو رايق وقاعد عالنت وعماله اقوله يجيبلو دكتور ....... المهم كعادته مش هامه واخوة الصغير جابلو دكتور......وهو بس يعدى عليه مرة فاليوم كدة يلاقيه نايم وخلاص يطلع......وانا كنت قلقانه عليه جدا



المهم بقى ييجى بعد 10 ايام كدة من الموقف الاول وخلالهم كان الموقف التانى ماكنتش عايزة اكلمه ابدااااااااا ولا ليا نفس ولا ناوية

فى مره حاجة كدة استفزتنى......فقعدت الصبح بعتلو زى جواب على النت وكلمته كلام شديد اوى وقلت كل اللى جوايا بقى وقلتله انا مش عارفة نتيجة اللى بكتبه دة اية بس ادينى مرة بفضفض بحرية بدون مجاملة وانا تعبت من الكتمة وانت اللى وصلتنى لكدة
ومن ضمن الكلام انك ماعندكش قلبب وانى فعلا مابقيتش احبك وعن اقتناع
ومش هدافع عنك تانى قدام اهلك علشان كنت بدافع لما كنت شايفة انه فى امل تتصلح لكن دلوقتى انا يئست
وكلام من كدة


وقلتله ان الموقفين اللى حكيتهم ....سابنى من غير فطار ......ووالده.......هم اللى اثبتولى انك ماعندكش قلب ومش بتفكر الا فى مشاكلك وبس وانانى ,,,,,,,,

وانك بتحب الانسان طول ما هو مفرفش وبصحته لكن اول ما يتعب بترميه فى اول باسكت زباله

مرة كانت بطنى بتوجعنى اوى وكان نفسى اوى يقعد جمبى واحس بحنانه.......بدل ماما مثلا

هو مثلا جالى وعايزة حاجة والف سلامة ويبتسم وكدة اة..........لكن يقعد جمبى دى مستحيل.........هيقعد يعمل ايه يعنى

مع انى كنت فى اشد الاحتياج بوجود حد جمبى ........واتمنيت لو ماما وبابا حواليا وحسيت بفقدان جو الاسرة


بعد الجواب اللى انفجرت فيه دة ........وعارفة انه فيه كلام يضايقه كتير وقلتله انى كنت بحاول اجامله كتير لكن الطريقة دى اكتشفت انها مش بتنفع معاه خالص ........ويفتكر انه صح...........بعد الجواب اكيد هو زعل بقى هو كمان يتكلم رسمى

بس هو وصلنى ببرودة ناحية نكدى وبكائى انى ارتحت لما حسيت ان هو كمان اضايق وحس بحاجة زيى......

مع انى اصلا بحبه لكن المواقف دى كلها اكيد بتأثر فيا جامد..........وكنت أقنعت نفسى انه مش بحبه لما كتبتلو كدة......
زى ما أنا مقتنعة انه مش بيحبنى ولا بيكرهنى.........عادى عايشه معاه زوجة وام اطفال كويسه وخلاص......بس دة لانه مابيعرفش يحب الناس........وكتير اقوله انت بتحب نفسك بس واحتمال اطفالك....او بتحب نفسك وعيالك وبس

لان مستحيل حد بيحب حد ويجيلو قلب يسيببه منهاااااااااار كدة وهو يقعد راااااايق

الحمد لله انى عرفت افضفض..........

ودلوقتى بقى وضعنا .......انا زعلانه وشايله فى نفسى اوى.......ومش عايزة اتكلم خالص......واللى ناوية اعملو بعد مانفسيتى هديت الحمد لله لما كتبتلو وعرفته اللى جوايا وبعد كام يوم........انى احاول اتكلم عادى تانى وارجع كويسه....بس من غير ما أتكلم خالص فى حاجة تانى

وهو كمان اكيد شايل فى نفسه........على غير العادة.........لان دايما كنت اناا اللى ببقى شايله فى نفسى وهو يكون عايز نتصالح ويحاول يتكلم ويهزر بس بدون كلام فالمشكله وطبعا انا من غير ما اتكلم فى اللى مضايقنى مش هصفى...........


واحنا الاتنين بنتكلم عادى فى امور حياتنا بس بدون روح..........


بالله عليكم انصحونى بقى كتير وماتهملوش.........وجزاكم الله كل خير........

__________________
الله معى .. الله ناظرى .. الله شاهد على ..

آسفة انى طولت عليكم بس علشان الصورة توصل وتنصحونى كتير.........وجزاكم الله كل خير

__________________
الله معى .. الله ناظرى .. الله شاهد على ..

الله يعينك ..ادمان زوجك من النوع الصعب
عندي ابني كان تقريبا نفس الحالة .

من تجربتي معاه أقدر أقولك على كم حاجة عملتهم وجابوا نتيجة الحمد لله

1- لقيت أن تواصلي معاه على النت نفسه قربني منه جدا .. لا تخلي تواصلك معاه بالنت بس للعتاب ... بالعكس ادخلي فيس ومسن وكلميه من هناك حتى وانتم بنفس الغرفة ... ابعتيله حاجات تخص مواضيع تعرفي انها تهمه ... وهو حيناقشك فيها بعدين .
ابعتي نكت .. حاجات تهمك انتي .. تهم الأولاد ... كل دة حيقربكم من بعض وحيحس برغبه انه يكلمك .

