السلام عليكم
ايش رايكم نتناقش في ديكور الغرفه انا بالنسبه لي اهم شي في البيت
ملينا من روتين الشموع والورد نبغي شئ جديد يخلي الواحد يرتاح لمن يدخل الغرفه وكمان افكار للتسريحه ايش نضع علي التسريحه غير العطور
زبدة الموضوع نبغي شي جديد وملفت للنظر

منكم نستفيد : )



الله يعطيج العافية





MooN

فكرة حلوه ,, يالله اللي عندها افكار تكتبها لنا
لان صج ملينا من الشموع والورود ..

__________________

مرحبا أم طلال
أخذي اللوحات الملونة الي يستخدمها الطلاب وأكتبي فيها عبارات حلوة وعلقيها ع جدار الغرفة

مشكورهmoon_uae ونبراس علي المرورواشكرك ياخلود علي الفكرة الحلوة وتكون الكلمات شعر او خاطره حلوه في الزوج عشان ينبسط
وين الباقين نبغي الكل يشارك عشان نفيد بعض

انا عندي خبرتي المحدودة وان شاء الله تنال رضاكم

التسريحة وضعت عليها تول ناعم بنفسجي الغامق واعفسة بطريقة مرتبه وحطيت من الجهه اليمنى استاند طويل شوي يعني تقريباً طولة نص متر تقريباً والجهه الثاني كذلك واحط استاندات صغيرة وكلها من الخشب لأنها صراحه ارقى بتلاقينها في لايف استايل منزل شغلات روعه

واحط مخدات صغيره اللي تجيك ثلاث فوق بعض كل واحد اصغر من الثاني باللون البنفسجي ودرجاته وبروازين باللون البنفسجي والذهبي حاطه صورتي وصورته وآخذ فازات بيضا شفافه عدد اثنين وافرغ فيهم ورود مجففه باللون البنفسجي ودرجاته والف الستاندات بطريق مرتبة وراقيه على طول الستندات

وعلبة صندوق من الخشب وافتحه واحشية تول بنفسجي واظهر منه شوي على التسريحة واضع داخله سلسلة كرستال بدرجات اللون نفسة واطلع منها اشوي يعني كأنها صنوق مجوهرات بس هذا كله يعتمد على طريقة الترتيب

وعندي ستاند طويل تقريباً متر حطيت فوقه باقة ورد طبيعي باللون البنفسجي ودرجاته وزعت على قطعة الموكيت مخدات كبيرة مربعه وصغار عدد 4 وحطيتهم بطريع عشوائية مرتبة على طرف الموكيت لأن غرفتي سيرامك ولون الغرفه البني المعتق ورق جدران باللون الطوبي والذهبي

نجي حق الكومدينا نفس الطريقه اللي اتبعتها على التسريحة بس لفيت على عصا الأبجورة التول وغطيت به الالكوميدينا وحطيت ستاند خشبي فوقهم شموع بنفسجية

نجي عند السرير التلبيسة لونها بنفسجي مع ذهبي القماش مخمل مع شانتون وحطيت تقريبا المخدات العادية 4 والمخدات الكبيره 2 والصغار 8 مشكل بين البنفسجي والذهبي ورتبتهم بطريقة مرتبه مثل اللي انشوفهم في الكاتلوجات او الصور اللي ايحطون الأخوات منه صور اللي تآخذ العقل ونفذتها

نجي حق العرشة ركبت العرشة باللون البنفسجي ودخلت معاها التول الذهبي صراحة انا العرشة سويتها عند الخياط لأني مالقيت عرشه باللون البنفسجي

ونسيت اقول لكم مشيت على السرير والمخدات اللمبات اللي تولع وتختفي

ودخنت الغرفة وعطرتها وطيبتها وشغلت الأبجورات مع اللمبات اللي حطيتها على السرير

طلعت الحجرة مابي ابالغ روعه روعه شوي هو جن على الحجرة لدرجة قال وشذا مابي ارقد على السرير عشان مايخرب وذا الترتيب وشذا الجمال عاد انا من ايركب براغيي .........................عقب هذا صار شهر ماعتقني ولا يوم ......وانتو فاهمين وش اقصد هاهاها.......

وان شاء الله استفدوا من اقتراحي المتواضع ....ادري اني مااستغنيت لا عن الشموع ولا عن الورد المجفف

بسم الله الرحمن الرحيم

مشكورة اختي الكريمة عتيجة الصوف علي الافكار الجميلة


جزاكي الله كل خير و في انتظار بقية الافكار


تحياتي

__________________

اشكرك اخت عتيجة الصوف علي هالافكار الحلوه والراقيه ونتمني المزيد من افكارك الحلوه

فكره كتير حلوه والي غرفتها صغيره ايش تعمل لانه غرفة نومي يا دةب اعرف اتحرك فيها

__________________
[