السلام عليكم ..

أنقل لكم مشكلة ابن عمي وهو مقرب مني جدا ...


أترككم مع مشكلته يقول :



( لا أدري ماذا أفعل تعبت كثيرا من أمي ... من يوم ما خطبت وبدأت المشاكل وشوف أمها ايش قالت وشوف أمها ايش سوت ... ومشاكل لا حصر لها في أيام الخطوبة .. وعند يوم الزواج قالت أم زوجتي لأمي نريدكم أن تحضروا بدري لتشاهدوا الشاشة ... فقالت لي أمي لن أذهب إلى الساعة الثالثة فجرا ... ولا انت روح لهم إذا تبغى تروح بدري ..


حضرنا الفرح وتأخررنا .. وبعد الفرح فعلت أمي فعلة كبيرة لا أستطيع ذكرها ... وحصلت مشكلة في القصر بيني وبين أهل زوجتي .. ومن هنا بدأت الصعاب ...


أمي اتصلت ثاني يوم وتطيح تهزييييء فيني وتقول شوف ايش سوت يوم الزواج ما تكلمني .. مادري إيش شوف الصورة ... المهم .. أنا كرهت حياتي ...


وأمي أنكرت الفعلة اللي فعلتها ...



بدأت حياتي الزوجية بكل المشاكل ... وقضيت أيام قاسية ...



بعد عدة محاولات من إرضاء أمي راضيتها ودعوتها لبيتي ...


جاءوا أهلي عندي الساعة 1:30 وكنت أريد أن أعشيهم من بره .. لكن عندما تأخروا قلت لها خلاص حطي نواشف يعني جبن وزيتون .. ومن هذا الكلام ..



بعد ما راحوا أهلي تتصل أمي وخذ من ذاك الكلام انت تغيرت أنت مدري ايه انت تضيع فلوووسك ودحين تعشينا نواشف ... وبدأت رحلة أخرى من المشاكل ...




ذهبنا الكوفير لزوجتي وأمي عندهم زواج ...


زوجتي نست عدساتها رحت جبتها لها من البيت قريب جدا ... بعدها بكم يوم أمي تقولي على طول رحت جبت لها العدسات ...

وخرجت زوجتي معها شنطة وكيس والعباية فوق راسها مغطاه لا تستطيع النظر فطلبت مني أني أحمل لها كيسها .. بعدها أمي تقول تشيل لها الكيس وتدلعها كأنطك عمرك ما شفت بنت ...



المهم راحوا الزواج ... بعدها أمي تبغى تعرف الفستان اللي لا بسته زوجتي انا أشتريته ولا مع عفشها للعروسة ..

المهم اتصلت بي وققالت اختك تبغى زي فستان زوجتك من فين أخذته لها .. وقلت لها على نياتي ..


المهم قفلت السماعة وفضلت زعلانة .. اتصلت عليها أؤكد لها مجيئها عندي قالت مني جاية ومني عارف ايه تشتري لها فستان واحنا تبخل علينا بعشاء ...




وهذكذا صراع وصراع ..


مما جعلني أبعد عن أهلي وليش بيني وبينهم إلا اتصال وسلام فقط ...



تركت الشقة القديمة .. واستأجرت أخرى جديدة ..


اتصلت أمي وقالت اشتري غرفة نوووم زي اللي كانت في قبل ما تتزوج انت وشلتها ... ( لأن الشقة في عمارة جدتي وكان أهلي يجلسون فيها إذا أتو لهذه المدينة وكان هناك غرفة نوم صغيرة لغيتها وركبت وحدة جديدة لي ) ...



المهم رحت أشتريت غرفة نوووم جديدة لهم وركبتها ...



اتصلت علي وقالت اترك الأنبوبة في الشقة لأنها كانت في من أول قبل ل آخذ الشقة أنا ..



يا الللله .. تركتها وتركت كل شي وذهبت في شقة أخرى واشتريت كل النواقص لي ...



قبل يومين اتصلت وقالت اطعطيني الـ ( 500 ) ريال اللي أعطتك هي عمتك (.. ) رفد للزواج .. قلت لها ليش .. قالت لأنه لو صار عندها مناسبة احنا اللي بندفع لها مو انت .. قلت دحين ما عندي فلوس وقت ما تجيني أعطيك .. هي .. قالت أنا ما أشحتت منك ومني عارف ايه اليوم تجيب لي هي من تحت الأرض ..



آآآآآآآآآآآآآآآآآآآآآآآآآآآآآآآآآآآه ثم آآآآآآآآآآآآآآآآآآآآآآآآآآآآآآآآه ثم آآآآآآآآآآآآآآآآآآآآآآآآآآآآآآآآآآآآه ...



قطعتهم ولم أعد أذهب إليهم ..,



ولكن في كل صلاة أدعي ربي أن يهدي أمي ويغفر لها ... ويطول في عمرها ...