2- إلزميه بخرجه .. أو احرجيه فيها .. ممكن مرة يكون عنده شغل وممكن مرة بس يتهرب لكن ما تيأسي وحاولي عن طريق استعطافك له بالأولاد .حرام عوزين يخرجوا وحرام زهقانين .. .بس نص ساعة
وفعلا تطولي المشوار لأنه حيكون على أعصابه ... ومرة على مرة طولي المشوار شوي شوي .
واختاري الوقت المناسب ... مش لما يكون متنرفز .. تواصلي معاه واعملي جو حلو واطلبي بعدها .

3- أهلك وأهله ... مش ضروري بكل مرة تستأذنيه عشان يفطروا معاكم ما دام هو بالبيت وما دام حيقوم يفطر بكل الأحوال ومش هوا اللي حيطبخ ... مره اعزمي بترتيب معاه ومره قوليله أختك جايه تفطر معانا لأن صار موقف وانحرجت وعزمتها ..

النقطتين 2 و3 الهدف منهم انه يبعد عن النت شوي مش الخرجات نفسها ... مجرد أنك نجحتي انه يبعد شوي عن الجهاز حتلاقي تجاوب منه معاكي لما تكلميه بالبيت .. لأن بيخف الادمان وبيخف التعلق والتعود الشديد .
4- الدعاء سيد الحلول وسيد الكلام كله فلا تنسي الدعاء

الله يوفقك وييسر أمرك ..

__________________

والله انا مش عارفة هل انا من ضمن المنتظرة ردودهم؟وﻻجاي الزق بدون مناسبة؟ههههه يﻻ حلزق مفيش ضرر
ياقلبي جك مشكلته مش معك انت خصوصي هوة غندو مشكلة اصﻻ من قبل الزواج ... وطبيعي لما تزوجتي تتأثري
حقيقة هةى مدمن وحالته غريبة ونا ماعندي شي اقوله بس اعتقد زوجك يحتاج عﻻج نفسي او جلسأت مع مرشد اجتماعي
ﻷنه منعزل من زمان وهادا هيك عيشته من زمان وصعب تغييره ...اعتقديحتاج متخصص
او طنشي كل شيئ والزمي الاستغفار بنية الفرج
واكثري من ﻻحول وؤرقوة اﻻ بالله العلي العظيم ﻻملجا من الله اﻻ اليه
فرب العالمين قادر على كل شيئ واضمنلك اصدقي النية والزمي السابق ذكره مع الدعاء والقيام وهوة كفيل بكل شيئ
احيانا اعجز عن حل شيئ معين واعجز
وﻻ استمر بعمل شيئ ﻷني ماقدرت
والزم ماقلته لك واﻻقيها تنفرج
الله يفرجها عليكي يارب

__________________

ماشاء الله كفيتي ووفيتي ..
ماعندي أضافة على اللي قلتيه ..

أختي سما جربي الحيل اللطيفة .. لا تنسين مكر النساء .. :14:
وإن شاء الله بعد سنة تجين تشتكين إن زوجك مش راضي يتركك لحظة ..

إن شاء الله بس مشاعرك ماتكون مثل عنوان موضوعك ..

إذا بتقدري انه تقسموا الاوقات انه خلاص مافي وقت العصر لازم مع بعض مثلا
كذا تمام
والله يهدي سركم

جزاكى الله كل خير على ردك...........

بالنسبه للخروج هو ممكن لو الوقت مناسب يخرج عادى........ومش بيكون مستعجل انه يروح علشان يقعد عالنت مش للدرجادى.......هو مجرد تسليه بالنسبالو ........والخروج بيكون مسلى فخلاص......يعنى فالبيت صعب أكلمه ولما اعوز أكلمه لازم نخرج.......سبحان الله
وطبعا مش احيانا كتير مش بيوافق بسهولة على الخروج............

صعب اعزم حد على الفطار من غير ما اقوله...........خصوصا انى ببقى عايزة اعزم زوج وزوجته فلااازم يكون هو عارف ويعزم الزوج كمان...........

جزاكى الله كل خير مرة تانية........

__________________
الله معى .. الله ناظرى .. الله شاهد على ..

هههههههههه.............لا والله حبيبتى انتى من الناس اللى بحب ردودهم أكيد.......

جزاكى الله كل خير.........والزقى بس انتى كل مرة وماتحمليش هم.........


فعلاااااااا عندك حق...........هو الزام الاستغفار بالنيه دى وربنا قادر على كل شىء

والدعاء

ربنا يهديه ويهدينى ويباركلنا يا رب..........ادعولنا بظهر الغيب يا جماعة وجزاكم الله كل خير.......

__________________
الله معى .. الله ناظرى .. الله شاهد على ..

زي اخويه الله يهديه

وياريت تقوليلى ابنك دلوقتى اخباره ايه...........يعنى وقته بيقضيه برضو كله على النت واللا بقى يقعد معاكم وشويه وأخدتى وقت اد ايه معاه فالتغيير......

وجزاكى الله كل خير ..

__________________
الله معى .. الله ناظرى .. الله شاهد على ..