الســـــــــــــــــلام عليكم ...
شحـــــــــــــــــالكم ؟؟ عساااااااااااااكم مرتاااااااحين ان شاء الله ....
بليييييييييييييييز الله يخليكم نصحوني ساعدووووني ترى تعبت وصل حدي
انا معرسه من شهرين وقسم بالله اني من ثاني اسبوع في عرسي اصيييييييييييييح لين اليوووووووم
تعبااااااااااااااااانه نفسياااااااااااا واكتب الحين وانا تعبااانه اصيييح والله العظيم تعبت ماعرف شسوي
الله يخليكم تساعدوني...
مشكلتيه اني ريلي بعييييييييييد مني وايد ولا بعد عصبي اشياء تافه يزعل منهااا بسبب ولا بدون سبب
لعلمكم لامقصره لا في لبس ولا مكياااج ولا لبس وزينه
بس ماعرف اشبلااااااااااااااااااااااااه ويقولي ماحب الحرمه اللي تسال وين رايح من وين ياي
اوكي قالي اول ايام العرس صرت ماسألها ايي على خاطره اللي يبغيه اقوله لبيـــــــــــــه
احبه اموت فيه واخذته عنده علاقه قويه مع وحده كان يحبها وعرست واستمرت العلاقه بس من ملجنا
انتهت بس انا احس انها رجعت لان اللي يكلم غيرج يكون كارهج احسه جذي
بس مرات احسه مايخووني لانه يغار وايد مايخليني اطلع صدقوني اذا قلت حبس هذا شويه
ماطلع اهليه مارحت لهم شهر لعلمكم هو ماحد عندي عنده دوره في ابوظبي وانا من العين
دورة شرطه يعني اييني بس خميس وجمعه تخيلو اقعد بيت عمي وهو محد وامي تقولي ليش مايتي
ماقدر اقولها مايخليني اقولها امي حمد هو يريد ايبني عندكم مابيي يخليني بروحي
هو يقولي انا بشلج صح بس تعبت اهليه ماشفتهم واخواته اللي متزوجات عندنا دوووم
وهو ولد عمي بس شسوي وفوق هذا
اذا راح بوظبي مايرد على اتصالاتي والله وكل مااكلمه يكلمني بعصبيه يعني يلا قولي شو تبين وسكري
يعني ماشي كلمه مشتاقلج حبيبي فديتج ماشي
وانا اقوله كل شي اقوله اشتقت لك احبك
تدروون اني ضعفت نزل وزني بشكل كبير في شهرين الناس على بالهم حامل واتوحم
وكل هذا ويقولي كل شهر ماحملتي
يحسسني مني مع اني فاحصه والله ماشي فيه كل شي اووكي
والله حتى يوم ييصير جمااع بينا من كثر مانفسيتيه تكون تعباااانه لو اني ابغيه واحبه
اسكر خلاااااااااااااااااااص مايقدر يلمسني يقولي ليش جافه شوفيج ويوم يكون يوم طيب وحبوب
والله اكون عاديه وابغيه ولا اجف
حاولت كم مره اقوله ليش تعاملني جذي ليش ماتكلمني بطيب والله راح اسوي كل الي تباااه
بس عاملني بطيب الحين انسان يقولك فديتك الغالي لاتروح هالمكان انت شو تقوله ان شاء الله لان اسلوبه حلو
اما واحد يصااارخ ويقوووووووول ليييييييييييش تروحين
ليش تسوين ليش انتي جذي وصوته عالي يخوفك
مره طرشت له مسج قلت له حمد انا اخاف منك اكثر من اني احبك انت عصبي وتخوفني وخلفت له
هذيج المره حسيت انه حزن عليه قالي انا اسف انا احبج انا طبعي غيوور تحمليني
والحين اتحمل انا بس تعبت والله خلاص مااعرف شسوي
ويقولي ليش يوم انا في بوظبي ماتسوين تلفون اقوله انت قلت ماحب تسوين وانا عندي شباب
قال لا هذا انا في العين بس بوظبي بروحي ويوم اتصل الحين مايرد يقولي عندي مادري منوه شباب
تعبت معقوله ماشي دقيقه يتصل يقولي مشتاق لج تخيلو كثر شو بفرح
بس شسوي والله تعبت نفسيا والله اكلمكم وانا اصيح لاتقولون كلميه لاني ان كلمته يعصب
وانا خوافه انا مب متوعده جذي انا وحيده امي وابويه بين 4 اولاد امي مدلعتني والله مب معودتني جذي
لو امي شديده كنت اشوفها بس ماترفض اي شي بس المهم ماغلط واخواني بين عيوني واحبهم
ولد عمي ريلي ماخذني واثق مني بس مايحبني انا ادري والله
تقول خالتيه يمكن اول ايام العرس جذي تحملي مب من اول مشكله تضعفين ادعي ربج واالله ادعي اطلب الله
بس شسوي حتى خواته يحسووون فيه يقولون لي لاتضعفين عند اي مشكله خلي عمرج قويه
ياما مشاكل قويه صادفتنا وانتي هاي مشكله صغيرووونه تحملي
ساعدوني ابا نصااايحكم
اختكم ام فلاح ....
30-04-2006, 01:48 AM
نصحوني تعبت...
ضوابط المشاركة
العرض العادي