هل أنا مذنب في شيء ابتعدت عنهم من أجل البعد عن المشاكل ... هل أخطأت .. هل أحاسب .. ماذا أفعل ....




قلبي مجرووووح ....




ــــــــــــــــــــــــــــــــــــــــــــــــــ ــــــ




مارأيكم ياشباب ...

ننتظر ردودكم ...

لا حول ولا قوة الا بالله الله يحنن قلب امك عليك ما اليك سوى الصبر ومعاملة الحسنة لامك وحاول تراضيها على قدر المستطاع
ان شاء الله مع الوقت تتغير وتحس انك متزوج ومسؤول على بيت وزوجة

الله يعينك يا أخي والله بعتقد انها الغيره يا عزيزي يعني كيف تصير لغيرها وانت ابنها اللي بتحبه وكان تحت جناحها
وامام ناظريها صدق في كثير من الامهات بيعملو هالحركات عشان يجذبوا الانتباه المهم انه لازم توازن الأمور بين امك وزوجتك ولكن لا تقطعها(امك) عشان حرام بس حاول تزبط الامور بينكم
وتعطي كل وحده حقهاوالله يهدي امك يا أخي وييسراموركم ويدلكم عالخير.

مهما صار ومهما مجرى تبقى امك، ولسا غير مستوعبة انك تزوجت وصار لك زوجة واخذتك منها ، معلش يا اخي باللين ان شاء الله تكسب قلب امك ، تحمل وتحمل وحاول ترضيها بالكلمة الطيبة والمعاملة الحسنة
الام بتضل ام ومهما عمل الواحد ما بوافيها حقها ، المهم ما تعمل عمل يعصي ربنا

الله يكون بعونك يارب

والله الغيره عامله عمايلها مع امك الله يهديها

لكن انتبه انك ماتعصيها وفي نفسك الوقت .. انتبه انها ما تأثر على علاقتك بزوجتك ..

وسيكون هذا اختبار لك . احتسب الاجر وسترى خير بإذن الله وان طال الزمن ..

__________________

الله يعينك اخي الكريم على برها

وييسر امرك


امك اكيد تغار من زوجتك لكن لاحظت انك مقصر معاها شوي

يعني العشاء لما شفت انها مانسيته وبخاطرها

المفروض عشيتهم عشاء فاخر في مطعم او ببيتك

تعويض لاامك


واكثر الهدايا لها شئ منك وشئ من زوجتك


و500 ريال اللي طلبتها المفروض علطول قلت سمي وابشري


ودائما لبي طلباتها مباشره

هذي امك وحقها كبير عليك


وازن الامور


والله يسعدك مع زوجتك ويحنن قلب امك عليكم

امين

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

أخي الكريم

بلغ صاحب المشكلة بأن يمشي في خطين متوازين بالنسبة لامة وهي مهمة جدا وعليه الحرص عليها تماماوهي كما يلي:

1 - الاحترام الشديد لامه واعطائها كامل الحقوق والواجبات والمبالغة في ذلك مهما حصل وعدم هجرانها أو الابتعاد عنها.

2 - عدم السماح لها بالتدخل في حياتة خاصة الخاصة منها ولتجد القوة منه ولتعرف بأن هناك خطوط حمراء ليس لها ولا

لاحد تجاوزها باي حال من الاحوال.

هذا هو رأي بختصار.

والله الموفق

__________________

السلام عليكم

أخي الللللله يعين ابن عمك ........ ترا اغلب الامهات كذا يحسون انهم ربو عيالهم طول هالسنين و تجي بنت غريبه ( بأعتقادهم ) وتاخذه و يصير كله ملك لها .. ( مررره صعبه باللذات على الامهات الكبار ) .

أخي هذي الام ما تكره زوجت ولدها كل السالفه اخها شايفه انها احق بهالبر من زوجته الغريبه .

الحلول من وجهة نظري المتواضعه : ابن عمك لازم انه قد ما يقدر ما يسوي اي شي لزوجته يثير غيرة امه قدامها يعني لا يشيل الكيسه مثلا عن زوجته على الاقل يقرب السياره من المشغل قد ما يقدر ...
وخليه يخفف زيارات زوجته لامه وخليها تقتصر على التليفون بس وهو يروح يطمن على امه لحاله لان على راي المثل ( خليك بعيد حبك يزيد ) .... بس الولد لاااااااااا يقطع امه ابد ايش ما نكدت عليه

وفيه فكره حلوه لما تجي زوجته تزور امه خليها تاخذ معاها اي شي ( كيلو كنافه مثلا أو عطر أو جلابيه ) وتعطيهياه بيدها وتقول لها والله يا خاله ذقت هالكنافه ما ذكرت إلا انت اشتهيتلك إياها أو شفت هالجلابيه بالسوق وشريت لك انت وامي زي بعض عشان تحسسها انها زي امها ..........

