السلام عليكم ورحمة الله وبركاتة
تزوجت من اربع سنين و داخلين على السنه الخامسه اتوقع هاي سنه الفصل في حياتي
ريلي من بعد 3 شهور من الزواج كل يوم اكتشف بنت يديده في حياته بتقولون كلام عابر مسجات عابره كنت احيانا اطنش واحيانا نتصادم واحيانا ما يهمني .. لان كنت احسن بالنهايه يرجعلي اول ما ادقله يرد علي و جي ..
المهم هالسنه الريال ما قام يتاثر باناقتي ولا بجمالي ولا حتى يقول كلمه مدح وحده ..
وزني ما يزيد انش واحد الحمدالله محافظه ورياضه واكل صحي .. الحمدالله
كريمات وعطور ولبس من احلى ما يكون
شعري و بشرتي اهتم فيهم جنهم عيالي

قبل لو البس خيشه يجرب مني ..
احينه البس والبس والبس و اتلوشن و احط روج افقع مافي الوجود ما يجرب
في تغير من ناحيه العلاقه الحميمه
وايد تغير مفاجئ
حتى قام في بيت ابوه لما نزورهم بالويك اند يتحجج ينام بغرفه ثانيه مع اني اطلع ولدي وبنتي اول ما يقومون برع و اعطي الخدامه كل اغراضهم .. بس يتحجج بان الصغار يخربون نومه .. ومره شكيت رحت ادوره و انا مستحيه كل غرفت شباب ..
ماعرف هو باي غرفه نايم و ما ارضى على نفسي حد يشوفني افتح الباب عليه
بس قلبي كان ناغزني سيارته موجوده ومحد بصاله ..
وامشي فالممر الا اسمعه صوته وهو يتكلم بالفون بغرفه اخوه
انهلعت اني اتصلت فيه مرتين مارد علي ويكمل سوالف وانا اسمعه برع الغرفه
دقيت عليه الباب ولا يسكت ويفتح الباب ويمثل انه نايم ..
اشكره يجذب والغرفه مضويه والفون بايده ..
كلمته ليش يجذب وتنام بغرفه بروحك وانا اترياك لابسه ومرقده الصغاريه
اباك تيلس وياي نسولف ونام ..
طبعا ينكر وينكر وينكر واخر شي يهدد انه يمد ايده .. شي يقهر صح

واعطيكم موقف صار البارحه اسمحولي شويه
منومه اليهال من 7 المغرب
ورحت تزينت وكل شي
يتله ويلسنا نص ساعه عقب قالي بروح اغير زيت السياره @@
وانا كنت ماسكتنه قووو ان ما بتروح ..
وقالي انتي ما تعرفين تختارين الوقت المناسب .. انا اتابع مباره وبطلع
قتله انت دوم تابع مباريات موب اول مره و ايل السيارتك غيره باجر موب ضروري اليوم
قال لا .. اليوم فاضي وبروح
وهدني مثل ما انا ؟؟؟
والصبح انصدمت انه كان راكب سيارتي لان كان في وصل ايداع مبلغ نقدي بتاريخ البارحه
و الميديا مال السياره مفتوحه على اختيار البلوتوث الفون ..
يعني هو لا سار يغير زيت سيارته ولا شي كان متحجج عشان يطلع بس ..
انا متضايقه ساكته عن علاقاته مع اني محتفظه بمسجاته مع بنات وصوره مع بنات وكل شي بفايل سري عشان لو صار الموضوع ما ينطاق اروح المحكمه واراويهم سواد ويهه ..

لان كلمته كذا مره ياخي انت ما تعبرني يمر اسبوعين وما تجرب مني جان يضحك ضحكه استهزاء
مع ان قبل مده كان غير غير غير ..

اتوقع يمكن عنده علاقات جسديه .. لان وايد تغير
قبل كنت اطنش لانه كنت احسه يحبني ويرجعلي بروحه يطلبي ولا اتميلح ولا شي ..
بس ايحنه تغير

ابا اواجهه بالي عندي لان تعبت ..
بتقولون الطلاق مو حل عطوني حل ..
الصبر طلع من عيوني ..
انا اساعده بمبلغ ايجار البيت
و راتب الخدامه انا ادفعه
واغراضي الخاصه ولبسي كله من معاشي
بس هو ما يقدر احساني له ولما اقوله حتى 500 درهم ما تعطيني وانت مسؤول عني وعليك تصرف علي يقولي انتي تشتغلين وعندج الي يسدج بس ها زط منج تخيلو
مع ان 500 درهم لا بترفعني ولا بتنزلني بس على الاقل احساس انه يهتم فيني ويدفع شي ..
والله انا انسانه قنوعه لا اشوف ملابس غيري ولا طلعاتهم ولا سفراتهم لاني اشوف حياتي ممتازه الحمدالله والشكر ولا قط قارنت بين حياتي وحياة انسانه ثانيه ..
بس هو مو مقدرني .. احس اني مقهووووره منه

مرحبا ملايين ولا يسدن في ذمتيه 😊

جربتي قعدتي معاه بهدوء وجلسة رايقة وغاوية شراتج
وصارحتيه باللي يدور في خاطرج عن احتياجاتج النفسية وو الخ ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

اسأليه

ليش تغيرت علي ؟؟؟

هو ما راح يحس بقيمتك على ذي الحال ابدا والوضع معد ينطاق وتمادى الرجال وايد ومعد يقدس بيته ورامي مسؤولياته عليش. بصراحة لازم مستشار متخصص وفيه اقسام استشارية بالمنتدى ، من نظرتي الشخصية انه لو هجرتيه 40 يوم راح يحس بقيمتك ويقدرك ويعرف انه وقت الجد ما راح ينفعوه كل بنات الدنيا بس حلاله اللي راح يرجعلها وا بيقدر يعيش بلاها. الرجال يختلفون، وصعب تحصلين الحل ولازمك قسم مستشارين او مكتب استشاري. الله يسعدكم وترجعون حبايب ، وفقكم الله