أخي : الصبر مفتاح الفرج يبيلك تصبر والسالفه راح تأخذ وقت بس صدقني مع الصبر والاحتساب راح تصير الامور افضل .... وترا مشكلته ما هي مره عويصة كل البيوت تقريبا تعاني من نفس المشكله بس الذكي هو اللي يأقلم حاله على العيشه مع كل الاوضاع عشان ما تنقلب حياته نكد

أخي الله يكون بعونك ............... دعواتك لنا

انت احسن مني ساكن برا أجل كيف حيكون وضعك لو كنت زيي ساكن مع اهلك في نفس البيت
والبيت اللي ساكن فيه كله حريم امي واربع خوات وزوجتي يعني مافيه رجال في البيت الا أنا
والله يا أخي صاير حكم في البيت أول ما ادخل البيت تستلمني امي شوف فلانه ( تقصد زوجتي ) ايش سوت وايش عملت
بمساندة من خواتي طبعا ً الا من رحم الله
زوجتى مسالمة جدا ً وحاطة امي فوق راسها مع اللي تسويه فينا امي وكذلك معاملتها مع خواتي ممتازة ولكن ما ادري كبفافسر تصرفات امي هداها الله .
انا احمد الله تعالى على زوجتي والله لو كانت وحده ثانية كان في بيت اهلها من زمان .
أخيى الفاضل عندما تكلمت عن معاناتك وبلاخص عن مواقف امك السلبية لم يتبادر الى ذهني الا تصرفات امي هدهما الله جميعا ً والبسهما لباس العافيه وامد في عمريهما على طاعته وأن لا يجعلني لا انا ولا انت سبب في سخطهما وان نكون انا وانت بارين بهما قول آمين الله يحفضك .
أخي الفاضل شكلك توك متزوج يعني ماكملت سنة زواج الى الان وانا باعطيك خبرة خمس سنوات بما أن مشكلتنا واحدة وهذا من باب المساعدة :
احرص كل الحرص على رضاء امك مهما كان الثمن وان كانت على خطأ.
اغدق على امك بالهدايا وخاصة في الاعياد واخبرها بأن هذه الهدية منك ومن زوجتك
لا تفعل شيء يثير حفيظت امك كشيل االكيس واحظار العدسات يوم كنتم بالكوفير مثلا ً.
استشر امك في بعض الاشياء وان لم تكن انت بحاجة الى استشاره ولكن من باب التقدير وجبران الخاطر .
اجعل لامك مبلغ رمزي كل شهر واعطيها هو اذا كانت ظروفك المادية تسمح بذلك .
حاول ان تشتري بعض الاشياء او تكمل بعض النواقص في المنزل اللي تسكن فيه والدتك .
حاول ان تأخذ امك واخوانك الصغار وخواتك الغير متزوجات الى طلعة خفيفة اما على البحر او تعزمهم في مطعم او منتزه بين فترة واخرى ( ترى الام في صف بناتها اغلب الاحيان ).
استعن انت وزوجتك على قضاء بعض حاجاتكم بلكتمان يعني مو كل طلعة للتمشية او للسوق او زياره تدري فيها امك .
فهم زوجتك انك تحب امك مهما عملت وانك لو وظعت في اختيار يوم ما بينها وبين امك بأنك سوف تختار امك عليها ( من باب التخويف ) .
نبه زوجتك ان لا تدخل في جدال مع امك مهما كانت الاسباب ( لتلافي المصادمات واختلاف وجهات النظر )
لا تدقق في كل شيء تقولة امك وان كان ماتقول يغظبك واتبع سياسة التطنيش بعض الشيء .
هذا ما اذكره الان ان كان صواب فمن الله وان كان خطأ فمن نفس والشيطان .
احب أن اطمأنك اخي الفاضل أن هذا الشيء سوف يقل تدريجيا ً ويصبح في اقل درجاته مع تقدم عمر الزواج زي ما صار معي يالطيف اول سنتين زواج كرهت نفسي بصراحة لكن الان بعد خمس سنوات ومع وجود الاطفال اصبح الامر عادي فيه مشاكل ومشاحنات لكن قليلة جدا ً.

الله يعينك

__________________
أستغفر الله الذى لا اله الا هو الحى القيوم وأتوب اليه...
الهم انى أسالك بأسمك الأعظم الذى اذا دعيت به أجبت وأذا سئلت به أعطيت أن تقر عينى وترزقنى الذريه الصالحة وكل اخواتى بالمنتدى وكل من تأخرن فى الانجاب
آمين ..آمين ..آمين ..

( ربي لا تذرني فردا و أنت خير الوارثين )

اللهم اغفر لاخي وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الخطايا كما ينقى الثوب الأبيض من الدنس آمين

اللهم صلى على سيدنا محمد و على آله و صحبه أجمعين[]